ໃນສະພາບການປະເທດຊາດກ້າວເຂົ້າສູ່ໄລຍະພັດທະນາໃໝ່ດ້ວຍເປົ້າໝາຍການເຕີບໂຕສອງຕົວເລກ ແລະ ຮຽກຮ້ອງສ້າງລະບອບລະບຽບການໃຫ້ສົມບູນແບບນັບມື້ນັບຮີບດ່ວນ, ກອງປະຊຸມວິສາມັນຄັ້ງປະຖົມມະເລິກ, ສະພາແຫ່ງຊາດ ຊຸດທີ XVI, ໄຂຂຶ້ນໃນວັນທີ 3 ສິງຫາ, ບໍ່ພຽງແຕ່ແກ້ໄຂບັນດາບັນຫາເກີດຂຶ້ນໃນຕົວຈິງເທົ່ານັ້ນ, ຫາກຍັງສຳຄັນກວ່ານັ້ນແມ່ນກອງປະຊຸມສະແດງໃຫ້ເຫັນຄວາມເປັນເຈົ້າການໃນການປ່ຽນແປງໃໝ່ໃນຈິນຕະນາການສ້າງຕັ້ງກົດໝາຍ, ເພື່ອແນໃສ່ຮັບປະກັນກົດໝາຍຍາມໃດກໍ່ຮ່ວມເດີນທາງພ້ອມກັບການພັດທະນາຂອງປະເທດຊາດ
33 ເນື້ອໃນໂດຍສະພາແຫ່ງຊາດພິຈາລະນາຢູ່ກອງປະຊຸມບໍ່ພຽງແຕ່ສ່ອງແສງຈຳນວນວຽກງານທີ່ໃຫຍ່ຫຼວງເທົ່ານັ້ນ, ຫາກຍັງສະແດງໃຫ້ເຫັນຄວາມຮຽກຮ້ອງທີ່ຈຳເປັນໃນການສ້ງລະບອບລະບຽບການໃຫ້ສົມບູນແບບເພື່ອແກ້ໄຂບັນດາບັນຫາຕົວຈິງພວມວາງອອກ, ພ້ອມທັງສ້າງພື້ນຖານນິຕິກຳໃຫ້ແກ່ໄລຍະພັດທະນາຕໍ່ໄປຂອງປະເທດຊາດ.
ບໍ່ປະໃຫ້ລະບອບລະບຽບການກາຍເປັນຈຸດອຸດຕັນ
ກອງປະຊຸມວິສາມັນຄັ້ງປະຖົມມະເລິກ, ສະພາແຫ່ງຊາດຊຸດທີ XVI ໄດ້ຈັດຂຶ້ນຢ່າງສົມກຽດໃນສະພາບການທົ່ວປະເທດມານະພະຍາຍາມປະຕິບັດເປົ້າໝາຍການເຕີບໂຕສອງຕົວເລກໃນປີ 2026 ແລະ ຊຸມປີຕໍ່ໄປ. ເພື່ອຫັນເປົ້າໝາຍນັ້ນໃຫ້ປະກົດຜົນເປັນຈິງ, ໄປຄຽງຄູ່ກັບແຫຼ່ງກຳລັງ, ພື້ນຖານໂຄງລ່າງຫຼື ວິທະຍາສາດ - ເຕັກໂນໂລຢີ, ຄວາມຮຽກຮ້ອງຕ້ອງການທີ່ຈຳເປັນ ແມ່ນຕ້ອງຫັນບັນດາແຜນນະໂຍບາຍຂອງພັກກາຍເປັນລະບອບລະບຽບການ, ຂໍ້ກຳນົດຂອງກົດໝາຍ. ເພາະສະນັ້ນ, ຫຼາຍເນື້ອໃນມີຜົນກະທົບໂດຍກົງຕໍ່ສະພາບແວດລ້ອມແຫ່ງການລົງທຶນ, ພັດທະນາພື້ນຖານໂຄງລ່າງ, ປັບປຸງລະບຽບການບໍລິຫານ, ຈັດຕັ້ງກົງຈັກ ແລະ ຮູບແບບອຳນາດການປົກຄອງທ້ອງຖິ່ນສາມຂັ້ນ ໂດຍສະພາແຫ່ງຊາດຍົກອອກມາພິຈາລະນາຢູ່ກອງປະຊຸມຄັ້ງນີ້.
ບໍ່ພຽງແຕ່ພິຈາລະນາປັບປຸງ, ເພີ່ມເຕີມກົດໝາຍສຳຄັນຫຼາຍສະບັບ ຫຼືຕັດສິນໃຈບັນດາໂຄງການໃຫຍ່, ກອງປະຊຸມຄັ້ງນີ້ຍັງສະແດງໃຫ້ເຫັນຄວາມຕັດສິນໃຈຍູ້ໄວວິວັດການຫັນເປັນລະບອບລະບຽບການ, ເພື່ອໃຫ້ບັນດາແຜນນະໂຍບາຍ, ນະໂຍບາຍກາຍເປັນພື້ນຖານນິຕິກຳໃຫ້ການພັດທະນາໂດຍໄວ. ກ່າວຄຳເຫັນໄຂກອງປະຊຸມ, ທ່ານປະທານສະພາແຫ່ງຊາດ ເຈິ່ນແທັງເໝິນ ເນັ້ນໜັກວ່າ:
ດ້ວຍໜ້າທີ່ຈຸດສຸມແມ່ນວຽກງານສ້າງກົດໝາຍ ແລະ ຕັດສິນບັນດາບັນຫາສຳຄັນຂອງປະເທດຊາດ ເຊິ່ງຕົວຈິງຮຽກຮ້ອງ, ກອງປະຊຸມໄດ້ປະຕິບັດຄວາມຕັດສິນໃຈດ້ານການເມືອງ, ຈິດໃຈເປັນເຈົ້າການ, ການກະທຳຂ້ຽວຂາດ, ແທ້ຈິງຂອງສະພາແຫ່ງຊາດ, ລັດຖະບານ, ບັນດາອົງການໃນການຫັນເປັນລະບອບລະບຽບການ ແລະ ປະຕິບັດບັນດາແຜນນະໂຍບາຍຂອງພັກໃນທັນທີ, ຕອບສະໜອງຄວາມຮຽກຮ້ອງຕ້ອງການ, ຄວາມມຸ່ງຫວັງຂອງປະຊາຊົນ, ວິສາຫະກິດ, ບໍ່ຊັກຊ້າ, ບໍ່ພາດໂອກາດພັດທະນາປະເທດຊາດ.
ໃນສະພາບການຄວາມຮຽກຮ້ອງຕ້ອງການພັດທະນານັບມື້ນັບຮີບດ່ວນ, ການສ້າງລະບອບລະບຽບການໃຫ້ສົມບູນແບບບໍ່ພຽງແຕ່ແມ່ນໜ້າທີ່ໃນການສ້າງກົດໝາຍເທົ່ານັ້ນ ຫາກຍັງກາຍເປັນເງື່ອນໄຂເພື່ອໃຫ້ບັນດາແຜນນະໂຍບາຍພັດທະນາໄດ້ຜັນຂະຫຍາຍຢ່າງທັນການ ແລະ ມີປະສິດທິຜົນ. ສະພາແຫ່ງຊາດບໍ່ພຽງແຕ່ມຸ່ງໄປເຖິງການປະກາດໃຊ້ກົດໝາຍຖືກຕ້ອງຕາມຄວາມຄືບໜ້າ, ຫາກຍັງເປັນເຈົ້າການຫຼຸດເວລາຫັນບັນດາບັນຫາຈາກຕົວຈິງເປັນລະບອບລະບຽບການລົງ, ຫຼີກລ້ຽງກໍລະນີພາດໂອກາດພັດທະນາຍ້ອນບໍ່ມີນິຕິກຳ. ທ່ານ ຫງວຽນເຈື່ອງຢາງ, ຮອງຫົວໜ້າກຳມາທິການ ກົດໝາຍ ແລະ ຍຸຕິທຳ ຂອງສະພາແຫ່ງຊາດ ຖືວ່າ:
ບັນດາຮ່າງກົດໝາຍ, ບັນດາຮ່າງມະຕິໂດຍລັດຖະບານ ແລະ ບັນດາອົງການຍື່ນສະເໜີຕໍ່ສະພາແຫ່ງຊາດລ້ວນແຕ່ແມ່ນບັນດາບັນຫາຮີບດ່ວນ ແລະ ໄດ້ຮັບການກະກຽມຢ່າງລອບຄອບຖີ່ທ້ວນ. ດັ່ງນັ້ນ, ກອງປະຊຸມສະພາແຫ່ງຊາດວິສາມັນເມື່ອເດືອນສິງຫາ ນີ້ເພື່ອຕອບສະໜອງຄວາມຮຽກຮ້ອງຕ້ອງການໃນການດຳລົງຊີວິດ, ຄວາມຮຽກຮ້ອງຕ້ອງການໃນການຄຸ້ມຄອງສັງຄົມ, ຮຽກຮ້ອງຕ້ອງການຂອງການພັດທະນາເສດຖະກິດສັງຄົມຂອງປະເທດຊາດ.
ສ້າງສັນລະບອບລະບຽບການໃຫ້ການພັດທະນາ
ຖ້າການຈັດຕັ້ງກອງປະຊຸມວິສາມັນສະແດງໃຫ້ເຫັນຄວາມເປັນເຈົ້າການຂອງສະພາແຫ່ງຊາດກ່ອນຄວາມຮຽກຮ້ອງຕ້ອງການໃນຕົວຈິງ, ເປົ້າໝາຍສູງກວ່າໄດ້ວາງອອກບໍ່ພຽງແຕ່ແມ່ນປະກາດບັນດາປະມວນກົດໝາຍຢ່າງທັນການເທົ່ານັ້ນຫາກຍັງຕ້ອງຍົກສູງຄຸນນະພາບຂອງແຕ່ລະການຕັດສິນໃນການສ້າງກົດໝາຍ. ກົດໝາຍສະບັບໜຶ່ງມີຄວາມໝາຍຢ່າງແທດຈິງ ກໍ່ຕໍ່ເມືອແກ້ໄຂໄດ້ບັນດາບັນຫາຕົວຈິງວາງອອກ ແລະ ອາດສາມາດເສີມຂະຫຍາຍຢ່າງມີປະສິດທິຜົນພາຍຫຼັງມີຜົນບັງຄັບໃຊ້. ທ່ານ ປະທານສະພາແຫ່ງຊາດເຈິ່ນແທັງເໝິນ ຊີ້ແຈ້ງວ່າ
ຂ້າພະເຈົ້າສະເໜີບັນດາອົງການຂອງສະພາແຫ່ງຊາດ, ສະມາຊິກສະພາແຫ່ງຊາດແຕ່ລະທ່ານ ສືບຕໍ່ປ່ຽນແປງໃໝ່ຢ່າງແຮງຈິນຕະນາການໃນການສ້າງກົດໝາຍ; ນະໂຍບາຍ, ກົດໝາຍໄດ້ຮັບການປະກາດໃຊ້ຕິດແທດຕົວຈິງ; ເດີນກ່ອນ, ເປີດເສັ້ນທາງໃຫ້ການພັດທະນາ; ຖືປະຊາຊົນ ແລະ ວິສາຫະກິດເປັນໃຈກາງ; ຖືຄຸນນະພາບ, ປະສິດທິຜົນຂອງການປະຕິບັດລະບົບກົດໝາຍເປັນໄມ້ຫຼ້າວັດແທກຂອງການເຄື່ອນໄຫວສ້າງກົດໝາຍ. ສ້າງພື້ນຖານນິຕິກຳໃຫ້ສົມບູນແບບ ເພື່ອແກ້ໄຂບັນດາບັນຫາຮີບດ່ວນໂດຍຕົວຈິງວາງອອກ. ເສີມຂະຫຍາຍຢ່າງສູງສຸດບົດບາດ, ຄວາມຮັບຜິດຊອບຂອງແຕ່ລະອົງການ ແລະຜູ້ນຳໃນວິວັດການສ້າງ, ປະກາດໃຊ້ນະໂຍບາຍກົດໝາຍ, ພິເສດແມ່ນອົງການຮຽບຮຽງ, ອົງການກວດກາຕີລາຄາ.
ຄຳຮຽກຮ້ອງປ່ຽນແປງໃໝ່ຈິນຕະນາການສ້າງກົດໝາຍສະແດງໃຫ້ເຫັນຈຸດສຸມບໍ່ນອນຢູ່ຈຳນວນກົດໝາຍ, ມະຕິພາຍຫຼັງໄດ້ຮັບການຮັບຮອງ, ຫາກຍັງແມ່ນຄຸນນະພາບ ແລະ ປະສິດທິຜົນໃນການປະຕິບັດແຕ່ລະນະໂຍບາຍພາຍຫຼັງປະກາດ. ສິ່ງນັ້ນຮຽກຮ້ອງຕ້ອງການຮ່າງກົດໝາຍແຕ່ລະສະບັບ ຕ້ອງໄດ້ຮັບການກະກຽມຢ່າງລະອຽດ, ຕີລາຄາຜົນກະທົບຢ່າງຄົບຖ້ວນ ແລະ ຕິດແທດຄວາມຮຽກຕ້ອງຂອງຕົວຈິງນັບແຕ່ຂັ້ນຕອນສ້າງກົດໝາຍ. ເມື່ອກົດໝາຍແກ້ໄຂໄດ້ບັນດາບັນຫາໃນການດຳລົງຊີວິດ, ສ້າງຄວາມສະດວກໃຫ້ແກ່ປະຊາຊົນ, ວິສາຫະກິດ ຢ່າງແທ້ຈິງ ແລະ ລຸລ່ວງແຫຼ່ງກຳລັງພັດທະນາ, ເຄື່ອນໄຫວສ້າງກົດໝາຍໃໝ່ ປະຕິບັດເປົ້າໝາຍສ້າງສັນເຊິ່ງສະພາແຫ່ງຊາດມຸ່ງໄປຖິງ.
ດ້ວຍບັນດາເນື້ອໃນໄດ້ຍົກອອກມາພິຈາລະນາ, ການຕັດສິນ, ກອງປະຊຸມວິສາມັນຄັ້ງທີປະຖົມມະເລິກສືບຕໍ່ຢັ້ງຢືນຈິດໃຈເປັນເຈົ້າການ, ປ່ຽນແປງໃໝ່ຂອງສະພາແຫ່ງຊາດໃນວຽກງານສ້າງກົດໝາຍ, ຮັບປະກັນລະບອບລະບຽບການຍາມໃດກໍ່ເດີນທັນກັບການພັດທະນາຂອງປະເທດຊາດ.
