ໂດຍຕ່າງກັບບັນດາຮູບແບບສະແດງສິລະປະທຳມະດາ, ELYH Entertainment ໄດ້ຮັບການກໍ່ສ້າງບົນພື້ນຖານຊຸມຊົນຄອບຄົວ. ຢູ່ທີ່ນີ້, ຈະບໍ່ມີພົມແດນລະຫວ່າງ “ຜູ້ສະແດງ” ແລະ “ຜູ້ຊົມ”; ພໍ່ແມ່ ແລະ ລູກຫຼານຈະເປັນເພື່ອນຮ່ວມເດີນທາງ, ພ້ອມກັນເຂົ້າຮ່ວມວິວັດການປະດິດຄິດສ້າງ, ສະແດງ ແລະ ຮັບຊົມສິລະປະ. ທ່ານນາງ ຫງວຽນທູ, ຜູ້ຕາງໜ້າຄະນະຈັດຕັ້ງໂຄງການ ELYH Entertainment ໃຫ້ຮູ້ວ່າ:
“ໃນລາຍການ, ບໍ່ພຽງແຕ່ມີເດັກໆສະແດງເທົ່ານັ້ນ ຫາກຍັງມີທັງຜູ້ເປັນພໍ່ແມ່ກໍເຂົ້າຮ່ວມການສະແດງເທິງເວທີພ້ອມກັບລູກຂອງຕົນອີກດ້ວຍ. ຜ່ານນັ້ນ, ກໍຊ່ວຍຜູກພັນບັນດາສະມາຊິກໃນຄອບຄົວ ກໍຄືສະແດງໃຫ້ເຫັນການຮ່ວມເດີນທາງອັນຍາວນານ, ໝັ້ນໜຽວພ້ອມກັບລູກ ເພື່ອບັນລຸໄດ້ໝາກຜົນເທິງເວທີ”.
ລາຍການດັ່ງກ່າວໄດ້ສ້າງບໍລິເວນສະແດງສິລະປະທີ່ມີສີສັນຫຼາກຫຼາຍ ແລະ ເຕັມໄປດ້ວຍຄວາມຮູ້ສຶກ ດ້ວຍສອງກິດຈະກຳຫຼັກ. ກິດຈະກຳທີໜຶ່ງແມ່ນງານວາງສະແດງສິລະປະການສຳພັດດ້ວຍຕາ, ເຊິ່ງວາງສະແດງບັນດາພາບແຕ້ມ ແລະ ຜະລິດຕະພັນຫັດຖະກຳຂອງເດັກໃນປະຊາຄົມ ELYH. ໃນບໍລິເວນອັນອົບອຸ່ນຂອງເຂດວາງສະແດງແມ່ນບັນດາພາບແຕ້ມທີ່ເຕັມໄປດ້ວຍອາລົມ ສະແດງໃຫ້ເຫັນທັດສະນະບໍລິສຸດຂອງເດັກກ່ຽວກັບໂລກອ້ອມຂ້າງ. ໂດຍເຂົ້າຮ່ວມງານວາງສະແດງ, ນ້ອງ ເຟືອງມິງ ຢູ່ ຮ່າໂນ້ຍ, ແບ່ງປັນວ່າ:
“ເມື່ອເຂົ້າຮ່ວມລາຍການນີ້, ນ້ອງສາມາດແບ່ງປັນກັບໝູ່ເພື່ອນທີ່ມີຄວາມເມົາມົວກັບການປະດິດຄິດສ້າງຈິດຕະກຳ. ລາຍການດັ່ງກ່າວໄດ້ຊ່ວຍໃຫ້ທຸກຄົນມີບໍລິເວນເພື່ອຮ່ວມກັນຮ່ຳຮຽນ, ຮ່ວມເດີນທາງ ແລະ ແຜ່ກະຈາຍແຮງບັນດານໃຈໃນການປະດິດຄິດສ້າງ”.
ກິດຈະກຳທີສອງແມ່ນລາຍການດົນຕີ ແລະ ສະແດງສິລະປະທີ່ເປັນເອກະລັກ. ນະທີ່ນີ້, ເວທີແມ່ນຂອງພວກເພື່ອນໜຸ່ມ ແລະ ຜູ້ເປັນພໍ່ແມ່ ດ້ວຍບັນດາລາຍການສະແດງທີ່ໄດ້ຮັບການກະກຽມຢ່າງລອບຄອບຖີ່ຖ້ວນ, ຈາກການສະແດງດົນຕີ, ຂັບຮ້ອງ, ຟ້ອນ ຕະຫຼອດຮອດບັນດາຮູບແບບການສະແດງທີ່ມີຫົວຄິດປະດິດສ້າງອື່ນໆ. ສະມາຊິກແຕ່ລະຄົນໃນຄອບຄົວ ສາມາດສະແດງໂຕເອງດ້ວຍຄວາມໝັ້ນໃຈ ແລະ ແຕ່ລະຄອບຄົວຈະກາຍເປັນຄອບຄົວສິລະປະ.
“ນ້ອງສະແດງສາມລາຍການໃນລາຍການ ELYH Entertainment. ນ້ອງດີໃຈຫຼາຍ ເພາະວ່າ ພໍ່ແມ່ນ້ອງໄດ້ເຂົ້າຮ່ວມລາຍການພ້ອມກັບນ້ອງ. ໃນລາຍການ, ມີ ການສະແດງທີ່ຈັບອົກຈັບໃຈ ແລະ ເປັນເອກະລັກຫຼາຍຢ່າງ”.
ຂ້າພະເຈົ້າໄດ້ເຂົ້າຮ່ວມການສະແດງເປົ່າຂຸ່ຍເອເລັກໂຕນິກ. ລູກຊາຍຂອງຂ້າພະເຈົ້າສະແດງດົນຕີຄລາດຊິກ ດ້ວຍ violin. ສອງພໍ່ລູກຂ້າພະເຈົ້າຮູ້ສຶກໝັ້ນໃຈເມື່ອສະແດງຢູ່ເທິງເວທີ. ຜ່ານນັ້ນ, ພໍ່ລູກຂ້າພະເຈົ້າກໍໄດ້ຝຶກຝັນຄວາມຮູ້ກ່ຽວກັບດົນຕີຕື່ມອີກ”.
ໃນຈັງຫວະການດຳລົງຊີວິດຢູ່ເຂດຕົວເມືອງທີ່ທັນສະໄໝ, ຄວາມຫຍຸ້ງກັບວຽກງານ ແລະ ອຸປະກອນເອເລັກໂຕນິກ ອາດຈະເຮັດໃຫ້ການເຊື່ອມຕໍ່ລະຫວ່າງບັນດາສະມາຊິກໃນຄອບຄົວຖືກຈາງຫາຍໄປ. ເມື່ອພໍ່ແມ່ໂຈະບັນດາວຽກງານທີ່ຕິດຄາໃນການດຳລົງຊີວິດນັ້ນໄວ້ ເພື່ອພ້ອມກັບລູກແຕ້ມພາບ, ສະແດງດົນຕີນຳກັນ, ນັ້ນແມ່ນເວລາທີ່ສາຍໃຍຜູກພັນບັນດາສະມາຊິກໃນຄອບຄົວມີຄວາມສັກສິດທີ່ສຸດ ແລະ ກໍແມ່ນສະພາບແວດລ້ອມທີ່ມີຄວາມເປັນວັດທະນະທຳມະນຸດທີ່ສຸດ, ນີ້ກໍ່ແມ່ນການເຄື່ອນໄຫວດີທີສຸດເພື່ອຫຼໍ່ລ້ຽງຈິດໃຈຂອງເດັກ.
“ELYH Entertainment ແມ່ນການເຄື່ອນໄຫວໄລຍະຍາວ ແລະ ຈັດຂຶ້ນ 3 ເດືອນເທື່ອໜຶ່ງ ເພື່ອໃຫ້ເດັກສະແດງຄວາມໝັ້ນໜຽວ, ທົນທານ ກໍຄືພອນສະຫວັນດ້ານສິລະປະຂອງຕົນ. ສິລະປະຕ້ອງມີການຮ່ວມເດີນທາງຂອງພໍ່ແມ່ກັບລູກເຕົ້າ. ລາຍການນີ້ ໄດ້ຊ່ວຍໃຫ້ພວກເດັກ ຮູ້ຮັກສິ່ງທີ່ດີງາມ ແລະ ມຸ່ງໄປເຖິງຄຸນຄ່າຄວາມຈິງໃຈ - ສຸດຈາຫຼິດ - ຄວາມງາມ”.
ບໍ່ພຽງແຕ່ຢຸດຢູ່ເຫດການໜຶ່ງ, ELYH Entertainment ພວມເປີດບໍລິເວນໃໝ່, ບ່ອນທີ່ພວກເພື່ອນໜຸ່ມໄດ້ເຕີບໃຫຍ່ພ້ອມກັບຄວາມຮູ້ສຶກ, ການແບ່ງປັນຕາມວິທີພິເສດ./.
