ໂດຍໄດ້ຮັບຄຳເຊີນຂອງ ທ່ານ Narendra Modi, ນາຍົກລັດຖະມົນຕີ ສ. ດິນເດຍ ທ່ານ ເລມິຮຶງ, ນາຍົກລັດຖະມົນຕີ ຫວຽດນາມ ຈະເຂົ້າຮ່ວມກອງປະຊຸມສຸດຍອດ BRICS ຄັ້ງທີ 18 ແລະ ເຮັດວຽກສອງຝ່າຍຢູ່ ອິນເດຍ ໃນວັນທີ 12 ແລະ 13 ກັນຍາ. ນີ້ແມ່ນໂອກາດເພື່ອໃຫ້ ຫວຽດນາມ ເພີ່ມທະວີການພົວພັນກັບບັນດາປະເທດ ສະມາຊິກ BRICS, ພ້ອມກັນນັ້ນ, ກໍ່ເປີດກວ້າງເຄືອຂ່າຍຄູ່ຮ່ວມມື, ຊອກຫາກຳລັງໜູນເຕີບໂຕໃໝ່ ແລະ ປະກອບສ່ວນສຽງເວົ້າເຂົ້າໃນບັນດາບັນຫາທີ່ປະຊາຄົມສາກົນ, ພິເສດແມ່ນບັນດາປະເທດພວມພັດທະນາ ມີຄວາມສົນໃຈ.
ນັບແຕ່ເມື່ອກາຍເປັນປະເທດຄູ່ຮ່ວມມືຂອງ BRICS ໃນເດືອນ ມິຖຸນາ 2025, ຫວຽດນາມ ຍາມໃດກໍ່ໄດ້ຈັດສົ່ງຄະນະຜູ້ແທນຂັ້ນນາຍົກລັດຖະມົນຕີເຂົ້າຮ່ວມ. ການເຂົ້າຮ່ວມຂອງທ່ານນາຍົກລັດຖະມົນຕີ ເລມິນຮຶງ ໃນກອງປະຊຸມຢູ່ ອິນເດຍ ຄັ້ງນີ້ ໄດ້ສະແດງໃຫ້ເຫັນການສະໜັບສະໜູນຢ່າງແຂງແຮງຂອງ ຫວຽດນາມ ຕໍ່ກົນໄກການຮ່ວມມືຂອງ BRICS ກໍຄືບົດບາດເປັນປະທານຂອງ ອິນເດຍ.
BRICS: ຕື່ມຕະຫຼາດທີ່ມີກຳລັງບົ່ມຊ້ອນໃຫ້ແກ່ ຫວຽດນາມ ອີກຕະຫຼາດໜຶ່ງ
BRICS ພວມນັບມື້ນັບມີທີ່ຕັ້ງທີ່ໜ້າສົນໃຈໃນຊີວິດເສດຖະກິດ ແລະ ການເມືອງສາກົນ. ບັນດາປະເທດສະມາຊິກ ແລະ ຄູ່ຮ່ວມມືຂອງ BRICS ມີປະຊາກອນຫຼວງຫຼາຍ, ມີຄວາມຕ້ອງການພັດທະນາທີ່ຫຼາກຫຼາຍຮູບແບບ ແລະ ມີຫຼາຍທ່າໄດ້ປຽບດ້ານຊັບພະຍາກອນ, ເຕັກໂນໂລຊີ, ແຫຼ່ງທຶນ, ຕະຫຼາດ. ນີ້ແມ່ນບັນດາປັດໄຈທີ່ ຫວຽດນາມ ສາມາດຂຸດຄົ້ນເພື່ອຮັບໃຊ້ວິວັດການພັດທະນາ. ທ່ານ ຈິ້ງມິນແມ້ງ, ເອກອັກຄະລັດຖະທູດ ຫວຽດນາມ ປະຈຳ ອິນເດຍ ຢືນຢັນວ່າ:
ຄວາມສາມາດບົ່ມຊ້ອນໃນການຮ່ວມມືຢູ່ທີ່ນີ້ໃຫຍ່ຫຼວງທີ່ສຸດ. ສະເພາະ 11 ປະເທດສະມາຊິກ BRICS ໄດ້ກວມເອົາເກືອບເຄິ່ງໜຶ່ງປະຊາກອນໂລກ, ປະມານ 40% ຂອງ GDP ທົ່ວໂລກ ແລະ ການຄ້າທົ່ວໂລກປະມານ ¼. ຖ້າຄິດໄລ່ທັງບັນດາປະເທດຄູ່ຮ່ວມມື, ຂອບຂະໜາດ ແລະ ກຳລັງຜົນສະທ້ອນຂອງ BRICS ຍັງກວ້າງໃຫຍ່ກວ່າອີກ. ບັນດາປະເທດສະມາຊິກ ແລະ ບັນດາປະເທດຄູ່ຮ່ວມມືຂອງ BRICS ລ້ວນແຕ່ມີທ່າແຮງດ້ານຕະຫຼາດ, ວິທະຍາສາດ - ເຕັກໂນໂລຊີ, ນະວັດຕະກໍາ, ພະລັງງານ, ຊັບພະຍາກອນ ແລະ ແຫຼ່ງຊັບພະຍາກອນມະນຸດ. ນີ້ລ້ວນແຕ່ແມ່ນບັນດາແຫຼ່ງກຳລັງສຳຄັນເຊິ່ງ ຫວຽດນາມ ສາມາດຍາດແຍ່ງໄດ້ໃຫ້ແກ່ເປົ້າໝາຍ ພັດທະນາໃນໄລຍະໃໝ່.
ໂດຍສັງເກດຈາກແງ່ມູມຄວາມສາມາດບົ່ມຊ້ອນການຮ່ວມມືດ້ານເສດຖະກິດ, ທ່ານສາດສະດາຈານ Sonu Trivedi, ມະຫາວິທະຍາໄລ ເດລີ, ນັກຄົ້ນຄວ້າຂັ້ນສູງກອງທຶນ ອິນເດຍ, ຫົວໜ້າຜູ້ກໍ່ຕັ້ງສູນຄົ້ນຄວ້າ ຫວຽດນາມ, ຖືວ່າ:
ເລື່ອງ ຫວຽດນາມ ເຂົ້າຮ່ວມກຸ່ມ BRICS ຈະເປີດໂອກາດໃຫ້ການຫັນ ຜະລິດຕະພັນ ແລະ ຕະຫຼາດເປັນຫຼາຍຮູບຫຼາຍແບບ, ພ້ອມທັງເປີດອອກສູ່ຕະຫຼາດ ໃໝ່ອ່ຽມ. ມີແງ່ມູມສຳຄັນອື່ນທີ່ຂ້າພະເຈົ້າຢາກເນັ້ນໜັກ ນັ້ນຄືການຊຳລະດີຈິຕອນ, ເຊິ່ງເປັນມາດຕະການແກ້ໄຂ ທີ່ບັນດາປະເທດສະມາຊິກ BRICS ເກືອບທັງໝົດກໍຄື ຫວຽດນາມ ພວມນຳໃຊ້, ນີ້ແມ່ນຂົງເຂດເປີດອອກບັນດາແງ່ຫວັງຢ່າງໃຫຍ່ຫຼວງ.
ຜ່ານກອງປະຊຸມຄັ້ງນີ້, ຫວຽດນາມ ປາດຖະໜາວ່າ ຈະປະກອບສ່ວນເຂົ້າໃນ ຜົນສຳເລັດລວມ BRICS ຜ່ານບັນດາຂໍ້ສະເໜີແນະ, ຂໍ້ລິເລີ່ມລະອຽດ, ທັງເພີ່ມທະວີການເຊື່ອມຕໍ່ກັບບັນດາພື້ນຖານເສດຖະກິດ BRICS, ຊຸກຍູ້ວິທະຍາສາດ - ເຕັກໂນໂລຊີ, ນະວັດຕະກຳ ແລະ ການຫັນເປັນດີຈີຕອນ.
(ພາບ: ສະຖານທູດ ຫວຽດນາມ ປະຈຳ ອິນເດຍ)
ສ້າງກຳລັງໜູນໃຫ້ແກ່ການພົວພັນ ຫວຽດນາມ - ອິນເດຍ ຕື່ມອີກ
ສຳລັບ ອິນເດຍ ເປັນປະເທດປະທານ BRICS ປີ 2026 ແລະ ການພົວພັນ ລະຫວ່າງ ຫວຽດນາມ - ອິນເດຍ ຫາກໍ່ໄດ້ຮັບການຍົກລະດັບຂຶ້ນເປັນ ຄູ່ຮ່ວມມືຍຸດທະສາດຮອບດ້ານເພີ່ມທະວີ ໃນເດືອນ ພຶດສະພາ 2026, ການເຂົ້າຮ່ວມກອງປະຊຸມສຸດຍອດຂອງ ທ່ານນາຍົກລັດຖະມົນຕີ ເລມິນຮຶງ ຄັ້ງນີ້ ຈະສ້າງກຳລັງໜູນໃໝ່ຕື່ມອີກ ໃຫ້ແກ່ການພົວພັນສອງຝ່າຍ, ສືບຕໍ່ຫັນບັນດາຄວາມຮັບຮູ້ລວມ ແລະ ຂໍ້ຕົກລົງຂັ້ນສູງທີ່ບັນລຸໄດ້ແລ້ວໃຫ້ເປັນລະອຽດ. ທ່ານ ຈິ້ງມິນແມ້ງ, ເອກອັກຄະລັດຖະທູດ ຫວຽດນາມ ປະຈຳ ອິນເດຍ ໃຫ້ຮູ້ວ່າ:
ກ່ອນອື່ນໝົດແມ່ນໄດ້ສ້າງການຫັນປ່ຽນຢ່າງແຮງກວ່າກ່ຽວກັບການຮ່ວມມືດ້ານເສດຖະກິດ, ສູ້ຊົນນຳວົງເງິນການຄ້າ 2 ຝ່າຍໃຫ້ບັນລຸ 25 ຕື້ USD ໃນປີ 2030, ພ້ອມກັນນັ້ນ, ກໍສ້າງຄວາມສະດວກໃຫ້ແກ່ສິນຄ້າຈາກ 2 ປະເທດເຂົ້າເຖິງຕະຫຼາດ ຂອງກັນ ແລະ ສົ່ງເສີມການລົງທຶນ 2 ສົ້ນຫຼາຍກວ່າອີກ. 2 ຝ່າຍກໍ່ມີຍັງມີຫຼາຍຂົງເຂດເພື່ອສາມາດສ້າງກຳລັງໜູນການເຕີບໂຕໃໝ່ດ້ານວິທະຍາສາດ - ເຕັກໂນໂລຊີ, ນະວັດຕະກຳ, ການຫັນເປັນດີຈີຕອນ, ເຄິ່ງຊັກນຳໄຟ້າ, ການຢາ... ນີ້ແມ່ນບັນດາຂົງເຂດສອດຄ່ອງກັບຄວາມຕ້ອງການພັດທະນາຂອງ ຫວຽດນາມ, ທັງແມ່ນບັນດາກຳລັງແຮງທີ່ນັບມື້ນັບໂດດເດັ່ນຂອງ ອິນເດຍ.
BRICS ໄດ້ເປີດຂົງເຂດການຮ່ວມມືໃໝ່ໃຫ້ແກ່ ຫວຽດນາມ ໃນນັ້ນ ອິນເດຍ ເປັນຈຸດເຊື່ອມຕໍ່ທີ່ສຳຄັນ. ການເຂົ້າຮ່ວມກອງປະຊຸມສຸດຍອດ BRICS 2026 ຂອງທ່ານນາຍົກລັດຖະມົນຕີ ຫວຽດນາມ ຄັ້ງນີ້ ບໍ່ພຽງແຕ່ເປີດກວ້າງການຮ່ວມມື ຫຼາຍຝ່າຍເທົ່ານັ້ນ, ຫາກຍັງເປັນກຳລັງໜູນເຮັດໃຫ້ການພົວພັນຄູ່ຮ່ວມມືຍຸດທະສາດ ຮອບດ້ານລະຫວ່າງ ຫວຽດນາມ ແລະ ອິນເດຍ ເລິກເຊິ່ງຂຶ້ນຕື່ມ, ຈາກຄວາມໄວ້ເນື້ອເຊື່ອໃຈດ້ານການເມືອງ, ຕະຫຼອດຮອດການເຊື່ອມຕໍ່ດ້ານເສດຖະກິດ, ເຕັກໂນໂລຢີ ແລະ ບັນດາຂົງເຂດໃໝ່./.
