ປີ 2026, ເສດຖະກິດ ຫວຽດນາມ ໄດ້ຮັບຮູ້ໝາກຜົນການເຕີບໂຕທີ່ຕັ້ງໜ້າ, ສ້າງພື້ນຖານເພື່ອວາງອອກເປົ້າໝາຍການເຕີບໂຕ GDP ແຕ່ 10% ຂຶ້ນໄປໃນປີ 2027. ແຕ່ເຖິງແນວນັ້ນກໍ່ຕາມ, ເພື່ອຫັນເປົ້າໝາຍນີ້ໃຫ້ປະກົດຜົນເປັນຈິງ, ຄຳຮຽກຮ້ອງໄດ້ວາງອອກ ບໍ່ພຽງແຕ່ແມ່ນຂອບຂະໜາດການເຕີບໂຕເທົ່ານັ້ນ ຫາກຍັງແມ່ນຄຸນນະພາບ, ລັກສະນະຍືນຍົງ ແລະ ປະສິດທິຜົນການນຳໃຊ້ບັນດາແຫຼ່ງກຳລັງພັດທະນາອີກດ້ວຍ.
ໃນວິວັດການພິຈາລະນາແຜນການພັດທະນາເສດຖະກິດ - ສັງຄົມ ປີ 2027 ທີ່ກອງປະຊຸມສະໄໝສາມັນເທື່ອທີ 2 ສະພາແຫ່ງຊາດ ຫວຽດນາມ ຊຸດທີ 16, ບັນດາ ສສຊ ໄດ້ເອົາໃຈໃສ່ເປັນພິເສດຕໍ່ບັນດາເງື່ອນໄຂເພື່ອຫັນເປົ້າໝາຍການເຕີບໂຕໃຫ້ປະກົດຜົນເປັນຈິງ, ຈາກການລະດົມແຫຼ່ງກຳລັງ, ແກ້ໄຂຈຸດອັດຕັນດ້ານລະບອບລະບຽບການ ຕະຫຼອດຮອດສ້າງກຳລັງໜູນໃໝ່ ແລະ ຍົກສູງປະສິດທິຜົນການຈັດຕັ້ງປະຕິບັດ.
ຮັບປະກັນແຫຼ່ງກຳລັງ ແລະ ແກ້ໄຂຈຸດອັດຕັນ
ເພື່ອບັນລຸໄດ້ເປົ້າໝາຍການເຕີບໂຕແຕ່ 10% ຂຶ້ນໄປໃນປີ 2027, ບົດໂຈດການລະດົມເງິນລົງທຶນແມ່ນໜຶ່ງໃນບັນດາບັນຫາທີ່ ທ່ານ ເຈິ່ນຮວ່າງເງິນ ຄະນະ ສສຊ ນະຄອນ ໂຮ່ຈິມິນ ມີຄວາມສົນໃຈ:
ພວກເຮົາຕ້ອງບຸລິມະສິດລະບອບລະບຽບການກ່ອນ ແຕ່ບົດໂຈດການລົງທຶນຈະຊ່ວຍໃຫ້ພວກເຮົາຫັນບັນດາບັນດານີ້ເປັນລະອຽດ. ຍ້ອນຄືແນວນັ້ນ ບົດໂຈດການລົງທຶນຈະເປັນຄືແນວໃດ? ຕາມແຜນການໄດ້ວາງອອກ, ພວກເຮົາຕ້ອງລະດົມໄດ້ 35-40% GDP. ຄາດວ່າ GDP ຂອງ ຫວຽດນາມ ປີ 2026 ຈະບັນລຸປະມານ 564 ຕື້ USD.
ສ້າງກຳລັງໜູນໃໝ່, ຍົກສູງປະສິດທິຜົນການເຕີບໂຕ
ຄຽງຂ້າງແຫຼ່ງທຶນ ແລະ ລະບອບລະບຽບການ, ເລື່ອງລາວກ່ຽວກັບກຳລັງໜູນການເຕິບໂຕກໍ່ໄດ້ວາງອອກໃນບັນດາຄຳເຫັນປະກອບໃຫ້ແຜນການປີ 2027. ເມື່ອເປົ້າໝາຍການເຕີບໂຕໄດ້ຍົກສູງຂຶ້ນ, ຄຳຮຽກຮ້ອງແມ່ນບໍ່ພຽງແຕ່ໄດ້ເພີ່ມຂອບຂະໜາດການລົງທຶນເທົ່ານັ້ນ ຫາກຍັງຕ້ອງປົວແປງປະສິດທິຜົນການນຳໃຊ້ແຫຼ່ງກຳລັງ, ຊຸກຍູ້ວິທະຍາສາດ, ເຕັກໂນໂລຊີ ແລະ ຍົກສູງສະມັດຕະພາບຂອງພື້ນຖານເສດຖະກິດ. ທ່ານ ຝູ່ງດຶກຕຽນ, ຄະນະ ສສຊ ແຂວງ ແຄັງຮວ່າ ຖືວ່າ:
ສູ້ຊົນໃຫ້ການລົງທຶນພາກລັດບັນລຸໄດ້ 100%. ທີສອງແມ່ນມະຕິເລກທີ 57 ຂອງສູນກາງໄດ້ຊີ້ແຈ້ງທີ່ສຸດດ້ານວິທະຍາສາດເຕັກໂນໂລຊີ. ແຕ່ເຖິງແນວນັ້ນກໍ່ຕາມ, ປະຈຸບັນ, ເພື່ອປ່ອຍເງິນລົງທຶນໃຫ້ແກ່່ວິທະຍາສາດເຕັກໂນໂລຊີແມ່ນຍັງຕ່ຳຢູ່. ດັ່ງນັ້ນ, ພວກເຮົາຕ້ອງແກ້ໄຂດ້ານວິທະຍາສາດເຕັກໂນໂລຊີແມ່ນໜ້າທີ່, ມາດຕະການບຸກທະລຸ ເພື່ອຊຸກຍູ້ການເຕີບໂຕ.
ຈາກຄຳຮຽກຮ້ອງສ້າງກຳລັງໜູນການເຕີບໂຕ, ລັກສະນະຍືນຍົງຂອງບັນດາໝາກຜົນທີ່ບັນລຸໄດ້ ກໍ່ແມ່ນບັນຫາທີ່ຕ້ອງພິຈາລະນາໃນແຜນການຂອງປີ 2027. ການເຕີບໂຕສູງຕ້ອງໄປພ້ອມກັບຄວາມສາມາດຮັກສາການເຄື່ອນໄຫວຜະລິດ, ດຳເນີນທຸລະກິດ ແລະ ສ້າງເງື່ອນໄຂເພື່ອໃຫ້ວິສາຫະກິດເຂົ້າເຖິງແຫຼ່ງກຳລັງ.
ຕາມບັນດາ ສສຊ, ປີ 2027, ກຳລັງໜູນການເຕີບໂຕບໍ່ພຽງແຕ່ໄດ້ສັງເກດຈາກການລົງທຶນພາກລັດ ຫຼືວິທະຍາສາດ, ເຕັກໂນໂລຊີເທົ່ານັ້ນ, ຫາກຍັງຕ້ອງຕິດພັນກັບເງື່ອນໄຂການເຄື່ອນໄຫວຂອງວິສາຫະກິດ ແລະ ຄວາມສາມາດຮັກສາໝາກຜົນການພັດທະນາອີກດ້ວຍ. ບັນດາເນື້ອໃນນີ້ໄດ້ວາງອອກຄຳຮຽກຮ້ອງຕ້ອງສົມທົບບັນດາມາດຕະການ, ຈາກການຈັດແບ່ງເງິນລົງທຶນ, ແກ້ໄຂລະບຽບການ ຕະຫຼອດຮອດການຊຸກຍູ້ນະວັດຕະກຳ, ເພື່ອໃຫ້ການເຕີບໂຕບໍ່ພຽງແຕ່ບັນລຸກ່ຽວກັບດ້ານຂອບຂະໜາດເທົ່ານັ້ນ, ຫາກຍັງໄດ້ປົວແປງດ້ານຄຸນນະພາບອີກດ້ວຍ. ເພື່ອບັນດາມາດຕະການເຂົ້າສູ່ຕົວຈິງ, ບັນຫາການຈັດຕັ້ງປະຕິບັດຕ້ອງໄດ້ກຳນົດແຈ້ງ ນັບແຕ່ວິວັດການຜັນຂະຫຍາຍແຜນການ. ທ່ານ ຝຸ່ງຫິ້ວຕວານ ຄະນະ ສສຊ ແຂວງ ລາຍເຈົາ ເນັ້ນໜັກວ່າ:
ການຈັດຕັ້ງປະຕິບັດແມ່ນຂອດຕັດສິນ. ສະເໜີໃຫ້ຕ້ອງກຳນົດແຈ້ງຄວາມຮັບຜິດຊອບ, ການກຳນົດເວລາ, ແຫຼ່ງກຳລັງ ແລະ ໝາກຜົນສົ້ນອອກຂອງແຕ່ລະໜ້າທີ່; ເພີ່ມທະວີການກວດກາ, ຕິດຕາມກວດກາ ຕິດພັນຄວາມຮັບຜິດຊອບກັບໝາກຜົນການປະຕິບັດຂອງຜູ້ນຳໜ້າ. ຄຳຮຽກຮ້ອງລຸລ່ວງແມ່ນ ຍົກສູງສະມັດຕະພາບ, ປະສິດທິຜົນການນຳໃຊ້ແຫຼ່ງກຳລັງ ແລະ ຍົກສູງຄວາມສາມາດພາຍໃນຂອງພື້ນຖານເສດຖະກິດ. ຕິດພັນການເຕີບໂຕສູງກັບການຮັກສາເສດຖະກິດມະຫາພາກເປັນປົກກະຕິ, ການພັດທະນາແບບຍືນຍົງ ແລະ ຍົກສູງຊີວິດດ້ານວັດຖຸ ແລະ ຈິດໃຈຂອງ ປຊຊ ຢ່າງແທ້ຈິງ.
ເປົ້າໝາຍການເຕີບໂຕສູງໃນປີ 2027 ຮຽກຮ້ອງບໍ່ພຽງແຕ່ຄວາມຕັດສິນໃຈກ່ຽວກັບດ້ານຄາດໝາຍເທົ່ານັ້ນ, ຫາກຍັງແມ່ນຕ້ອງມີຄວາມສາມາດຫັນບັນດາແຜນນະໂຍບາຍ, ມາດຕະການ ກາຍເປັນໝາກຜົນຕົວຈິງອີກດ້ວຍ. ນີ້ກໍ່ແມ່ນພື້ນຖານເພື່ອຮັບປະກັນໃຫ້ການເຕີບໂຕ ໄປຄຽງຄູ່ກັບການຮັກສາເສດຖະກິດມະຫາພາກໃຫ້ເປັນປົກກະຕິ, ການພັດທະນາແບບຍືນຍົງ ແລະ ປົວແປງຊີວິດຂອງ ປຊຊ./.
