ຫວຽດນາມ ກຳນົດການປະຕິຮູບລະບອບລະບຽບການແມ່ນຂອດບຸກທະລຸຍຸດທະສາດ. ການຫັນບັນດາແຜນນະໂຍບາຍໃຫຍ່ຂອງພັກ, ລັດຖະບານເປັນລະອຽດໄດ້ຜັນຂະຫຍາຍການປະຕິຮູບຢ່າງວ່ອງໄວແບບທີ່ບໍ່ເຄີຍມີມາກ່ອນ. ການປະຕິວັດ ກ່ຽວກັບການປະຕິຮູບລະບຽບການບໍລິຫານພວມນຳຂຶ້ນສູ່ລະດັບສູງທີ່ສຸດ ເພື່ອແນໃສ່ປະຕິບັດການຫັນແງ່ຫວັງການເຕີບໂຕບັນລຸລະດັບ ສອງຕົວເລກໃຫ້ປະກົດຜົນເປັນຈິງ.
ເລືອກເອົາເສັ້ນທາງປະຕິຮູບຢ່າງແທ້ຈິງ
ວັນທີ 29 ເມສາ, ລັດຖະບານໄດ້ປະກາດໃຊ້ 8 ມະຕິເພື່ອຫຼຸດຜ່ອນ, ແບ່ງຂັ້ນ, ຫັນການປະຕິບັດລະບຽບການບໍລິຫານເປັນງ່າຍດາຍ, ຫຼຸດຜ່ອນ, ຫັນເງື່ອນໄຂດຳເນີນທຸລະກິດເປັນງ່າຍດາຍໃນທຸກຂົງເຂດທີ່ຂຶ້ນກັບຂອບເຂດບໍລິຫານລັດ ຂອງ 14 ກະຊວງ, ອົງການທຽບເທົ່າກະຊວງ.
ຕາມນັ້ນແລ້ວ, ລັດຖະບານກໍ່ໄດ້ດຳເນີນການປັບປຸງ, ເພີ່ມເຕີມເອກະສານກອບນິຕິກຳຄົບຊຸດ 163 ສະບັບ, ໃນນັ້ມມີ 155 ມະຕິ - ຕົວເລກທີ່ບໍ່ເຄີຍມີມາກ່ອນໃນບັນດາບັ້ນປະຕິຮູບຄັ້ງກ່ອນ. ບົນພື້ນຖານນັ້ນ, 184 ລະບຽບການບໍລິຫານໄດ້ລົບລ້າງ, 134 ລະບຽບການບໍລິຫານໄດ້ແບ່ງຂັ້ນ ແລະ 349 ລະບຽບການບໍລິຫານໄດ້ຫັນເປັນງ່າຍດາຍ. ບັນດາຕົວເລກນີ້ບໍ່ພຽງແຕ່ສ່ອງແສງຂອບຂະໜາດເທົ່ານັ້ນ ຫາກຍັງສະແດງໃຫ້ເຫັນວິທີການເຂົ້າເຖິງໃໝ່: ປ່ຽນແປງໃໝ່ໂດຍພື້ນຖານ ແລະ ມີລະບົບ, ແທນທີ່ປ່ຽນແປງແຕ່ລະສ່ວນທີ່ກະແຈກກະຈາຍຄືໃນເມື່ອກ່ອນ.
3 ວັນພາຍຫຼັງລັດຖະບານປະກາດໃຊ້ມະຕິຫຼາຍສະບັບເພື່ອຫຼຸດຜ່ອນລະບຽບການບໍລິຫານໃນຂອບຂະໜາດໃຫຍ່, ວັນທີ 2 ພຶດສະພາ, ຫ້ອງວ່າການລັດຖະບານ ສືບຕໍ່ສົ່ງຄຳຊີ້ນຳຂອງທ່ານນາຍົກລັດຖະມົນຕີ ຫວຽດນາມ ເລມິງຮຶງ, ຮຽກຮ້ອງບັນດາກະຊວງຮີບເຮັ່ງສຳຫຼວດກວດກາ, ສະເໜີການຫຼຸດຜ່ອນລະບຽບການບໍລິຫານໃນ 4 ຂົງເຂດ: ປ້ອງກັນຕ້ານອັກຄີໄພ; ສ້າງ ແລະ ນຳເຂົ້າເຄື່ອນໄຫວເຂດອຸດສາຫະກຳ, ຕີລາຄາຜົນກະທົບດ້ານສິ່ງແວດລ້ອມ; ອອກໃບອະນຸຍາດການກໍ່ສ້າງ. ກຳນົດເວລາລາຍງານໄດ້ກຳນົດໃນວັນທີ 10 ພຶດສະພາ, ພ້ອມທັງສົ່ງໄປຍັງກະຊວງຍຸຕິທຳເພື່ອຕີລາຄາເປັນເອກະລາດ.
ຖ້າການຫຼຸດຜ່ອນຄັ້ງທີ 29 ເມສາ ສຸມໃສ່ການລົບລ້າງບັນດາລະບຽບການບໍລິຫານທີ່ບໍ່ເໝາະສົມນັ້ນ, ຄຳສັ່ງໃນວັນທີ 2 ພຶດສະພາ ສະແດງໃຫ້ເຫັນຄວາມຕັດສິນໃຈແກ້ໄຂບັນດາຈຸດອຸດຕັນລະອຽດ. ຍ້ອນວ່າ 4 ຂົງເຂດດັ່ງກ່າວແມ່ນບັນດາຂົງເຂດເຊິ່ງວິສາຫະກິດສ່ອງແສງຫຼາຍຂໍ້ຕິດຂັດກ່ຽວກັບການປະຕິບັດລະບຽບການບໍລິຫານ (ຕາມບົດລາຍງານດັດຊະນີ ຄວາມສາມາດໃນການແກ້ງແຍ້ງຂັ້ນແຂວງ (PCI) ປີ 2024). ທ່ານຮອງລັດຖະມົນຕີ, ກະຊວງຍຸຕິທຳ ຫງວຽນແທັງຕິງ ໃຫ້ຮູ້ວ່າ:
“ນີ້ແມ່ນບັ້ນປະຕິຮູບຢ່າງເລິກເຊິ່ງກວ້າງຂວາງທີ່ສຸດ. ໃນເວລາບໍ່ຮອດ 1 ເດືອນ ທີ່ເຄື່ອນໄຫວລັດຖະບານຊຸດໃໝ່, ພວກເຮົາໄດ້ປະຕິບັດບັນດາເປົ້າໝາຍຄື ຫຼຸດຜ່ອນ, ຫັນລະບຽບການບໍລິຫານ ແລະ ຂະແໜງອາຊີບດຳເນີນທຸລະກິດທີ່ມີເງື່ອນໄຂເປັນງ່າຍດາຍ ຖືກຕ້ອງຕາມຄຳຊີ້ນຳຂອງນາຍົກລັດຖະມົນຕີ”.
ບັນດາຜົນກະທົບໂດຍກົງ
ຄວາມຂ້ຽວຂາດໃນການປະຕິຮູບລະບຽບການບໍລິຫານດັ່ງກ່າວບໍ່ພຽງແຕ່ມີຄວາມໝາຍດ້ານລະບອບລະບຽບການເທົ່ານັ້ນ ຫາກຍັງມີຜົນກະທົບໂດຍກົງຕໍ່ປະຊາຊົນ, ວິສາຫະກິດ ແລະ ທົ່ວພື້ນຖານເສດຖະກິດອີກດ້ວຍ.
ສຳລັບວິສາຫະກິດ, ການຫຼຸດຜ່ອນລະບຽບການບໍລິຫານ ແລະ ເງື່ອນໄຂດຳເນີນທຸລະກິດ ກໍ່ໝາຍຄວາມວ່າຫຼຸດຜ່ອນຄ່າທຳນຽມຫຼາຍພໍສົມຄວນ. ວິວັດການຈະແຈ້ງກວ່າ, ໄວກວ່າ ກໍ່ຊ່ວຍວິສາຫະກິດ ເພີ່ມຄວາມໄວໃນການຕັດສິນ, ຍົກສູງຄວາມສາມາດຂອງຕົນ.
ລະບຽບການບໍລິຫານຫຼຸດລົງຊ່ວຍວິສາຫະກິດຫຼຸດຜ່ອນຄ່າໃຊ້ຈ່າຍ ແລະ ຍູ້ໄວການພັດທະນາຜະລິດຕະພັນ ແລະ ເປີດກ້ວາງຊ່ອງທາງແຈກຢາຍ. ສານຈະແຈ້ງທີ່ສຸດ: ລັດຖະບານຮ່ວມເດີນທາງຢ່າງແທ້ຈິງ, ມີການກະທຳໂດຍໄວ ແລະ ຂ້ຽວຂາດ ເພື່ອການພັດທະນາຂອງ ວິສາຫະກິດ.
ສຳລັບປະຊາຊົນ, ການຫຼຸດຜ່ອນລະບຽບການບໍລິຫານ ແລະ ຫຼຸດຜ່ອນການພົບປະກັບອົງການບໍລິຫານຈະຊ່ວຍຫຼຸດຜ່ອນຄວາມສ່ຽງສໍ້ລາດບັງຫຼວງ, ພ້ອມທັງຍົກສູງຄຸນນະພາບການບໍລິການສາທາລະນະ.
ສຳລັບພື້ນຖານເສດຖະກິດ, ຄວາມໝາຍຍິ່ງໃຫຍ່ທີ່ສຸດແມ່ນລຸລ່ວງກະແສແຫຼ່ງກຳລັງ. ເມື່ອບັນດາຮົ້ວກີດຂວາງແມ່ນລະບຽບການບໍລິຫານໄດ້ຍົກເລີກ, ແຫຼ່ງເງິນທຶນ, ແນວຄວາມຄິດ ແລະ ຄວາມສາມາດໃນການຜະລິດ ອາດສາມາດໝູນໃຊ້ໂດຍໄວ, ມີປະສິດທິຜົນກວ່າ. ນີ້ແມ່ນເງື່ອນໄຂທີ່ຈຳເປັນເພື່ອບັນລຸໄດ້ເປົ້າໝາຍການເຕີບໂຕສູງໃນໄລຍະຈະມາເຖິງ.
ສຳຄັນກວ່າອີກ, ບັນດາການຕັດສິນນີ້ໄດ້ປະກອບສ່ວນສ້າງຄວາມໄວ້ເນື້ອເຊື່ອໃຈ ຂອງວິສາຫະກິດຕໍ່ສະພາບແວດລ້ອມແຫ່ງການດຳເນີນທຸລະກິດ, ຄວາມໄວ້ເນື້ອເຊື່ອໃຈຂອງປະຊາຊົນຕໍ່ປະສິດທິຜົນຂອງກົງຈັກບໍລິຫານ.
ໃນສະພາບການເສດຖະກິດໂລກມີການຜັນແປຫຼາຍຢ່າງ, ເປົ້າໝາຍການເຕີບໂຕບັນລຸລະດັບສອງຕົວເລກແມ່ນສິ່ງທ້າທາຍໃຫຍ່. ແຕ່ຄວາມຈິງພວມສະແດງໃຫ້ເຫັນວ່າ, ເມື່ອປະຕິຮູບລະບອບລະບຽບການໄດ້ວາງອອກຖືກທີ່ຕັ້ງ ຖືກຂັ້ນຕອນ ບຸກທະລຸ ຍຸດທະສາດ ຖືກຕ້ອງຕາມແນວທາງຂອງພັກ ນັ້ນແມ່ນກົງຕັກ ເລີ່ມຕົ້ນການເຕີບໂຕ. ການປະຕິຮູບລະບອບລະບຽບການ, ເພາະສະນັ້ນ, ບໍ່ພຽງແຕ່ແມ່ນມາດຕະການໃນສະເພາະໜ້າເທົ່ານັ້ນ ຫາກຍັງແມ່ນເສັ້ນທາງຕ້ອງເປັນໄປເພື່ອຫັນແງ່ຫວັງພັດທະນາໃນໄລຍະໃໝ່ໃຫ້ປະກົດຜົນເປັນຈິງອີກດ້ວຍ.
