ການຢ້ຽມຢາມສະແດງໃຫ້ເຫັນການກຳນົດທິດດ້ານການຕ່າງປະເທດເປັນເຈົ້າການ, ຕັ້ງໜ້າຂອງ ຫວຽດນາມ ໃນໄລຍະພັດທະນາໃໝ່, ພ້ອມທັງເປີດໂອກາດຍົກສູງການພົວພັນ ແລະ ຊຸກຍູ້ການຮ່ວມມືກັບບັນດາຄູ່ຮ່ວມມືເອີລົບ ຕາມທິດແທດຈິງ, ມີປະສິດທິຜົນກວ່າ.
ນີ້ແມ່ນການຢ້ຽມຢາມທາງລັດຖະກິດ ແດນມາກຄັ້ງທຳອິດຂອງ ເລຂາທິການໃຫຍ່ພັກກອມມຸນິດຫວຽດນາມ, ພ້ອມທັງການຢ້ຽມຢາມ EU ແລະ ແບນຊິກຢ່າງເປັນທາງການຄັ້ງທຳອິດຂອງທ່ານເລຂາທິການ, ປະທານປະເທດ ໂຕເລິມ. ບໍ່ພຽງແຕ່ປັບປຸງຄວາມໄວ້ເນື້ອເຊື່ອໃຈ ດ້ານການເມືອງ, ການຢ້ຽມຢາມຍັງສ້າງໂອກາດເພື່ອໃຫ້ບັນດາຝ່າຍກຳນົດບັນດາບຸລິມະສິດຮ່ວມມືສອດຄ່ອງກັບທ່າແຮງຂອງແຕ່ລະຝ່າຍ ແລະ ຄວາມຮຽກຮ້ອງຕ້ອງການພັດທະນາຂອງ ຫວຽດນາມ, ເປັນຕົ້ນແມ່ນໃນບັນດາຂົງເຂດການຄ້າ, ການລົງທຶນ, ວິທະຍາສາດ ເຕັກໂນໂລຢີ, ນະວັດຕະກຳ ແລະ ການເຕີບໂຕສີຂຽວ.
ເສີມຂະຫຍາຍທ່າແຮງ, ເປີດກວ້າງຄວາມສາມາດບົ່ມຊ້ອນຮ່ວມມື
ສຳລັບແດນມາກ, ພະລັງງານທົດແທນ, ເສດຖະກິດໝູນວຽນ ແລະ ການເຕີບໂຕສີຂຽວ ແມ່ນບັນດາຂົງເຂດຮ່ວມມືເຕັມໄປດ້ວຍຄວາມສາມາດບົ່ມຊ້ອນ, ເໝາະສົມກັບການກຳນົດທິດຫັນປ່ຽນຮູບແບບການເຕີບໂຕຂອງ ຫວຽດນາມ. ວົງເງິນການຄ້າສອງຝ່າຍໃນ 8 ເດືອນຕົ້ນປີ 2026 ເພີ່ມຂຶ້ນເກືອບ 38%ເມື່ອທຽບໃສ່ໄລຍະດຽວກັນຂອງປີກາຍນີ້ໂດຍສະແດງໃຫ້ເຫັນຄວາມສາມາດບົ່ມຊ້ອນໃນການຮ່ວມມືເປີດກວ້າງ, ແມ່ນພື້ນຖານເພື່ອໃຫ້ສອງຝ່າຍສືບຕໍ່ຂຸດຄົ້ນບັນດາກາລະໂອກາດດຳເນີນທຸລະກິດ, ການລົງທຶນ ແລະ ການເຊື່ອມຕໍ່ວິສາຫະກິດຢ່າງມີປະສິດທິຜົນ.
ໃນຂະນະນັ້ນ, ແບກຊິກມີທ່າແຮງກ່ຽວກັບປັນຍາປະດິດ, ການຜະລິດຊິບ, ທ່າກຳປັ່ນທະເລ ແລະ logistics – ບັນດາຂົງເຂດຫວຽດນາມ ມີຄຄວາມສົນໃຈເພື່ອຍົກສູງຄວາມສາມາດດ້ານເຕັກໂນໂລຢີ ແລະ ກຳລັງແກ້ງແຍ້ງຂອງພື້ນຖານເສດຖະກິດ. ທ່ານນາງ ຫງວຽນເຮືອງຈ່າ ເອກອັກຄະລັດຖະທູດ ຫວຽດນາມ ປະຈຳ ແບນຊິກ, ທັງເປັນຫົວໜ້າຄະນະຜູ້ຕາງໜ້າ ຫວຽດນາມ ປະຈຳ EU, ໃຫ້ຮູ້ວ່າ
ດ້ວຍທ່າແຮງໃນບັນດາຂົງເຂດຄືການຫັນເປັນດີຈີຕອນ, ປັນຍາປະດິດ, ການຜະລິດຊິບ, ແບນຊິກອາດສາມາດໜູນຊ່ວຍ ຫວຽດນາມ ພັດທະນາບັນດາຂະແໜງການນີ້, ຊ່ວຍຫວຽດນາມ ເຂົ້າຮ່ວມລະບົບສະໜອງ ແລະ ຜະລິດທົ່ວໂລກຢ່າງເລິກເຊິ່ງກ່ວາ,ໄປຄຽງຄູ່ກັນນັ້ນ, ແບນຊິກມີຫຼາຍບົດຮຽນປະສົບການອັນລ້ຳຄ່າໃນການພັດທະນາທ່າກຳປັ່ນທະເລ, ພື້ນຖານໂຄງລ່າງຍຸດທະສາດ ແລະ logistics ສີຂຽວ, logistics ອັດສະລິຍະ.
ພິເສດ, ສຳລັບ EU, ການຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານເມື່ອເດືອນມັງກອນ 2026 ສ້າງພື້ນຖານການເມືອງໃໝ່ເພື່ອເປີດກວ້າງການຮ່ວມມື. ສັນຍາການຄ້າເສລີ ຫວຽດນາມ EU (EVFTA) ສືບຕໍ່ແມ່ນກຳລັງໜູນສຳຄັນຊຸກຍູ້ການຄ້າ, ການລົງທຶນ ແລະ ເຊື່ອມຕໍ່ວິສາຫະກິດ. ທ່ານ Julien Guerrier ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າ EU ປະຈຳ ຫວຽດນາມ ເນັ້ນໜັກເຖິງບົດບາດຂອງການຄ້າ ແລະ ການລົງທຶນໃນການພົວພັນສອງຝ່າຍວ່າ:
ການພົວພັນສອງຝ່າຍໄດ້ພັດທະນາຢ່າງສະເໝີຕົ້ນສະເໝີປາຍ ແລະ ໝັ້ນແກ່ນໃນຕະຫຼອດໄລຍະ 35 ປີຜ່ານມາ, ແລະ ປັດຈຸບັນພວກເຮົາມີການພົວພັນກວ້າງໃຫຍ່ ແລະ ເລິກເຊິ່ງ, ກວມລວມທຸກຂົງເຂດຮ່ວມມື. ເສົາຄ້ຳຮ່ວມມືໃໝ່, ທຳອິດແມ່ນການຄ້າ ແລະ ການລົງທຶນ. ພວກເຮົາມີສັນຍາການຄ້າເສລີ ລະຫວ່າງ EU ແລະ ຫວຽດນາມ ໄດ້ມີຜົນສັກສິດນັບແຕ່ 6 ປີກ່ອນ, ເຮັດໃຫ້ວົງເງິນການຄ້າສອງປະເທດ ເພີ່ມຂຶ້ນ 40%ໃນ 5 ປີຜ່ານມາ. ເອີລົບແມ່ນໜຶ່ງໃນບັນດາຕະຫຼາດສົ່ງອອກຫຼັກຂອງ ຫວຽດນາມ ແລະ ພວກເຮົາພວມຮ່ວມມືກັນຢ່າງແໜ້ນແຟ້ນ ດ້ວຍການພົວພັນຄູ່ຮ່ວມມືຫັນປ໋ຽນພະລັງງານຢ່າງມີຄວາມຍຸຕິທຳລະຫວ່າງ G7 ແລະ ບັນດານັກອຸປະຖຳອື່ນກັບ ຫວຽດນາມ.
ການຫັນຄຳໝັ້ນສັນຍາກາຍເປັນຜົນປະໂຫຍດຢ່າງແທດຈິງ
ເຖິງຢ່າງໃດກໍຕາມ, ໃນໄລຍະໃໝ່, ການເປີດກວ້າງການຄ້າຕ້ອງໄປຄຽງຄູ່ກັບການຍົກສູງຄຸນນະພາບການເຕີບໂຕ. ການຫັນບັນດາຄຳໝັ້ນສັນຍາການເມືອງກາຍເປັນບັນດາຜົນປະໂຫຍດລະອຽດໃຫ້ແກ່ເປົ້າໝາຍພັດທະນາຂອງແຕ່ລະຝ່າຍຢ່າງໝັ້ນແກ່ນແມ່ນບັນດາເນື້ອໃນທີ່ນຳມາປຶກສາຫາລືລະຫວ່າງ ທ່ານເລຂາທິການໃຫຍ່, ປະທານປະເດ ໂຕເລິມ ກັບບັນດາການນຳ EU ໃນການຢ້ຽມຢາມຄັ້ງນີ້. ທ່ານນາງ ຫງວຽນເຮືອງຈ່າ ເອກອັກຄະລັດຖະທູດ ເນັ້ນໜັກວ່າ:
ເສົາຄ້ຳກ່ຽວກັບວິທະຍາສາດ, ເຕັກໂນໂລຢີ, ນະວັດຕະກຳ ແລະ ການຫັນເປັນດີຈີຕອນ ຈະສືບຕໍ່ແມ່ນບຸລະມິສິດແຖວໜ້າໃນການພົວພັນລະຫວ່າງ ຫວຽດນາມ ແລະ EU ໃນໄລຍະຈະມາເຖິງ. ສິ່ງນີ້ບໍ່ພຽງແຕ່ຢຸດຢູ່ຄຳໝັ້ນສັນຍາຂັ້ນສູງເທົ່ານັ້ນ ຫາກຍັງໄດ້ຫັນເປັນບັນດາໂຄງການ ແລະ ການກະທຳລະອຽດໃນການຢ້ຽມຢາມ.
ສຳລັບ ຫວຽດນາມ, ການຮ່ວມມືກັບບັນດາຄູ່ຮ່ວມມືເອີລົບບໍພຽງແຕ່ຊ່ວຍຫັນຕະຫຼາດ, ແຫຼ່ງກຳລັງ ແລະ ເຕັກໂນໂລຢີເປັນຫຼາຍຮູບແບບ, ຫາກຍັງປະກອບສ່ວນຍົກສູງຄວາມສາມາດສ້າງຄວາມເຂັ້ມແຂງດ້ວຍຕົນເອງ, ສ້າງກຳລັງໜູນຕື່ມໃຫ້ແກ່ການພັດທະນາ. ການຢ້ຽມຢາມແດນມາກ, EU ແລະ ແບນຊິກ ຂອງທ່ານເລຂາທິການໃຫຍ່, ປະທານປະເທດ ໂຕລິມ ເປີດໂອກາດສ້າງກຳລັງຜັກດັນໃໝ່ໃຫ້ການພົວພັນ ຫວຽດນາມ ເອີລົບ. ເສີມຂະຫຍາຍທ່າແຮງຂອງແຕ່ລະຝ່າຍ, ຕິດພັນກັບວິໄສທັດລວມ ດ້ວຍຄວາມຮຽກຮ້ອງຕ້ອງການຕົວຈິງ ຈະຊ່ວຍການຮ່ວມມືພັດທະນາຢ່າງເລິກເຊິ່ງ, ມີປະສິດທິຜົນ ແລະ ຍືນຍົງກວ່າ, ປະກອບສວ່ນເຂົ້າເປົ້າໝາຍພັດທະນາປະເທດຊາດໃນໄລຍະໃໝ່.
