(ພາບ: quochoi.vn)
ໃນນັ້ນ, ມີເນື້ອໃນພົ້ນເດັ່ນແມ່ນເຮັດແນວໃດເພື່ອຫັນປະສິດທິຜົນບັນດາແຫຼ່ງກຳລັງ ກາຍເປັນສະມັດຕະພາບ, ກຳລັງຄວາມສາມາດໃນການຜະລິດ ແລະ ກຳລັງແກ່ງແຍ້ງແຫ່ງຊາດໄດ້.
ປີ 2026, ເສດຖະກິດ ຫວຽດນາມ ສືບຕໍ່ປະເຊີນໜ້າກັບຄວາມຫຍຸ້ງຍາກ, ສິ່ງທ້າທາຍຫຼາຍຢ່າງ, ຈາກສະພາບການເສດຖະກິດ, ຄວາມກົດດັນຈາກໄພເງິນເຟີ້, ລາຍຈ່າຍສົ້ນເຂົ້າ ແລະ ບັນດາບັນຫາກີດຂວາງໃນການສຳຜັດແຫຼ່ງທຶນຮອນ, ທີ່ດິນຂອງວິສາຫະກິດ. ແຕ່ເຖິງຢ່າງໃດກໍ່ຕາມ, ຕາມບົດລາຍງານຂອງລັດຖະບານແລ້ວ, ເສດຖະກິດ - ສັງຄົມຍັງບັນລຸໄດ້ໝາກຜົນສຳຄັນຫຼາຍຢ່າງ, ຄາດວ່າຈະສຳເລັດ ແລະ ລື່ນກາຍ 14/15 ຄາດໝາຍຕົ້ນຕໍ່.
ປີ 2027, ລັດຖະບານໄດ້ວາງອອກຄາດໝາຍການເຕີບໂຕຈາກ 10% ຂຶ້ນໄປ, ພ້ອມທັງກຳນົດວິທະຍາສາດເຕັກໂນໂລຊີ, ນະວັດຕະກຳ ແລະ ການຫັນເປັນດີຈີຕອນ ແມ່ນບັນດາກຳລັງໜູນຕົ້ນຕໍຂອງຮູບແບບການພັດທະນາໃໝ່.
ປ່ຽນແປງວິທີສ້າງການເຕີບໂຕ
ເພື່ອຮັກສາກຳລັງແຮງຍາວນານໃຫ້ແກ່ພື້ນຖານເສດຖະກິດ, ໄປຄຽງຄູ່ກັບເປີດກ້ວາງເງິນລົງທຶນ, ຂຸດຄົ້ນຊັບພະຍາກອນທຳມະຊາດ, ເພີ່ມທະວີແຮງງານຕາມລວງເລິກ, ມີປະສິດທິຜົນໃນການນຳໃຊ້ແຕ່ລະແຫຼ່ງກຳລັງ ແລະ ຄວາມສາມາດສ້າງມູນຄ່າເພີ່ມຈາກບັນດາແຫຼ່ງກຳລັງນັ້ນ ມີຄວາມໝາຍຫຼັກແຫຼ່ງ. ເມື່ອເນັ້ນໜັກ ເຖິງປັດໄຈລະບອບລະບຽບການຕ້ອງກາຍເປັນກຳລັງໜູນການພັດທະນາຢ່າງແທ້ຈິງ, ທ່ານ ຫຼ້າແທັງເຕີນ, ສະມາຊິກສະພາແຫ່ງຊາດ ນະຄອນ ຫາຍຟ່ອງ, ຖືວ່າ:
“ພື້ນຖານເສດຖະກິດໜຶ່ງອາດຈະຫຼາຍຄວາມສາມາດບົ່ມຊ້ອນ, ມີແຫຼ່ງກຳລັງ, ມີວິສາຫະກິດ ແລະ ມີແງ່ຫວັງບື່ນຕົວ. ແຕ່ບັນດາຄວາມສາມາດບົ່ມຊ້ອນນັ້ນ ອາດສາມາດຫັນເປັນການເຕີບໂຕໄດ້ຫຼືບໍ່, ແຫຼ່ງກຳລັງໜູນໄດ້ສ້າງຄວາມສະດວກ ຫຼືບໍ່ ແມ່ນອີງໃສ່ສວ່ນໃຫຍ່ຕໍ່ຄຸນນະພາບຂອງລະບອບລະບຽບການ. ຍ້ອນເຫດນັ້ນ, ຂ້າພະເຈົ້າຖືວ່າ, ຜັນຂະຫຍາຍໜ້າທີ່ສ້າງລະບອບລະບຽບການໃຫ້ສົມບຸນແບບໃນປີ 2027 ຕ້ອງໄດ້ວາງອອກໃນແຜນສັງລວມປະຕິບັດໂຄງສ້າງລະບົບກົດໝາຍ ຫວຽດນານ ໃຫ້ສົມບູນແບບ. ນີ້ແມ່ນໂອກາດເພື່ອສ້າງການຫັນປ່ຽນມີລັກສະນະພື້ນຖານ ກ່ຽວກັບຄຸນນະພາບຂອງລະບອບລະບຽບການ”.
(ພາບ: Ho Long)
ສະມາຊິກສະພາແຫ່ງຊາດສະເໜີແກ້ໄຂບັນດາບັນຫາຕິດຂັດກ່ຽວກັບລະບອບຕ້ອງໄດ້ຕີລາຄາດ້ວຍຄວາມສາມາດແກ້ໄຂຕົວຈິງຫາກບໍ່ແມ່ນອີງໃສ່ຈຳນວນເອກະສານໄດ້ປະກາດໃຊ້ເທົ່ານັ້ນ. ສຳລັບແຕ່ລະໝວດບັນຫາຕ້ອງກຳນົດແຈ້ງຂໍ້ກຳນົດ, ບັນຫາຄົງຄ້າງ, ສາຍເຫດ, ວິທີການແກ້ໄຂ, ອົງການຮັບຜິດຊອບ ແລະ ເວລາສຳເລັດ. ໂດຍ ເຫັນດີກັບຄຳເຫັນກ່ຽວກັບຄຸນນະພາບຄຸນນະພາບ ກົດໝາຍ, ທ່ານ ເລຮ່ວາງແອັງ, ສະມາຊິກສະພາແຫ່ງຊາດ ແຂວງ ຢາລາຍ, ເນັ້ນໜັກວ່າ:
“ຄວນຮັບປະກັນເງື່ອນໄຂພື້ນຖານ, ຄວາມມີສະຖຽນລະພາບ ແລະ ສາມາດຄາດຄະເນລ່ວງໜ້າໄດ້ຂອງກົດໝາຍ. ຖືກກັບນຳ້ໃຈມະຕິເລກທີ 66 ແລະ ມະຕິເລກທີ 68 ຂອງກົມການເມືອງ, ນະໂຍບາຍຕ້ອງໄດ້ຕີລາຄາຜົນກະທົບແທດຈິງມີຂັ້ນຕອນຫັນປ່ຽນ, ບໍ່ສົ່ງຜົນໄຮ້ປະໂຫຍດໃຫ້ວິສາຫະກິດ. ກົດໝາຍຊ່ວຍບໍລິຫານມີໄຫວພິບ ແຕ່ສິດພື້ນຖານຂອງວິສາຫະກິດຍິ່ງຕ້ອງໄດ້ລະບຸແຈ້ງໃນກົດໝາຍ. ຍ້ອນນັ້ນ, ວິສາຫະກິດມີຄວາມອຸ່ນອ່ຽນໃຈ ເມື່ອສິດຂອງເຂົາ ໄດ້ລະບຸໃນກົດໝາຍ ຫາກບໍ່ແມ່ນວ່ານອນໃນເອກະສານແນະນຳອາດສາມາດປ່ຽນແປງເລື້ອຍໆ”.
(ພາບ:quochoi.vn)
ເຕີບໂຕແທດຈິງ
ບັນດາບັນຫາໄດ້ວາງອອກໃນວາລະປຶກສາຫາລືຂອງສະພາແຫ່ງຊາດ ໃນຕອນບ່າຍວັນທີ 30 ຕຸລາ ໄດ້ສະແດງໃຫ້ເຫັນຄວາມຮຽກຮ້ອງຕ້ອງການຕິດພັນແໜ້ນແຟ້ນລະຫວ່າງນະໂຍບາຍປີການເງິນ, ການລົງທຶນສາທາລະນະ, ປະຕິຮູບລະບອບລະບຽບການ ແລະ ປ່ຽນໃໝ່ຮູບແບບການເຕີບໂຕ. ທ່ານ ຫງວຽນແມ້ງຮູ່ງ, ສະມາຊິິກສະພາແຫ່ງຊາດ ນະຄອນ ເກີນເທີ, ເນັ້ນໜັກວ່າ:
“ເພື່ອບັນລຸໄດ້ເປົ້າໝາຍເຕີບໂຕສອງຕົວເລກໃຫ້ທັງໄລຍະ 2026 – 2030, ພວກເຮົາຕ້ອງມີແຫຼ່ງທຶນໃຫ້ແກ່ພື້ນຖານເສດຖະກິດໄລຍະກາງ ແລະ ໄລຍະຍາວຫຼາຍກວ່າ. ທີໜຶ່ງ, ຄວນຂຸດຄົ້ນແຫຼ່ງທຶນຈາກພັນທະບັດຂອງ ວິສາຫະກິດ, ສ້າງຕະຫຼາດທຶນຈາກພັນທະບັດໂປ່ງໃສ ແລະ ດຶງດູດຫຼາຍວິສາຫະກິດເຂົ້າຮ່ວມ. ທີີສອງ, ເຮັດແນວໃດເພື່ອຫັນຈາກແຫຼ່ງທຶນປະຢັດຂອງປະຊາຊົນ ກາຍເປັນແຫຼ່ງເງິນລົງທຶນ. ທີສາມແມ່ນ, ເອົາໃຈໃສ່ເຖິງບັນດາກອງທຶນລົງທຶນ, ພິເສດແມ່ນກອງທຶນຜະຈົນໄພ, ເພື່ອຊ່ວຍໃຫ້ວິສາຫະກິດມີແຫຼ່ງທຶນໃຫ້ແກ່ບັນດາການເຄື່ອນໄຫວຜະລິດດຳເນີນທຸລະກິດຂອງຕົນ”.
ໄມ້ວັດແທກຂອງພື້ນຖານເສດຖະກິດພັດທະນາ ບໍ່ພຽງແຕ່ນອນໃນຈຳນວນທຶນຮອນໄດ້ລະດົມ, ຈຳນວນໂຄງການໄດ້ຜັນຂະຫຍາຍ ຫຼື ຂອບຂະໜາດການຜະລິດໄດ້ເປີດກ້ວາງເທົ່ານັ້ນ, ຫາກຍັງມີຄວາມສາມາດຫັນບັນດາແຫຼ່ງກຳລັງນັ້ນກາຍເປັນຜະລິດຕະພັນ, ເຕັກໂນໂລຊີ, ມູນຄ່າເພີ່ມ ແລະ ກຳລັງແກ່ງແຍ້ງທີ່ແທດຈິງອີກດ້ວຍ. ນັ້ນ ແມ່ນຄວາມຮຽກຮ້ອງຕ້ອງການວາງອອກສຳລັບການວວາງກຳນົດ ແລະ ການຈັດຕັ້ງປະຕິບັດບັນດານະໂຍບາຍເສດຖະກິດໃນໄລຍະຈະມາເຖິງ./.
Huyen
