ການປົກຄອງເປັນເອກະພາບພື້ນທີ່ພັດທະນາ, ເສີມຂະຫຍາຍແຫຼ່ງກຳລັງປະເທດຊາດຢ່າງມີປະສິດທິຜົນ ແມ່ນໜຶ່ງໃນສີ່ບາດກ້າວຫັນປ່ຽນຍຸດທະສາດເຊິ່ງ ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ, ປະທານປະເທດ ຫວຽດນາມ ເຕື້ອງເຖິງໃນບົດກ່າວຄຳເຫັນໄຂກອງປະຊຸມຄັ້ງທີ 3, ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ XIV ໃນວັນທີ 20 ກໍລະກົດ. ການເຈາະຈິ້ມນີ້ສະແດງໃຫ້ເຫັນລັກສະນະຈຳເປັນ ຂອງການເປີດກວ້າງຈິນຕະນາການປະຕິຮູບ ໄປຍັງບັນດາຂົງເຂດທີ່ມີຄວາມໝາຍຍຸດທະສາດຍາວນານ ສຳລັບການພັດທະນາປະເທດຊາດ, ແມ່ນບາດກ້າວຍົກລະດັບກ່ຽວກັບຄວາມສາມາດປົກຄອງປະເທດຊາດ.
ຈິດໃຈລຸລ່ວງໃນບາດກ້າວຫັນປ່ຽນຍຸດທະສາດ ເຊິ່ງທ່ານເລຂາທິການໃຫຍ່, ປະທານປະເທດ ໂຕເລິມ ເຈາະຈິ້ມໃນກອງປະຊຸມຄັ້ງທີ 3, ຄະນະບໍລິຫານງານສູນກາງພັກຊຸດທີ XIV ແມ່ນມຸ່ງໄປເຖິງເປົ້າໝາຍລວມ: ສ້າງພື້ນຖານການປົກຄອງແຫ່ງຊາດທີ່ທັນສະໄໝ, ມີປະສິດທິຜົນ ແລະ ປັບຕົວໃຫ້ແທດເໝາະກັບບັນດາຄຳຮຽກຮ້ອງພັດທະນາໃນໄລຍະຈະມາເຖິງໄດ້ດີກວ່າ.
ຮັບຮູ້ບັນດາແຫຼ່ງກຳລັງໃນລະບົບຄວາມເປັນເອກະພາບ
ໃນບາດກ້າວຫັນປ່ຽນຈາກການຄຸ້ມຄອງແບບກະແຈກກະຈາຍກາຍເປັນການປົກຄອງເປັນເອກະພາບພື້ນທີ່ພັດທະນາ ແລະ ແຫຼ່ງກຳລັງປະເທດຊາດ, ທ່ານເລຂາທິການໃຫຍ່, ປະທານປະເທດ ໂຕເລິມ ຢັ້ງຢືນວ່າ ພື້ນຖານການປົກຄອງບໍລິຫານບໍ່ອາດຈຳກັດຈິນຕະນາການພັດທະນາ. ທີ່ດິນ, ທະເລ, ຕົວເມືອງ, ພື້ນຖານໂຄງລ່າງ, ຊັບພະຍາກອນມະນຸດ, ຂໍ້ມູນຕ້ອງໄດ້ຮັບການສັງເກດຕາມລະບົບ, ຈັດຕັ້ງຕາມຍຸດທະສາດແຫ່ງຊາດ, ທ່າໄດ້ປຽບຂອງເຂດ, ມີປະສິດທິຜົນສັງລວມ. ບາດກ້າວນີ້ຕ້ອງສ້າງພື້ນທີ່ພັດທະນາໃໝ່, ນຳແຫຼ່ງກຳລັງໄປຍັງບ່ອນທີ່ນຳໃຊ້ຢ່າງມີປະສິດທິຜົນ, ກົມກຽວລະຫວ່າງຜົນປະໂຫຍດຂອງລັດ, ປະຊາຊົນ, ວິສາຫະກິດ, ເຊື່ອມຕໍ່ທ່າໄດ້ປຽບທ້ອງຖິ່ນກາຍເປັນກຳລັງແຮງຂອງປະເທດຊາດ.
ຕາມທ່ານ ສຈ.ປອ ຫງວຽນຕວັນແອັງ ຫົວໜ້າບັນນາທິການ ວາລະສານວິທະຍາສາດສັງຄົມ ແລະ ມະນຸດສາດ, ມະຫາວິທະຍາສາດວິທະຍາສາດ, ສັງຄົມ ແລະ ມະນຸດສາດ, ມະຫາວິທະຍາສາດແຫ່ງຊາດ ຮ່າໂນ້ຍ ແລ້ວ, ຄຳຮຽກຮ້ອງສ້າງ ບາດກ້າວຫັນປ່ຽນຈາກການຄຸ້ມຄອງແບບກະແຈກກະຈາຍກາຍເປັນການປົກຄອງເປັນເອກະພາບພື້ນທີ່ພັດທະນາ ແລະ ແຫຼ່ງກຳລັງປະເທດຊາດ ເຊິ່ງທ່ານເລຂາທິການໃຫຍ່, ປະທານປະເທດ ໂຕເລິມ ຍົກອອກມາແມ່ນສິ່ງທ່ານມີຄວາມສົນໃຈທີ່ສຸດ.
ນີ້ແມ່ນທິດທາງທີ່ມີຄວາມໝາຍຍຸດທະສາດ. ບາດກ້າວຫັນປ່ຽນນີ້ຮຽກຮ້ອງຕ້ອງຮັບຮູ້ບັນດາແຫຼ່ງກຳລັງໃນລະບົບຄວາມເປັນເອກະພາບ, ໄດ້ຈັດຕັ້ງຕາມຍຸດທະສາດແຫ່ງຊາດ, ທ່າໄດ້ປຽບເຂດ ແລະ ມີປະສິດທິຜົນໃນການພັດທະນາສັງລວມ. ແຕ່ລະທ້ອງຖິ່ນຍັງຕ້ອງເສີມຂະຫຍາຍທ່າໄດ້ປຽບສະເພາະ, ແຕ່ຍັງຈັັດຢູ່ໃນການເຊື່ອມຕໍ່ກັບບັນດາທ້ອງຖິ່ນອື່ນ ແລະ ກັບເປົ້າໝາຍລວມຂອງປະເທດຊາດ.
ທ່ານ ສຈ.ປອ ຫງວຽນຕວັນແອັງ ຖືວ່າ ຖ້າປະຕິບັດບາດກ້າວຫັນປ່ຽນນີ້ເປັນຢ່າງດີ, ຫວຽດນາມ ບໍ່ພຽງແຕ່ລະດົມໄດ້ແຫຼ່ງກຳລັງ ແລະ ນຳໃຊ້ບັນດາແຫຼ່ງກຳລັງຂອງປະເທດຊາດຢ່າງມີປະສິດທິຜົນເທົ່ານັ້ນ, ຫາກຍັງສ້າງເປັນບັນດາພື້ນທີ່ພັດທະນາໃໝ່, ເພີ່ມທະວີການເຊື່ອມຕໍ່ເຂດ, ຮັບປະກັນຄວາມກົມກຽວລະຫວ່າງຜົນປະໂຫຍດລະຫວ່າງລັດ, ປະຊາຊົນ ແລະ ວິສາຫະກິດ, ຜ່ານນັ້ນ ກໍ່ສ້າງພື້ນຖານໃຫ້ແກ່ການພັດທະນາໂດຍໄວ, ກວມລວມ ແລະ ຍືນຍົງ.
ບາດກ້າວຍົກລະດັບກ່ຽວກັບຈິນຕະນາການ ແລະ ກຳລັງຄວາມສາມາດໃນການປົກຄອງແຫ່ງຊາດ
ກ່ຽວກັບໝາກຜົນຂອງການປະຕິຮູບກົງຈັກການຈັດຕັ້ງ, ຜູ້ນຳພັກ, ລັດ ຢັ້ງຢືນວ່າ ການສັບຊ້ອນລະບົບການເມືອງໃນໄລຍະຜ່ານມາ ໄດ້ສ້າງໂຄງປະກອບທີ່ກະທັດລັດກວ່າ, ແຕ່ວ່າ “ການຊັບຊ້ອນກົງຈັກໃຫ້ກະທັດລັດຈຶ່ງແມ່ນເງື່ອນໄຂ”. ຜົນສຳເລັດຂອງການປະຕິຮູບບໍ່ໄດ້ສະແດງອອກຜ່ານຈຳນວນອົງການທີ່ໄດ້ໂຮມເຂົ້າກັນ, ຈຳນວນຫົວໜ່ວຍ ຫຼື ລັດຖະກອນຖືກລຸດລົງ, ຫາກຍັງຕ້ອງຢັ້ງຢືນເມື່ອວິວັດການອອກການຕັດສິນກຳນົດທີ່ໄວກວ່າ, ການປະສານສົມທົບລະຫວ່າງບັນດາອົງການລຸລ່ວງກວ່າ, ການປະຕິບັດລະບຽບການມີຄວາມສະດວກກວ່າ ແລະ ການຮັບໃຊ້ປະຊາຊົນ, ວິສາຫະກິດດີກວ່າ. ນັ້ນແມ່ນເຫດຜົນທີ່ ທ່ານເລຂາທິການໃຫຍ່, ປະທານປະເທດ ໂຕເລິມ ຮຽກຮ້ອງໄມ້ຫຼາວັດແທກຂອງວຽກງານສະຫຼຸບເບື້ອງຕົ້ນ 1 ປີແຫ່ງການເຄື່ອນໄຫວຮູບແບບໃໝ່ ບໍ່ພຽງແຕ່ແມ່ນຈຳນວນຫົວໜ່ວຍຫຼຸດລົງເທົ່ານັ້ນ ຫາກຍັງຕ້ອງແມ່ນປະສິດທິຜົນໃນການນຳພາ, ການຄຸ້ມຄອງບໍລິຫານ ແລະ ຄຸນນະພາບການຮັບໃຊ້ປະຊາຊົນອີກດ້ວຍ.
ວິເຄາະລົງເລິກກ່ຽວກັບການຊີ້ນຳນີ້, ທ່ານ ສຈ.ປອ ຫງວຽນຕວັນແອັງ ຖືວ່າ ທ່ານເລຂາທິການໃຫຍ່, ປະທານປະເທດ ໂຕເລິມ ໄດ້ເຮັດແຈ້ງທາດແທ້ ແລະ ເປົ້າໝາຍຫຼັກຂອງພາລະກິດແຫ່ງການສັບຊ້ອນກົງຈັກ. ການຊີ້ນຳນັ້ນໄດ້ສະແດງໃຫ້ເຫັນບາດກ້າວໃໝ່ກ່ຽວກັບຈິນຕະນາການໃນການປົກຄອງ.
ການຊີ້ນຳສະແດງໃຫ້ເຫັນບາດກ້າວຍົກລະດັບກ່ຽວກັບຈິນຕະນາການ ແລະ ກຳລັງຄວາມສາມາດການປົກຄອງປະເທດຊາດຢ່າງແທ້ຈິງ. ກ່ອນອື່ນໝົດ, ນັ້ນແມ່ນການຫັນປ່ຽນຈຸດສຸມການຕີລາຄາບັນດາດັດຊະນີສົ້ນເຂົ້າ, ເຊັ່ນວ່າ ຈຳນວນອົງການ, ຫົວໜ່ວຍ ຫຼື ລັດຖະກອນໄດ້ຫຼຸດລົງ, ໄປຍັງບັນດາໝາກຜົນ ແລະ ຜົນກະທົບໃນຕົວຈິງ. ກົງຈັກກະທັດລັດຈະມີຄວາມໝາຍຢ່າງແທ້ຈິງກໍ່ຕໍ່ເມື່ອທັງຍົກສູງໄດ້ປະສິດທິຜົນຂອງການນຳພາ, ການຄຸ້ມຄອງບໍລິຫານ ແລະ ຄຸນນະພາບການຮັບໃຊ້ປະຊາຊົນ. ທີສອງ, ການຊີ້ນຳນີ້ຖືປະຊາຊົນເປັນໃຈກາງ. ຄຸນນະພາບການເຄື່ອນໄຫວຂອງລະບົບການເມືອງ ບໍ່ພຽງແຕ່ໄດ້ຕີລາຄາຈາກພາຍໃນກົງຈັກເທົ່ານັ້ນ ຫາກຍັງຕ້ອງໄດ້ຮັບການຮັບຮູ້ຈາກການລົງປະຕິບັດຕົວຈິງຂອງປະຊາຊົນ. ບັນດາມາດຖານຄືກຳນົດເວລາແກ້ໄຂລະບຽບການບໍລິຫານ, ຄວາມສາມາດເຂົ້າເຖິງການບໍລິການສາທາລະນະ, ລະດັບການເປີດເຜີຍ, ໂປ່ງໃສ, ຄວາມອາດສາມາດຕອບກັບຄຳສະເໜີແນະ ແລະ ຄວາມເພີ່ງພໍໃຈຂອງປະຊາຊົນ ຕ້ອງກາຍເປັນບັນດາໄມ້ຫຼາວັດແທກທີ່ສຳຄັນ.
ນອກຈາກນັ້ນ, ນີ້ກໍ່ແມ່ນຄຳຮຽກຮ້ອງຈາກການຄຸ້ມຄອງບໍລິຫານໄປຍັງການປົກຄອງທີ່ທັນສະໄໝ. ການປົກຄອງປະເທດຊາດທີ່ທັນສະໄໝຮຽກຮ້ອງຕ້ອງມີການປະສານສົມທົບລະຫວ່າງທຸກຂັ້ນ, ທຸກຂະແໜງການ, ການແບ່ງຂັ້ນຕິດພັນກັບສິດອຳນາດ, ແຫຼ່ງກຳລັງ, ຊັບພະຍາກອນມະນຸດ ແລະ ຂໍ້ມູນ; ພ້ອມທັງຕ້ອງເພີ່ມທະວີຄວາມຮັບຜິດຊອບໃນການອະພິປາຍ. ພາຍຫຼັງ 1 ປີແຫ່ງການຜັນຂະຫຍາຍຮູບແບບການຈັດຕັ້ງໃໝ່, ການປະຕິຮູບພວມກ້າວເຂົ້າສູ່ໄລຍະຕັດສິນ, ເມື່ອຈຸດສຸມແມ່ນຍົກສູງຄຸນນະພາບໃນການເຄື່ອນໄຫວ. ຜົນສຳເລັດຂອງກຳລັງຄວາມສາມາດເຄື່ອນໄຫວໃໝ່ແມ່ນໄມ້ຫຼາວັດແທກຄຸນຄ່າຂອງການປະຕິຮູບ ຍ້ອນວ່າ ສຸດທ້າຍແລ້ວ, ທຸກນະໂຍບາຍຊີ້ຂາດລ້ວນແຕ່ຕ້ອງສ້າງກຳລັງຄວາມສາມາດພັດທະນາໃໝ່ໃຫ້ແກ່ປະເທດຊາດ./.
