ພາບຕື໊ບິ່ງ ມີຫຼາຍປະເພດທີ່ແຕກຕ່າງກັນ ແຕ່ສັງລວມແລ້ວກໍ່ ແມ່ນພາບ 4 ແຜ່ນທີ່ເປັນສັນຍາລັກໃຫ້ແກ່ສີ່ລະດູໃນປີ, ມີດອກໄມ້ຊະນິດຕ່າງໆຄື ດອກເໝີຍ, ດອກຄາຍ, ດອກກ້ວຍໄມ້ ແລະ ສຳລັບນົກກໍ່ທຽບເທົ່າ. ນັກສິລະປະການດີເດັ່ນ ເລດິ່ງງຽມ ໃຫ້ຮູ້ວ່າ:
“ພາບຕື໊ບິ່ງ ແມ່ນຊຸດພາບແຕ້ມສີ່ແຜ່ນ. ພາບແຕ້ມກ່ຽວກັບສີ່ລະດູຄື ລະດູບານໃໝ່, ລະດູຮ້ອນ, ລະດູໃບໄມ້ຫຼົ່ນ ແລະ ລະດູໜາວ. ພາບຕື໊ບິ່ງ ມີຄວາມໝາຍອວຍພອນໃຫ້ການດຳລົງຊີວິດຂອງມະນຸດມີຄວາມຍືນຍາວ, ຄູ່ຜົວເມຍຮ່ວມຊີວິດນຳກັນດ້ວຍຄວາມສຸກ, ລູກເຕົ້າແຂງແຮງ ແລະ ເກັ່ງກ້າ.“
ພາບຕື໊ບິ່ງ ເຄີຍໃຊ້ເພື່ອປະດັບປະດາໃນເຮືອນຊານ ເມື່ອບຸນເຕັດລະດູບານໃໝ່ວຽນມາ. ພາບແຕ່ລະແຜ່ນກໍ່ມີສີສັນງາມຕາ ອັນໄດ້ເຮັດໃຫ້ເຮືອນຊານເພີ່ມຄວາມສະຫວ່າງສະໄຫວ. ເພື່ອປະຕິບັດຕາມ ໂຮ໋ເຮັງ, ເຈົ້າຂອງຄອບຄົວເຄີຍແຂວນ ພາບຕື໊ບິ່ງ ຕາມກົດເກນ: ພາບລະດູບານໃໝ່ - ລະດູຮ້ອນ - ລະດູໃບໄມ້ຫຼົ່ນ - ລະດູໜາວ ທຽບເທົ່າກັນດອກເໝີຍ - ໄມ້ໄຜ່ ຫຼື ດອກບົວ - ດອກເບັນຈະມາດ - ຕົ້ນແປກ. ທິດທີ່ດີທີ່ສຸດເພື່ອແຂວນ ພາບຕື໊ບິ່ງ ແມ່ນທິດໃຕ້ ສ່ວນການແຂວນ ພາບຕື໊ບິ່ງ ເຄີຍແຂວນຢູ່ຫ້ອງຮັບແຂກ ຫຼື ຫ້ອງເຮັດວຽກ. ພາບແຕ່ລະແຜ່ນອາດຈະມີຄຳກອນເພີ່ມ. ຈິດຕະກອນ ຈິ້ງລື້ ໃຫ້ຮູ້ວ່າ:
“ພາບຕື໊ບິ່ງ ໄດ້ຊ້ອນແຝງພູມປັນຍາອາລົມຈິດຄວາມຮັກແພງຂອງມະນຸດ. ດັ່ງນັ້ນພາບແມ່ນສິ່ງທີ່ລ້ຳຄ່າ ອາດຈະໃຊ້ເປັນຂອງຂວັນ”.
ປັດຈຸບັນ, ຫໍພິພິທະພັນວິຈິດຕະກຳ ຫວຽດນາມ ພວມເກັບຮັກສາພາບພື້ນເມືອງ ຫວຽດນາມ ເກືອບ 2.500 ແຜ່ນ, ໃນນັ້ນມີພາບຫຼາຍປະເພດເປັນແຜ່ຫຼາຍຄື ພາບຫ່າງຈົ໊ງ, ພາບດົ່ງໂຮ່, ພາບບ້ານຊິ່ງ, ພາບກີມຮວ່າງ, ພາບຕື໊ບິ່ງ… ທ່ານ ປອ ຫງວຽນແອັງມິງ ຫົວໜ້າຫໍພິພິທະພັນວິຈິດຕະກຳ ຫວຽດນາມ ໃຫ້ຮູ້ວ່າ:
“ປັດຈຸບັນທາງຫໍພິພິທະພັນຍັງເກັບຮັກສາ ພາບຕື໊ບິ່ງ ປະມານ 100 ຊຸດ, ພາບຕື໊ບິ່ງ ແມ່ນພາບພື້ນເມືອງພິເສດ ແລະ ມີຄ່າຫາບາກຂອງ ຫວຽດນາມ. ນອກຈາກຄຸນຄ່າທາງດ້ານຄວາມປານີດແລ້ວ ພາບຕື໊ບິ່ງ ຍັງສະແດງໃຫ້ເຫັນທິດສະດີດ ຊີວິດຂອງມະນຸດຢ່າງເລິກເຊິ່ງ ມີລັກສະນະສຶກສາອົບຮົມ, ວັດທະນະທຳມະນຸດ ແລະ ຄວາມຮັກແພງ”.
ພາບຕື໊ບິ່ງ ແມ່ນເຕັມໄປດ້ວຍລັກສະນະປະດັບປະດາ, ພາບຕື໊ບິ່ງ ແຕ່ລະແຜ່ນ ເມື່ອກ່ອນນີ້ໄດ້ຮັບຖືກວ່າ ແມ່ນສິລະປະສັງລວມສົມບູນມີຄວາມກົມກຽວ ແລະ ເປັນໜ້າຈັບໃຈ. ບັນດາຊຸດພາບທີ່ດີເດັ່ນລວມມີພາບດ້ວຍຫຼົວຂໍ້ຕ່າງໆຄື ພາບສີ່ລະດູ, ພາບຕົ້ນໂສມພິເສດ, ພາບຝູງຊົນ, ພາບເທວະດາແປດອົງ, ພາບປະຫວັດສາດ ແລະ ພາບເລື່ອງ.
ໃນທຸກວັນນີ້, ປະເພນີຫຼິ້ນ ພາບຕື໊ບິ່ງ ຍັງຄົງໄດ້ຮັບການຮັກສາໄວ້ ຍິ່ງກວ່ານັ້ນຍັງຂະຫຍາຍຕົວດ້ວຍວັດຖຸແຕກຕ່າງກັນຄື ເຮັດດ້ວຍເຄື່ອງປັ້ນດິນເຜົາ, ໄມ້, ທອງ… ເຖິງວ່າວັດໃດກໍ່ມີຄຸນຄ່າທາງດ້ານເນື້ອໃນ ແລະ ຄວາມໝາຍວັດທະນະທຳມະນຸດ ແຕ່ ພາບຕື໊ບິ່ງ ຍັງຄົງສ່ອງແສງຄວາມໝາຍເໝືອນເດີມ ປະກອບສ່ວນເຮັດໃຫ້ຄຸນຄ່າວັດທະນະທຳພື້ນເມືອງຂອງ ຫວຽດນາມ ເພີ່ມຄວາມອຸດົມສົມບູນຫຼາຍຂຶ້ນ.
