ຫວຽດນາມ ໄດ້ຈັດເຂົ້າໃນກຸ່ມປະເທດມີລາຍຮັບປານກາງສູງຢ່າງເປັນທາງການ ຕາມການຈັດອັນດັບຄັ້ງຫຼ້າສຸດຂອງ ທະນາຄານໂລກ (WB). ນີ້ບໍ່ພຽງແຕ່ແມ່ນຂີດໝາຍກ່ຽວກັບລາຍຮັບເທົ່ານັ້ນ ຫາກຍັງແມ່ນການຮັບຮູ້ຕໍ່ເສັ້ນທາງ 40 ປີແຫ່ງການປ່ຽນແປງໃໝ່, ເຊື່ອມໂຍງ ແລະ ພັດທະນາຂອງ ຫວຽດນາມ. ພາຍຫຼັງຂີດໝາຍນັ້ນແມ່ນບັນດາກາລະໂອກາດໃໝ່, ແຕ່ກໍ່ວາງອອກຄຳຮຽກຮ້ອງຕ້ອງການທີ່ສູງກວ່າໃຫ້ ຫວຽດນາມ ບົນເສັ້ນທາງມຸ່ງໄປເຖິງເປົ້າໝາຍກາຍເປັນປະເທດພັດທະນາມີລາຍຮັບສູງໃນປີ 2045.
ຈາກປະເທດທຸກຍາກພາຍຫຼັງສົງຄາມ, ດ້ວຍລາຍຮັບສະເລ່ຍຕໍ່ຫົວຄົນພຽງແຕ່ 200 – 300 USD ໃນຊຸມປີ 1990, ປັດຈຸບັນ ຫວຽດນາມ ໄດ້ລື່ນກາຍລະດັບ 4.636 USD ເພື່ອກ້າວເຂົ້າສູ່ກຸ່ມປະເທດມີລາຍຮັບປານກາງສູງ.
ນີ້ແມ່ນໝາກຜົນຂອງພາລະກິດແຫ່ງການປ່ຽນແປງໃໝ່, ຂອງວິວັດການເຊື່ອມໂຍງເຂົ້າກັບສາກົນຢ່າງເລິກເຊິ່ງກວ້າງຂວາງ, ຂອງສະພາບແວດລ້ອມດ້ານການເມືອງ - ສັງຄົມທີ່ເປັນປົກກະຕິ, ພ້ອມກັບການຮ່ວມເດີນທາງຂອງປະຊາຄົມວິສາຫະກິດ ແລະ ປະຊາຊົນໃນການພັດທະນາເສດຖະກິດ.
ສານກ່ຽວກັບພື້ນຖານເສດຖະກິດທີ່ເປັນປົກກະຕິ
ຂີດໝາຍນີ້ໄດ້ດຳເນີນໃນສະພາບການເສດຖະກິດໂລກທີ່ຍັງຂາດສະຖຽນລະພາບຫຼາຍຢ່າງ, ແຕ່ ຫວຽດນາມ ຍັງຮັກສາໄດ້ອັດຕາການເຕີບໂຕຢູ່ລະດັບສູງ, ຄວບຄຸມໄພເງິນເຟີ້ ແລະ ປັບປຸງລາຍຮັບຂອງປະຊາຊົນ. ສິ່ງນີ້ຢັ້ງຢືນປະສິດທິຜົນຂອງແນວທາງພັດທະນາທີ່ຖືການຮັກສາສະຖຽນລະພາບເປັນພື້ນຖານ ແລະ ການປະຕິຮູບເປັນກຳລັງໜູນ. ບັນດາການປະຕິຮູບລະບອບລະບຽບການ ນັບມື້ນັບໄດ້ຮັບການຊຸກຍູ້ຢ່າງຂ້ຽວຂາດ ແລະ ໄດ້ຮັບການຕີລາຄາສູງຈາກບັນດານັກລົງທຶນສາກົນ. ທ່ານ Max-F. Scheichenost, ອົງການພັດທະນາການລົງທຶນເອກະຊົນ, ນັກລົງທຶນທີ່ຄົ້ນຄວ້າຕະຫຼາດ ຫວຽດນາມ ມາເປັນຫຼາຍປີ ໃຫ້ຂໍ້ສັງເກດວ່າ:
“ມີການປ່ຽນແປງຢ່າງໃຫຍ່ຫຼວງຢູ່ ຫວຽດນາມ ໃນຊຸມປີມໍ່ໆມານີ້, ນັ້ນແມ່ນການປ່ຽນແປງກ່ຽວກັບຈິນຕະນາການ, ພິເສດແມ່ນຈິນຕະນາການຂອງບັນດາຜູ້ວາງກຳນົດນະໂຍບາຍ, ກົດໝາຍ. ຫວຽດນາມ ໄດ້ຮັບຟັງບັນດານັກຊ່ຽວຊານ, ບັນດາຄຳເຫັນຈາກສາກົນ, ນັກລົງທຶນຫຼາຍຂຶ້ນ. ລະອຽດແມ່ນ, ໃນໄລຍະເວລາ 1 – 2 ປີຜ່ານມາ, ອາດເຫັນໄດ້ເຖິງການຫັນປ່ຽນຢ່າງຈະແຈ້ງທີ່ມີລັກສະນະເປັນລະບົບ. ຂ້າພະເຈົ້າ ສາມາດຢັ້ງຢືນໄດ້ວ່າ ປັດຈຸບັນສະພາບແວດລ້ອມແຫ່ງການດຳເນີນທຸລະກິດຢູ່ ຫວຽດນາມ ພວມມີການພັດທະນາທີ່ສຸດ ແລະ ນີ້ແມ່ນໂອກາດເພື່ອໃຫ້ບັນດານັກລົງທຶນອາດສາມາດດຳເນີນທຸລະກິດທີ່ເປັນປົກກະຕິຢູ່ ຫວຽດນາມ”.
ຂໍ້ສັງເກດຂອງທ່ານ Max-F. Scheichenost ສະແດງໃຫ້ເຫັນສິ່ງທີ່ບັນດານັກລົງທຶນສົນໃຈບໍ່ພຽງແຕ່ແມ່ນຂອບຂະໜາດຕະຫຼາດເທົ່ານັ້ນ ຫາກຍັງແມ່ນຄຸນນະພາບໃນການບໍລິຫານ ແລະ ຄວາມອາດສາມາດປະຕິຮູບຂອງພື້ນຖານເສດຖະກິດ. ເມື່ອນະໂຍບາຍນັບມື້ນັບໂປ່ງໃສ, ຈິນຕະນາການໃນການຄຸ້ມຄອງບໍລິຫານນັບມື້ນັບເປີດເຜີຍ ແລະ ບັນດາຄຳເຫັນຈາກວິສາຫະກິດ, ນັກຊ່ຽວຊານສາກົນໄດ້ຮັບຟັງຫຼາຍຂຶ້ນ, ຄວາມໄວ້ເນື້ອເຊື່ອໃຈຂອງບັນດານັກລົງທຶນກໍ່ໄດ້ຮັບການປັບປຸງດີຂຶ້ນ.
ເຖິງຢ່າງໃດກໍຕາມ, ການກາຍເປັນປະເທດມີລາຍຮັບປານກາງສູງບໍ່ແມ່ນຈຸດໝາຍປາຍທາງ. ນີ້ແມ່ນຈຸດເລີ່ມຕົ້ນໃຫ້ແກ່ໄລຍະພັດທະນາດ້ວຍຄວາມຮຽກຮ້ອງຕ້ອງການທີ່ສູງກວ່າກ່ຽວກັບຄຸນນະພາບການເຕີບໂຕ. ເມື່ອທ່າໄດ້ປຽບກ່ຽວກັບຄ່າແຮງງານຕ່ຳຄ່ອຍໆຖືກຫຼຸດລົງ, ກຳລັງໜູນພັດທະນາຕ້ອງມາຈາກນະວັດຕະກຳ, ວິທະຍາສາດເຕັກໂນໂລຢີ, ການຫັນເປັນດີຈີຕອນ, ສະມັດຕະພາບແຮງງານ ແລະ ຄຸນນະພາບແຫຼ່ງຊັບພະຍາກອນມະນຸດ. ທ່ານ Warrick Cleine ຜູ້ອຳນວຍການໃຫຍ່ KPMG ຫວຽດນາມ ແບ່ງປັນວ່າ:
“ຂ້າພະເຈົ້າມີໂຊກດີຫຼາຍ ເມື່ອປີກາຍໄດ້ມີໂອກາດເຮັດວຽກກັບທ່ານເລຂາທິການໃຫຍ່, ປະທານປະເທດ ໂຕເລິມ ອາທິດໜຶ່ງຢູ່ ລອນດອນ ໃນໂອກາດເພິ່ນໄປປະຕິບັດງານຄັ້ງໃຫຍ່. ທ່ານເລຂາທິການໃຫຍ່, ປະທານປະເທດ ໂຕເລິມ ມີບົດກ່າວປາໄສກ່ຽວກັບນະໂຍບາຍຢູ່ມະຫາວິທະຍາໄລ Oxford ແລະ ບົດກ່າວຄຳເຫັນນັ້ນ ມີຄວາມປະທັບໃຈຢ່າງແທ້ຈິງ ເຊິ່ງຍົກໃຫ້ເຫັນຢ່າງຈະແຈ້ງເຖິງທັດສະນະຂອງ ຫວຽດນາມ ກ່ຽວກັບສະພາບການພັດທະນາໃນປີ 2045. ມັນບໍ່ພຽງແຕ່ແມ່ນການເຕີບໂຕ GDP ເທົ່ານັ້ນ ຫາກຍັງແມ່ນຄຸນນະພາບໃນການດຳລົງຊີວິດຂອງປະຊາຊົນ, ແມ່ນການຄຸ້ມຄອງບໍລິຫານ, ການສ້າງພື້ນຖານເສດຖະກິດດີຈີຕອນ. ການປັບປຸງເສດຖະກິດໄປພ້ອມກັບການພັດທະນາວັດຖຸອື່ນໆແມ່ນໄມ້ຫຼາວັດແທກສຳຄັນ ກ່ຽວກັບຖານະບົດບາດຂອງປະເທດພັດທະນາ”.
ຈາກຂີດໝາຍໄປເຖິງຄວາມມຸ່ງຫວັງພັດທະນາ
ເຖິງວ່າບັນລຸໄດ້ຂີດໝາຍສຳຄັນ, ແຕ່ຄວາມສາມາດບົ່ມຊ້ອນພັດທະນາຂອງ ຫວຽດນາມ ຍັງໃຫຍ່ຫຼວງຫຼາຍ. ດ້ວຍຂອບຂະໜາດປະຊາກອນຂຶ້ນກັບກຸ່ມແຖວໜ້າໂລກ ແຕ່ຂອບຂະໜາດເສດຖະກິດຍັງບໍ່ເໝາະສົມ, ຫວຽດນາມ ມີຫຼາຍໂອກາດເພື່ອບຸກທະລຸຖ້າສືບຕໍ່ຍູ້ແຮງການປະຕິຮູບ, ຍົກສູງສະມັດຕະພາບແຮງງານ ແລະ ເສີມຂະຫຍາຍບັນດາກຳລັງໜູນເຕີບໂຕໃໝ່ຢ່າງມີປະສິດທິຜົນ. ນັກທຸລະກິດ ມາຍຮຶວຕິນ ຕີລາຄາວ່າ:
“ກ່ຽວກັບປະຊາກອນ, ຫວຽດນາມ ພວມຢືນຢູ່ອັນດັບ 16 ໃນໂລກ, ໝາຍຄວາມວ່າໃນ top ສູງຂອງໂລກ. ກ່ຽວກັບຂອບຂະໜາດພື້ນຖານເສດຖະກິດນັ້ນ ຫວຽດນາມ ພວມຢູ່ໃນອັນດັບທີ 32. ດັ່ງນັ້ນ, ຫວຽດນາມ ມີໄລຍະຫ່າງທີ່ໃຫຍ່ທີ່ສຸດ ເພື່ອດຶງຂອບຂະໜາດພື້ນຖານເສດຖະກິດຂຶ້ນມາຢູ່ເທົ່າທຽມກັບອັນດັບປະຊາກອນ. ຖ້າພວກເຮົາເຮັດໄດ້ສິ່ງນັ້ນ, ແລະໃນຕົວຈິງບັນດານະໂຍບາຍ ວ່າງມານີ້ລ້ວນແຕ່ມຸ່ງໄປເຖິງເປົ້າໝາຍນັ້ນ, ຖ້າພວກເຮົາກ້າວໄປໄວໃນໄລຍະນີ້ໄດ້, ລື່ນກາຍແຮ້ວລາຍຮັບປານກາງ, ພວກເຮົາອາດສາມາດລອດເຂົ້າ top 20 ພື້ນຖານເສດຖະກິດຂອງໂລກ”.
ເປັນກຳລັງແຮງເມື່ອຫັນປ່ຽນເປັນສະມັດຕະພາບ, ຄຸນນະພາບແຫຼ່ງຊັບພະຍາກອນມະນຸດ ແລະ ຄວາມສາມາດນະວັດຕະກຳ. ນີ້ກໍ່ແມ່ນເງື່ອນໄຂເພື່ອໃຫ້ ຫວຽດນາມ ລື່ນກາຍລະດັບລາຍຮັບປານກາງ, ຍົກສູງຖານະທີ່ຕັ້ງໃນລະບົບມູນຄ່າທົ່ວໂລກ ແລະ ຫັນເປົ້າໝາຍກາຍເປັນປະເທດພັດທະນາ, ມີລາຍຮັບສູງໃນປີ 2045 ໃຫ້ປະກົດຜົນເປັນຈິງ. ກ້າວເຂົ້າສູ່ງກຸ່ມບັນດາປະເທດມີລາຍຮັບປານກາງສູງແມ່ນຂີດໝາຍທີ່ເປັນໜ້າພາກພູມໃຈ, ແຕ່ສິ່ງສຳຄັນກ່ວານັ້ນແມ່ນ ຫວຽດນາມ ຮັກສາທ່າປະຕິຮູບ ແລະ ຍົກສູງຄຸນນະພາບການເຕີບໂຕຢ່າງບໍ່ຢຸດຢັ້ງ. ພຽງແຕ່ເມື່ອສ້າງໄດ້ພື້ນຖານເສດຖະກິດມີສະມັດຕະພາບສູງ, ກຳລັງແກ້ງແຍ້ງຢ່າງແຮງ ແລະ ການພັດທະນາແບບຍືນຍົງ, ຫວຽດນາມ ຈຶ່ງຈະສາມາດຫັນແງ່ຫວັງພັດທະນາໃຫ້ປະກົດຜົນເປັນຈິງໄດ້.
