ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ພ້ອມກັບພັນລະຍາ ແລະ ຄະນະຜູ້ແທນຂັ້ນສູງຫວຽດນາມ ຫາກໍ່ສິ້ນສຸດການຢ້ຽມຢາມທາງລັດຖະກິດ ລາຊະອານາຈັກ ແດນມາກ, ຢ້ຽມຢາມສະຫະພາບເອີລົບ (EU) ແລະ ລາຊະອານາຈັກ ແບນຊິກ ຢ່າງຈົບງາມ. ການເດີນທາງໄປປະຕິບັດງານໄດ້ສ້າງຂີດໝາຍຢ່າງເລິກເຊິ່ງ, ແມ່ນຂີດໝາຍສຳຄັນເເປີດໜ້າປຸຫວັດສາດພັດທະນາໃໝ່ເຕັມໄປດ້ວຍແງ່ຫວັງໃນການພົວພັນລະຫວ່າງ ຫວຽດນາມ ກັບ ແດນມາກ, EU, ແບນຊິກ.
ຈຸດພົ້ນເດັ່ນຂອງການເດີນທາງໄປປະຕິບັດງານແມ່ນຄວາມເຫັນດີເປັນເອກະພາບສູງສຸດກ່ຽວກັບວິໄສທັດພັດທະນາ, ແງ່ຫວັງສັນຕິພາບ ແລະ ຄວາມຕັດສິນໃຈເພີ່ມທະວີ ການຮ່ວມມືລະຫວ່າງ ຫວຽດນາມ ກັບບັນດາຄູ່ຮ່ວມມືເອີລົບ. ໃນສະພາບການໂລກມີການຜັນແປທີ່ສັບສົນ, ການແກ້ງແຍ້ງຍຸດທະສາດເພີ່ມຂຶ້ນ, ເສດຖະກິດທົ່ວໂລກຕ້ອງປະເຊີນໜ້າກັບສິ່ງທ້າທາຍນາໆປະການ, ການປັບປຸງການພົວພັນກັບບັນດາຄູ່ຮ່ວມມືຕ່າງກໍ່ມີຜົນປະໂຫຍດກ່ຽວກັບ ສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງຍິ່ງມີຄວາມໝາຍສຳຄັນ.
ຍົກອອກບັນດາຄຳໝັ້ນສັນຍາກາຍເປັນຜົນປະໂຫຍດຢ່າງແທດຈິງ
ຢູ່ແດນມາກ, ການຢ້ຽມຢາມທາງລັດຖະກິດຄັ້ງທຳອິດຂອງທ່ານເລຂາທິການໃຫຍ່ພັກກອມມູນິດ ຫວຽດນາມ ຢູ່ປະເທດ ເອີລົບເໜືອນີ້ເປີດໂອກາດນຳການພົວພັນສອງຝ່າຍພັດທະນາຢ່າງເລິກເຊິ່ງກວ້າງຂວາງກວ່າ. ສອງຝ່າຍໄດ້ເຫັນດີເປັນເອກະພາບຮັບຮອງເອົາຖະແຫຼງການຮ່ວມ ຍົກສູງການພົວພັນ ຫວຽດນາມ - ແດນມາກຂຶ້ນເປັນຢູ່ຮ່ວມມືຍຸດທະສາດ ຮອບດ້ານ, ເປີດໜ້າປະຫວັດສາດໃໝ່ໃນການພົວພັນສອງຝ່າຍ. ກ່າວຄຳເຫັນດ້ານນະໂຍບາຍຢູ່ມະຫາວິທະຍາໄລ Copenhagen, ທ່ານເລຂາທິການໃຫຍ່, ປະທານປະເທດ ໂຕເລິມ ເນັ້ນໜັກວ່າ:
ຫວຽດນາມກຳນົດຮູບແບບພັດທະນາເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ, ປະດິດຄິດສ້າງ, ວັດທະນະທຳມະນຸດ, ຍືນຍົງ ແລະ ເຊື່ອມໂຍງ. ໃນນັ້ນ, ວິທະຍາສາດເຕັກໂນໂລຢີ, ນະວັດຕະກຳ, ເສດຖະກິດພູມປັນຍາ ແມ່ນກຳລັງໜູນຫຼັກ; ການຫັນເປັນດີຈີຕອນ, ພະລັງງານແມ່ນໂອກາດສ້າງໂຄງປະກອບພື້ນຖານເສດຖະກິດຄືນໃໝ່. ຫວຽດນາມ ຖືເປັນສຳຄັນພິເສດບົດຮຽນຈາກແດນມາກກ່ຽວກັບຄວາມໄວ້ເນື້ອເຊື່ອໃຈສັງຄົມ, ພື້ນຖານບໍລິຫານທີ່ໂປ່ງໃສ, ມີຄວາມຮັບຜິດຊອບ ແລະ ນະໂຍບາຍເປັນປົກກະຕິ.
ໃນການຢ້ຽມຢາມ, ກະສັດແດນມາກ Frederik X ໄດ້ມອບໃຫ້ທ່ານເລຂາທິການໃຫຍ່, ປະທານປະເທດ ໂຕເລິມ ຫຼຽນໄຊຊ້າງ, ຫຼຽນໄຊອັນສູງສົ່ງທີ່ສຸດຂອງແດນມາກທີ່ໄດ້ມອບໃຫ້ບັນດາສະມາຊິກຂອງ ພະບໍລົມວົງສານຸວົງແລະ ປະມຸກລັດຕ່າງປະເທດ. ສິ່ງນີ້ສະແດງໃຫ້ເຫັນຄວາມເຄົາລົບນັບຖືຕໍ່ ທ່ານເລຂາທິການໃຫຍ່, ປະທານປະເທດ ໂຕເລິມ ແລະ ການພົວພັນຂອງ ພະບໍລົມວົງສານຸວົງແດນມາກ ກັບຫວຽດນາມ ເວົ້າລວມ.
ສຳລັບສະຫະພາບເອີລົບ, ການຢ້ຽມຢາມໄດ້ປະກອບສ່ວນປັບປຸງພື້ນຖານການພົວພັນ ຫວຽດນາມ EU, ສ້າງກຳລັງຜັກດັນເພື່ອຜັນຂະຫຍາຍບັນດາຂອບເຂດການຮ່ວມມືທີ່ມີຢູ່ແລ້ວໃຫ້ມີປະສິດທິຜົນ, ເປັນຕົ້ນແມ່ນສືບຕໍ່ໝູນໃຊ້ສັນຍາການຄ້າເສລີ ຫວຽດນາມ EU (EVFTA) ຢ່າງມີປະສິດທິຜົນ, ຊຸກຍູ້ການຄ້າ ແລະ ການລົງທຶນ, ເປີດກວ້າງການຮ່ວມມືໃນບັນດາຂົງເຂດໃໝ່. ທ່ານນາງ Roxana Minzatu ຮອງປະທານຝ່າຍບໍລິຫານ ຄະນະກຳມະການເອີລົບ ໃຫ້ຮູ້ວ່າ:
ຄວາມຂະຫຍັນຂັນເຄື່ອນຂອງພື້ນຖານເສດຖະກິດຫວຽ,ນາມ, ເປົ້າໝາຍພັດທະນາອຸດສາຫະກຳຂອງ ຫວຽດນາມ ດ້ວຍຄວາມສາມາດຄົ້ນຄ້ວາ, ຄວາມສາມາດດ້ານເຕັກໂນໂລຢີຂອງ EU ຈະນຳມາເຊິ່ງກາລະໂອກາດເພື່ອໃຫ້ສອງຝ່າຍພ້ອມກັນ ສ້າງບັນດາຄຸນຄ່າລວມໃນບັນດາຂົງເຂດພະລັງງານສະອາດ, ເຄິ່ງຊັກນຳໄຟຟ້າ, AI, ການແພດ, ຫັນການຜະລິດເປັນທັນສະໄໝ, ເປີດກວ້າງບັນດາລະບົບສະໜອງຂອງທ້ອງຖິ່ນ, ສ້າງວຽກເຮັດງານທຳທີ່ມີຄຸນນະພາບສູງໃຫ້ແກ່ທັງສອງພື້ນຖານເສດຖະກິດ.
ນອກຈາກການເຂົ້າຮ່ວມເວທີປາໄສເສດຖະກິດ ຫວຽດນາມ - EU, ທ່ານເລຂາທິການໃຫ່ຍ, ປະທານປະເທດ ໂຕເລິມ ໄດ້ພົບປະກັບບັນດາວິສາຫະກິດ,ກຸ່ມບໍລິສັດໃຫຍ່ຂອງ EU, ແນະນຳບັນດາແຜນການ, ຜັນຂະຫຍາຍໂຄງການຮ່ວມມືດ້ວຍມູນຄ່າແລກປ່ຽນຂຶ້ນເຖິງປະມານ 20 ຕື້ ເອີໂຣ (USD)
ຢູ່ແບນຊິກ, ການຢ້ຽມຢາມຢ່າງເປັນທາງການໄດ້ປະກອບສ່ວນເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ຊຸກຍູ້ການຮ່ວມມືສອງຝ່າຍ ແລະ ເສີມຂະຫຍາຍບົບບາດເຊື່ອມຕໍ່ຂອງແບນຊິກໃນການພົວພັນ ຫວຽດນາມ EU.
ບັນດາກາລະໂອກາດໃໝ່ພວມເປີດກ້ວາງ.
ຈາກແດນມາກຮອດແບນຊິກ, ຈາກການພົວພັນສອງຝ່າຍຮອດຂອບເຂດການຮ່ວມມື ຫວຽດນາມ - EU, ບັນດາໝາກຜົນບັນລຸໄດ້ສ້າງກຳລັງໜູນເພື່ອໃຫ້ບັນດາຝ່າຍພ້ອມກັນຫັນວິໄສທັດໃຫ້ປະກົດຜົນເປັນຈິງ, ຫັນຄຳໝັ້ນສັນຍາຈາກໝາກຜົນ ແລະ ຫັນທ່າແຮງບົ່ມຊ້ອນກາຍເປັນຄູນຄ່າຢ່າງແທດຈິງໃຫ້ແກ່ປະຊາຊົນ. ຕາມທ່ານ ເລຮ່ວາຍຈຸງ ລັດຖະມົນຕີກະຊວງການຕ່າງປະເທດ ຫວຽດນາມແລ້ວ, ໃນໄລຍະຈະມາເຖິງ, ບັນດາໝາກຜົນຮ່ວມມື, ຄວາມຮັບຮູ້ລວມ, ຄຳໝັ້ນສັນຍາ ແລະ ຂໍ້ຕົກລົງທີ່ບັນລຸໄດ້ໃນການຢ້ຽມຢາມຈະໄດ້ຮັບການຫັນເປັນບັນດາໂຄງການ, ກິດຈະກຳ ແລະ ຜະລິດຕະພັນລະອຽດ. ທ່ານໃຫ້ຮູ້ວ່າ:
ບັນຫາຈັດຕັ້ງປະຕິບັດກໍ່ແມ່ນບັນຫາເຊິ່ງພັກ, ລັດ ແລະ ລັດຖະບານ ຫວຽດນາມມີຄວາມເອົາໃຈໃສ່ທີ່ສຸດ ເພື່ອນຳບັນດາໝາກຜົນບັນລຸໄດ້ຜ່ານບັນດາການເຄື່ອນໄຫວທາງການທູດຂັ້ນສູງ, ກາຍເປັນແຫຼ່ງກຳລັງຢ່າງແທ້ຈິງ, ປະກອບສ່ວນພັດທະນາເສດຖະກິດ - ສັງຄົມຂອງປະເທດຊາດໃນໄລຍະໃໝ່.
ດ້ວຍຄວາມຕັດສິນໃຈດ້ານການເມືອງ, ພື້ນຖານຄວາມໄວ້ເນື້ອເຊື່ອໃຈ ແລະ ຈິດໃຈຮ່ວມມືຕ່າງຝ່າຍຕ່າງມີຜົນປະໂຫຍດ, ຫວຽດນາມ ແລະ ບັນດາຄູ່ຮ່ວມມືເອີລົບ ມີພື້ນຖານເພື່ອພ້ອມກັນສ້າງໜ້າປະຫວັດໃໝ່ໃນການພົວພັນລະຫວ່າງສອງທະວີບ - ໜ້າປະຫວັດສາດແຫ່ງສັນຕິພາບ, ວັດທະນາຖາວອນ, ນະວັດຕະກຳ ແລະ ການພັດທະນາແບບຍືນຍົງ.
