(ພາບ: Christopher Katsarov/The Canadian Press via AP)
ສ້າງການພົວພັນທີ່ໃກ້ຊິດທີ່ບໍ່ເຄີຍມີມາກ່ອນ. ນີ້ແມ່ນສານທີ່ສະຫະພາບ ເອີລົບ (ອີຢູ) ແລະ ການາດາ ຢາກຢືນຢັນຜ່ານກອງປະຊຸມສຸດຍອດຄັ້ງທີ 21 ລະຫວ່າງສອງຝ່າຍ, ໃນສະພາບທີ່ທັງ ອີຢູ ແລະ ການາດາ ພວມປະເຊີນກັບຄວາມກົດດັນດ້ານເສດຖະກິດ, ການຄ້າ ແລະ ຄວາມໝັ້ນຄົງຢ່າງໃຫຍ່ຫຼວງ, ບໍ່ພຽງແຕ່ຈາກຄູ່ແຂ່ງເທົ່ານັ້ນ ຫາກຍັງມາຈາກບັນດາປະເທດພັນທະມິດທີ່ເປັນມູນເຊື້ອອີກດ້ວຍ.
ກອງປະຊຸມສຸດຍອດ ອີຢູ - ການາດາ ຄັ້ງທີ 21 ໄດ້ຈັດຂຶ້ນເປັນເວລາສອງວັນ ແຕ່ວັນທີ 29-30 ຕຸລາ (ຕາມເວລາທ້ອງຖິ່ນ), ຢູ່ Montreal, ລັດ Quebec (ການາດາ).
ຫັນຄູ່ຮ່ວມມືເປັນຫຼາຍຮູບຫຼາຍແບບ
ໂດຍໄດ້ຈັດຂຶ້ນພາຍຫຼັງເວລາໜຶ່ງເດືອນພາຍຫຼັງຄຳຖະແຫຼງບັງເອີນຂອງທ່ານນາງ Ursula von der Leye, ປະທານຄະນະກຳມະການ ເອີລົບ ທີ່ສານສະຫະລັດຈັດຂຶ້ນໃນວັນທີ 16 ກັນຍາ, ທີ່ວ່າ ອີຢູຢາກໃຫ້ ການາດາ ກາຍເປັນ “ສະມາຊິກຮ່ວມ” ທຳອິດໃນປະຫວັດສາດຂອງກຸ່ມ, ກອງປະຊຸມສຸດຍອດ ອີຢູ - ການາດາ ຄັ້ງທີ 21 ຢູ່ Montreal, ໄດ້ຮັບຄວາມຄາດຫວັງຫຼາຍຢ່າງ. ເລື່ອງປະເທດສະມາຊິກຫຼັກແຫຼ່ງຈຳນວນໜຶ່ງຂອງ ອີຢູ ຄັດຄ້ານແນວຄວາມຄິດຂອງ "ສະມາຊິກຮ່ວມ" (ຍ້ອນສາຍເຫດນິຕິກຳ) ໃນໄລຍະຍາວອາດສາມາດເຮັດໃຫ້ສອງຝ່າຍຕ້ອງຊອກຫາຄຳສັບອື່ນມີລັກສະນະທີ່ເປັນມິດຫຼາຍກວ່າ, ແຕ່ໃນຮ່າງຖະແຫຼງການຮ່ວມ, ທັງ ອີຢູ ແລະ ການາດາ ໄດ້ຢືນຢັນຄວາມຕັດສິນໃຈສ້າງ "ການເຊື່ອມຕໍ່ທີ່ນັບມື້ນັບແໜ້ນແຟ້ນກວ່າລະຫວ່າງ ການາດາ ແລະ ອີຢ, ເຖິງວ່າຍັງບໍ່ມັນຮອດລະດັບເປັນສະມາຊິກສົມບູນ."
ເສົາຄ້ຳໃຫ້ແກ່ການພົວພັນນີ້ແມ່ນພັນທະມິດເພື່ອອະນາຄົດ, ກົນໄກທີ່ສອງຝ່າຍຜັນຂະຫຍາຍບັນດາການຮ່ວມມືຍຸດທະສາດໃນທຸກຂົງເຂດທີ່ຈຳເປັນ, ລວມທັງ: ການຄ້າດີຈີຕອນ, ພະລັງງານ, ເຕັກໂນໂລຊີ... ທ່ານ Mark Carney, ນາຍົກລັດຖະມົນຕີ ການາດາ ຢືນຢັນວ່າ ສຳພັນທະມິດຈະນຳເອົາໂອກາດໃໝ່ມາສູ່ປະຊາຊົນ ການາດາ.
"ແກ່ນສານຂອງບັນຫານີ້, ກໍແມ່ນເຫດຜົນທີ່ເປັນຫຍັງພວກເຮົາໄດ້ເລີ່ມຕົ້ນ, ຫຼື ຢ່າງໜ້ອຍສຸດແມ່ນເປັນຫຍັງຂ້າພະເຈົ້າໄດ້ເລີ່ມຕົ້ນດ້ວຍຍຸດທະສາດຄວາມໝັ້ນຄົງແຫ່ງຊາດ, ນັ້ນແມ່ນສຳພັນທະມິດໃໝ່ນີ້ບໍ່ແມ່ນການໂຄສະນາເຜີຍແຜ່. ຊື່ເອີ້ນບໍ່ສຳຄັນ; ສິ່ງທີ່ສຳຄັນແມ່ນການໜູຍຊ່ວຍເຊິ່ງກັນ ແລະ ກັນລະຫວ່າງ ສອງຝ່າຍຊ່ວຍປັບປຸງອະທິປະໄຕຂອງພວກເຮົາ, ພ້ອມກັນນັ້ນທັງປັບປຸງອະທິປະໄຕຂອງ ເອີລົບ ອີກດ້ວຍ".
ໃນຍຸດທະສາດຫັນຄູ່ຮ່ວມມືເປັນຫຼາຍຮູບຫຼາຍແບບຂອງ ການາດາ, ອີຢູ ແມ່ນທາງທາງເລືອກທຳມະຊາດ ແລະ ສຳຄັນທີ່ສຸດ, ບໍ່ພຽງແຕ່ຍ້ອນວ່າ ທັງສອງຝ່າຍເປັນພັນທະມິດດ້ານການເມືອງ - ຄວາມໝັ້ນຄົງທີ່ໃກ້ຊິດເທົ່ານັ້ນ, ຫາກຍັງທັງສອງຝ່າຍພວມພ້ອມກັນເຄື່ອນໄຫວສັນຍາການຄ້າເສລີ (CETA) ທີ່ປະສົບຜົນສຳເລັດທີ່ສຸດໃນໂລກອີກດ້ວຍ. ລະອຽດແມ່ນ, ຮອດປີ 2025, ວົງເງິນການຄ້າສິນຄ້າ ແລະ ການບໍລິການລະຫວ່າງ ອີຢູ ແລະ ການາດາ ບັນລຸປະມານ 130 ຕື້ເອີໂລ, ເພີ່ມຂຶ້ນ ກວ່າ 80% ເມື່ອທຽບໃສ່ປີ 2016.
ແບ່ງປັນສິ່ງທ້າທາຍ
ຍຸດທະສາດຫັນຄູ່ຮ່ວມມືເປັນຫຼາຍຮູບຫຼາຍແບບຂອງ ການາດາ ກໍຄ້າຍຄືກັບບັນດາສິ່ງທີ່ ອີຢູ ພວມເດີນຕາມ, ລະອຽດແມ່ນຍຸດທະສາດໃນການຫຼຸດຜ່ອນຄວາມສ່ຽງ ໃນການພົວພັນດ້ານເສດຖະກິດກັບຄູ່ຮ່ວມເສດຖະກິດໃຫຍ່ຄື ອາເມລິກາ ຫຼື ຈີນ ຫຼື ເລື່ອງ ເອີລົບ ພວມຊອກຫາວິທີເພື່ອສ້າງທີ່ຕັ້ງຢ່າງເປັນເຈົ້າການກວ່າ, ເອກະລາດກວ່າກ່ຽວກັບຄວາມໝັ້ນຄົງ ແລະ ພູມສາດການເມືອງ. ວັນທີ 19 ຕຸລາ, ອີຢູ ໄດ້ປະກາດຍຸດທະສາດໃໝ່ກ່ຽວກັບຂົ້ວໂລກເໜືອ ແລະ ກ່ອນຈັດກອງປະຊຸມສຸດຍອດ ອີຢູ - ການາດາ ຢູ່ Montreal, ທ່ານນາງ Ursula von der Leyen, ປະທານຄະນະກຳມະການ ເອີລົບ ສືບຕໍ່ເນັ້ນໜັກວ່າ:
"ເມື່ອເຫັນປະຈັກຕາເລື່ອງ ລັດເຊຍ ປະກົດຕົວ ດ້ານທະຫານຢູ່ຂົ້ວໂລກເໜືອຄືນໃໝ່ ແລະ ກຳນົດຮູບແບບຄວາມໝັ້ນຄົງຢູ່ຂົ້ວໂລກເໜືອ, ພວກເຮົາເຫັນວ່າ ບັນດາການກະທຳເຫຼົ່ານີ້ໄດ້ສົ່ງຜົນສະທ້ອນຕໍ່ທັງສະຫະພາບ ເອີລົບ ແລະ ການາດາ. ບັງຄັບໃຫ້ພວກເຮົາຕ້ອງມີການກະທຳ, ປ່ຽນແປງທ່າທາງຍຸດທະສາດຂອງຕົນ."
ພ້ອມກັບບັນດາຄວາມຄ້າຍຄືກັນກ່ຽວກັບຜົນປະໂຫຍດຍຸດທະສາດ, ອີຢູ ແລະ ການາດາ ຍັງປະເຊີນໜ້າກັບສິ່ງທ້າທາຍຮ່ວມທີ່ສັບສົນພໍສົມຄວນ ແລະ ສະດຸ້ງໄວ້, ນັ້ນແມ່ນການພົວພັນກັບ ອາເມລິກາ, ພັນທະມິດສຳຄັນທີ່ສຸດຂອງທັງສອງຝ່າຍ. ປະຕິກິລິຍາຕໍ່ເລື່ອງ ອີຢູ ແລະ ການາດາ ຮັດແໜ້ນການພົວພັນ “ຂຶ້ນລະດັບບໍ່ເຄີຍມີມາກ່ອນ”, ທ່ານ Donald Trump, ປະທານາທິບໍດີ ອາເມລິກາ ເຄີຍກ່າວເຕືອນວ່າ ອາດຈະນຳໃຊ້ບັນດາມາດຕະການແຂງກະດ້າງດ້ານການຄ້າຕໍ່ທັງສອງຝ່າຍ ຖ້າການພົວພັນນີ້ສົ່ງຜົນສະທ້ອນຕໍ່ຜົນປະໂຫຍດຂອງ ອາເມລິກາ. ສະນັ້ນ, ການປະນີປະນອມດ້ານຜົນປະໂຫຍດຂອງທັງ ເອີລົບ ແລະ ການາດາ ກັບ ອາເມລິກາ ຈະເປັນບັນຫາບໍ່ງ່າຍດາຍ.
ເມື່ອເຕື້ອງເຖິງສິ່ງທ້າທາຍໃນການພົວພັນກັບ ອາເມລິກາ, ກ່ອນຈັດກອງປະຊຸມສຸດຍອດ ອີຢູ - ການາດາ, ທ່ານນາຍົກລັດຖະມົນຕີ Mark Carney ໃຫ້ຮູ້ວ່າ ບັນດາການເຈລະຈາລະຫວ່າງ ການາດາ ແລະ ອາເມລິກາ ພວມບັນລຸຄວາມຄືບໜ້າ ແລະ ສອງຝ່າຍພວມມຸ່ງໄປເຖິງຂໍ້ຕົກລົງຢຸດຕິການປະທະກັນດ້ານການຄ້າ, ນຳຜົນປະໂຫຍດມາໃຫ້ທັງສອງຝ່າຍ.
