ວັດທະນະທຳເຜົ່າຈຳ ແມ່ນພາກສ່ວນໜຶ່ງທີ່ເປັນເອກະລັກໃນພື້ນຖານວັດທະນະທຳ ຫວຽດນາມ. ສິ່ງນີ້ໄດ້ສະແດງໃຫ້ເຫັນຜ່ານລະບົບວິຫານທາດບູຮານ, ສິລະປະສະຖາປັດຕະຍະກຳແກະຄວັດສະຫຼັກ, ງານບຸນ, ການເຫຼື້ອມໃສ, ຕົວໜັງສື, ສິລະປະການສະແດງ ແລະ ບັນດາອາຊີບຫັດຖະກຳ. ມໍລະດົກກວັດທະນະທຳຫຼາຍຢ່າງ ໄດ້ກາຍເປັນສະຖານທ່ອງທ່ຽວທີ່ດູດດື່ມສຳລັບແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດ. ຢູ່ທາດ ໂປກະລົງກະຣາຍ, ເຊິ່ງແມ່ນກິດຈະກຳ ສະຖາປັດຕະຍະກຳເຜົ່າຈຳທີ່ພົ້ນເດັ່ນຢູ່ຕາແສງ ໂດວິງ ແຂວງ ແຄັ໊ງຮວ່າ, ແຂກຫຼາຍຄົນໄດ້ຕັ້ງໃຈແກະລະຫັດ QR ຢູ່ຕໍ່ໜ້າບັນດາທາດຈຳບູຮານ. ພາຍຫຼັງພຽງສອງສາມວິນາທີ, ຂໍ້ມູນກ່ຽວກັບປະຫວັດສາດ, ວັດຖຸພັນ ແລະ ຄຸນຄ່າວັດທະນະທຳຂອງປູຊະນີຍະສະຖານໄດ້ປາກົດຂຶ້ນໃນໜ້າຈໍໂທລະສັບມືຖື. ນາງ ຕ່າຍກົງທຸ໋ຍຢຽມ ຜູ້ນຳທ່ຽວຢູ່ບູຊະນີຍະສະຖານ ໂປກະລົງກະຣາຍ ໃຫ້ຮູ້ວ່າ:
“ມານນີ້, ແຂກທ່ອງທ່ຽວສາມາດແກະລະຫັດ QR, ຮັບຟັງດົນຕີການແນະນຳສະຖານທີ່ທ່ອງທ່ຽວ. ຂະນະທີ່ດົນຕີປາກົດຂຶ້ນຮອດໃສກໍ່ສາມາດຮັບຊົມຂໍ້ມູນຂ່າວສານໂດຍກົງ. ພວກຂ້າພະເຈົ້ານັ່ງຢູ່ທີ່ນີ້ ແຂກທ່ອງທ່ຽວຖ້າຫາກມີຂໍ້ຂ້ອງໃຈຫຍັງແດ່ກໍ່ຈະໄດ້ຮັບຄຳຕອບໃນທັນທີ”.
ການແກະລະຫັດ QR ເພື່ອຊອກຮູ້ຂໍ້ມູນຂ່າວສານທາງດ້ານວັດທະນະທຳເຜົ່າຈຳ ແມ່ນວິທີຄົ້ນຫາໃໝ່ພວມຖືກໝູນໃຊ້ຢູ່ບັນດາມໍລະດົກໃນແຂວງ ແຄັ໊ງຮວ່າ ເນື່ອງໃນໂອກາດວັນບຸນວັດທະນະທຳເຜົ່າຈຳ ຄັ້ງທີ 6. ອ້າຍ ເຈິ່ນຫິວຫຼີ ແຂກທ່ອງທ່ຽວມາຈາກແຂວງ ຢາລາຍ ເປີດເຜີຍວ່າ:
“ສະດວກທີ່ສຸດເມື່ອຂ້າພະເຈົ້າຢາກຊອກຮູ້ຂໍ້ມູນຂ່າວສານລະອຽດກ່ຽວກັບທາດເຜົ່າຈຳ ຫຼື ຊອກຮູ້ກ່ຽວກັບປະຫວັດສາດອັນໃດອັນໜຶ່ງ ຫຼື ແມ່ນທິດທັດທຳມະຊາດ, ບາງທາດຢູ່ໃກ້ຄຽງກໍ່ມີຂໍ້ມູນຂ່າວສານຫຼາຍກວ່າ. ມີລະຫັດ QR ນີ້, ບາງຄັ້ງເມື່ອບໍ່ມີຜູ້ນຳທ່ຽວນັ້ນ, ເຮົາບໍ່ສາມາດໄດ້ຮັບຫຼາຍຂໍ້ມູນກ່ຽວກັບວັດທະນະທຳປະຫວັດສາດຫຼາຍກວ່າ”.
ທ່ານ ຫງວຽນຈີ໊ແທັງ ນັກຊ່ຽວຊານດ້ານເຕັກນິກເຂົ້າຮ່ວມລາຍການ ແບ່ງປັນການຫັນຮູບພາບ ແລະ ຂ່າວສານເປັນດີຈີຕອນ, ແຂວງ ແຄັ໊ງຮວ່າ ຍັງນຳເຕັກໂນໂລຊີເໝືອນຈິງ ແລະ ຫຼາຍພາສາເຂົ້າໃນລະບົບເພື່ອຊ່ວຍຄວາມສາມາດເຂົ້າເຖິງມໍລະດົກໃຫ້ແກ່ແຂກທ່ອງທ່ຽວທັງຫຼາຍ. ທ່ານ ແທັງ ໃຫ້ຮູ້ວ່າ:
“ປັດຈຸບັນພວກຂ້າພະເຈົ້າຜັນຂະຫຍາຍ 4 ພາສາຫຼັກ ລວມມີ ພາສາຫວຽດ, ພາສາອັງກິດ, ພາສາລັເຊຍແລະ ພາສາຈີນ, ພ້ອມທັງສືບຕໍ່ເພີ່ມເຕີມແຕ່ 7 ຫາ 12 ພາສາອື່ນໆອີກ. ນອກຈາກນັ້ນ ການຫັນເປັນດີຈີຕອນຈະມີບັນດາຂໍ້ມູນຂ່າວສານທີ່ກ່ຽວຂ້ອງເຖິງເນື້ອໃນຮູບພາບ. ພື້ນທີ່ເໝືອນຈິງແມ່ນສາມມິຕິ”.
ສ່ວນທ່ານນາງ ຖາຍທິເລະຮັ່ງ ຫົວໜ້າພະແນຫວັດທະນະທຳ, ກິລາ ແລະ ທ່ອງທ່ຽວ ແຂວງ ແຄັ໊ງຮວ່າ ໃຫ້ຮູ້ວ່າ:
“ກ່ອນທີ່ຈະຈັດວັນບຸນວັດທະນະທຳເຜົ່າຈຳ, ພວກຂ້າພະເຈົ້າໄດ້ສຳເລັດວຽກງານນີ້. ການຫັນເປັນດີຈີຕອນນັ້ນ ທີໜຶ່ງ ແມ່ນຈະຊ່ວຍໃຫ້ຂະແໜງມີຜະລິດຕະພັນທ່ອງທ່ຽວທີ່ເປັນຈັບໃຈຕື່ມອີກເພື່ອສະຫງວນໃຫ້ແຂກທ່ອງທ່ຽວ ເມື່ອມານີ້ ກໍ່ສາມາດຄົ້ນຫາດ້ວຍພື້ນທີ່ເໝືອນຈິງ. ດ້ານອື່ນສຳລັບແຂກທ່ອງທ່ຽວທີ່ຍັງບໍ່ທັນມີເງື່ອນໄຂເຂົ້າເຖິງບ່ອນ ກໍ່ຈະສາສມາດຢ້ຽມຊົມຜ່ານລະບົບດີຈີຕອນສາມມິຕິນີ້”.
ການຫັນເປັນດີຈີຕອນພວມເປີດທິດເຂົ້າເຖິງໃໝ່ ຊ່ວຍມໍລະດົກວັດທະນະທຳເຜົ່າຈຳ ຜ່ານຂອບເຂດ ກາຍເປັນແຫຼ່ງຊັບພະຍາກອນວັດທະນະທຳແຜ່ກະຈາຍຢ່າງກວ້າງຂວາງ. ນັ້ນກໍ່ແມ່ນວິທີປະຫອບສ່ວນອະນຸລັກບັນດາຄຸນຄ່າວັດທະນະທຳພື້ນເມືອງ, ສ້າງກຳລັງໜູນໃຫ້ແກ່ການຫັນເປັນດີຈີຕອນໃນຂົງເຂດວັດທະນະທຳ ແລະ ທ່ອງທ່ຽວ.
