ບໍ່ພຽງແຕ່ສະແດງອອກໃນລະດັບການເຮັດວຽກເທົ່ານັ້ນ, ຂີດໝາຍຂອງໄລຍະທີ 1 ຍັງນອນໃນຄວາມຮຽກຮ້ອງຍົກສູງຄຸນນະພາບຂອງແຕ່ລະການກຳນົດທາງນິຕິບັນຍັດອີກດ້ວຍ, ຕອບສະໜອງບັນດາບັນຫາທີ່ວາງອອກຈາກພຶດຕິກຳຕົວຈິງຢ່າງທັນການ ແລະ ສ້າງຄວາມສາມາດບົ່ມຊ້ອນໃຫ້ແກ່ການພັດທະນາ.
ດ້ວຍໜ້າທີ່ຈຸດສຸມແມ່ນວຽກງານນິຕິບັນຍັດ ແລະ ຕັດສິນບັນດາບັນຫາສຳຄັນຂອງປະເທດຊາດທີ່ພຶດຕິກຳຕົວຈິງໄດ້ຮຽກຮ້ອງນັ້ນ, ກອງປະຊຸມວິສາມັນຄັ້ງປະຖົມມະເລິກ ສະພາແຫ່ງຊາດ ຫວຽດນາມ ຊຸດທີ 16 ໄດ້ສະແດງໃຫ້ເຫັນຄວາມຕັດສິນໃຈດ້ານການເມືອງ, ຈິດໃຈເປັນເຈົ້າການ, ການກະທຳຢ່າງຂ້ຽວຂາດ, ແທດຈິງຂອງສະພາບແຫ່ງຊາດ, ລັດຖະບານ, ບັນດາອົງການໃນການສ້າງລະບອບລະບຽບການ ແລະ ປະຕິບັດບັນດາແຜນນະໂຍບາຍຂອງພັກໃນທັນທີ, ຕອບສະໜອງຄວາມຮຽກຮ້ອງ, ຄວາມມຸ່ງຫວັງຂອງ ປຊຊ, ວິສາຫະກິດ, ບໍ່ຊັກຊ້າ, ບໍ່ໃຫ້ພາດໂອກາດພັດທະນາຂອງປະເທດຊາດ.
ສຸມໃສ່ໜ້າທີ່ນິຕິບັນຍັດ
ໃນການເຮັດວຽກຢ່າງຕໍ່ເນື່ອງເປັນເວລາ 11 ວັນ ດ້ວຍບັນດາວາລະປຶກສາຫາລືເປັນກຸ່ມ ແລະ ຢູ່ຫໍປະຊຸມ, ຫຼາຍເນື້ອໃນໄດ້ແລກປ່ຽນລົງເລິກເຂົ້າໃນແຕ່ລະຂໍ້ກຳນົດລະອຽດ. ທ່ານນາງ ຫງວຽນທິທູຮ່າ, ສະມາຊິກສະພາແຫ່ງຊາດແຂວງ ກວາງນິງ ໃຫ້ຮູ້ວ່າ:
ບັນດາສະມາຊິກສະພາແຫ່ງຊາດໄດ້ສະຫງວນເວລາ, ກຳລັງເຫື່ອແຮງ ແລະ ວຽກງານທັງໝົດໃຫ້ແກ່ໜ້າທີ່ທີ່ພວກຂ້າພະເຈົ້າໄດ້ກຳນົດວ່າສຳຄັນທີ່ສຸດ, ນັ້ນແມ່ນໜ້າທີ່ນິຕິບັນຍັດ. ຜ່ານນັ້ນ ກໍ່ໄດ້ສ້າງໂອກາດ ແລະ ຄວາມສາມາດບົ່ມຊ້ອນ, ວາງເປົ້າໝາຍເພື່ອໃຫ້ພວກເຮົາສາມາດປະຕິບັດໜ້າທີ່ພັດທະນາເສດຖະກິດ-ສັງຄົມຂອງປະເທດຊາດໃຫ້ສຳເລັດ ແລະ ແກ້ໄຂບັນດາຂໍ້ຕິດຂັດ, ຄວາມຫຍຸ້ງຍາກ.
ບັນດາ ສສຊ ໄດ້ສຸມໃສ່ຫຼາຍບັນຫາເຂົ້າລວງເລິກໃນແຕ່ລະວາລະປຶກສາຫາລື, ຫຼາຍຄຳເຫັນໄດ້ນຳເຂົ້າບັນດາຂໍ້ກຳນົດລະອຽດ, ໄຈ້ແຍກບັນດາການກະທົບ ແລະ ຄວາມສາມາດປະຕິບັດ, ຜ່ານນັ້ນ ກໍ່ສະເໜີບັນດາການປັບປຸງໃຫ້ໃກ້ກັບຈົວຈິງກວ່າອີກ. ທ່ານນາງ ຫງວຽນທິຫວຽດງາ ສສຊ ນະຄອນ ຫາຍຟ່ອງ ຕີລາຄາວ່າ:
ດ້ວຍບັນດາເນື້ອໃນສຳຄັນ, ຂ້າພະເຈົ້າເຫັນວ່າ ບັນດາ ສສຊ ໄດ້ສຸມໃສ່ທີ່ສຸດ ແລະ ໄດ້ຄົ້ນຄ້ວາລົງເລິກ, ລະອຽດ. ບັນດາການປະກອບສ່ວນໃນແຕ່ລະວາລະປຶກສາຫາລືເປັນກຸ່ມ ກໍ່ຄືຢູ່ຫໍປະຊຸມແມ່ນລະອຽດ ແລະ ມີຄຸນຄ່າທີ່ສຸດ.
ລະບອບລະບຽບການເປີດທາງໃຫ້ແກ່ການພັດທະນາ
ຫຼາຍເນື້ອໃນທີ່ ສສຊ ໄດ້ປຶກສາຫາລືໃນໄລຍະ 1 ລ້ວນແຕ່ໄດ້ຕິດພັນກັບບັນດາບັນຫາໂດຍກົງຂອງຊີວິດເສດຖະກິດ-ສັງຄົມຂອງປະເທດຊາດ. ພ້ອມກັບການປັບປຸງບັນດາຂ້ຳກຳນົດທີ່ຍັງຕິດຂັດ, ບັນດາ ສສຊ ກໍ່ໄດ້ວາງຈຸດສຸມຂອງການປຶກສາຫາລືເຂົ້າໃນຄວາມສາມາດໝູນໃຊ້ຂອງນະໂຍບາຍ. ທ່ານ ຈິ້ງຊວັນອານ ສສຊ ນະຄອນ ດົ່ງນາຍ ເນັ້ນໜັກວ່າ:
ໃນສະໄໝປະຊຸມຄັ້ງນີ້ ພວກເຮົາໄດ້ສຸມໃສ່ບາງຈຸດຄື: ທີ 1 ແມ່ນສະແດງໃຫ້ເຫັນຢ່າງຈະແຈ້ງເລື່ອງຫລຸດຜ່ອນລະບຽບການ ແລະ ມຸ່ງໄປເຖິງການສ້າງສະພາບແວດລ້ອມເພື່ອລະດົມແຫຼ່ງກຳລັງ, ສ້າງແຫຼ່ງກຳລັງ, ສ້າງໂອກາດໃຫ້ປະເທດຊາດພັດທະນາຜ່ານບັນດາແຜນນະໂຍບາຍລະອຽດ. ທີ 2 ແມ່ນບັນດາປະມວນກົດໝາຍໃນກອງປະຊຸມຄັ້ງນີ້ ລ້ວນແຕ່ໄດ້ມຸ່ງໄປເຖິງເນື້ອໃນແບ່ງຂັ້ນ, ແບ່ງສິດອຳນາດ, ມອບສິດໃຫ້ທ້ອງຖິ່ນ, ມອບສິດໃຫ້ແກ່ຮາກຖານ.
ຕາມນັ້ນແລ້ວ, ການແບ່ງຂັ້ນ, ແບ່ງສິດອຳນາດ, ຕ້ອງຕິດພັນກັບຄວາມສາມາດ ແລະ ແຫຼ່ງກຳລັງຂອງຂັ້ນທີ່ໄດ້ມອບສິດ; ຫລຸດຜ່ອນລະບຽບການຕ້ອງສ້າງຄວາມສະດວກທີ່ແທດຈິງໃຫ້ແກ່ ປຊຊ, ວິສາຫະກິດ. ວິທີການສຳຜັດນີ້ໄດ້ນຳຄວາມຮຽກຮ້ອງດ້ານນິຕິບັນຍັດ ຈາກການແກ້ໄຂບັນດາສິ່ງທີ່ຍັງຄົງຄ້າງໃນປະຈຸບັນ ໄປສູ່ການສ້າງບັນດາເງື່ອນໄຂໃໝ່ໃຫ້ແກ່ການພັດທະນາ. ສສຊ ຈິ້ງຊວັນອານ ຊີ້ແຈ້ງວ່າ:
ທຸກຄຳເຫັນຂອງ ສສຊ ລ້ວນແຕ່ຕິດແທດກັບແຜນນະໂຍບາຍ, ແນວທາງຂອງພັກ ແລະ ລ້ວນແຕ່ເພື່ອແນໃສ່ຈຸດປະສົງສ້າງລະບອບລະບຽບການທີ່ມີລັກສະນະສ້າງສັນ, ຊຸກຍູ້, ພາທາງໃຫ້ແກ່ການພັດທະນາ. ນີ້ແມ່ນສະຕິຄວາມຮັບຮູ້ຄວາມຮັບຜິດຊອບລວມຂອງບັນດາ ສສຊ ແລະ ຂ້າພະເຈົ້າຖືວ່າ ສິ່ງນີ້ໄດ້ສ້າງເປັນການກະທົບຮ່ວມສຳລັບຈິດໃຈລວມຂອງພັກ ແລະ ສູນກາງ ແລະ ຈິດໃຈລວມຂອງສະພາແຫ່ງຊາດໃນບັນດາສະໄໝກອງປະຊຸມຫວ່າງມໍ່ໆມານີ້.
ໃນການເຮັດວຽກເປັນເວລາ 11 ວັນຂອງໄລຍະທີ 1, ຈຳນວນວຽກງານປະລິມານຫຼາຍໄດ້ປະຕິບັດສຳເລັດໃນໄລຍະເວລາສັ້ນໆ. ບັນດາຄຳເຫັນຂອງ ສສຊ ໄດ້ຮັບຮູ້, ດັດປັບກ່ອນທີ່ສະພາແຫ່ງຊາດຈະພິຈາລະນາ, ຕັດສິນໃນໄລຍະທີ 2 ຂອງກອງປະຊຸມ ຊື່ງຄາດວ່າຈະຈັດຂຶ້ນແຕ່ວັນທີ 19-24 ສິງຫາ./.
