(VOVWORLD) - ក្នុងប៉ុន្មានឆ្នាំមកនេះ ក្រៅពីទំនាក់ទំនង “កាន់តែស៊ីជម្រៅ” ក្នុងវិស័យវិនិយោគ ពាណិជ្ជកម្ម និងនយោបាយ ប្រទេសថៃនិងវៀតណាមតែងតែផ្តោតការយកចិត្តទុកដាក់លើការជំរុញការជួបប្រាស្រ័យរវាងប្រជាជនជាមួយប្រជាជនផងដែរ។ កាលពីខែមិថុនាកន្លងទៅ ស្ថានទូតថៃ សហគមន៍ជនជាតិថៃ និងសហគ្រាសថៃនៅវៀតណាមបាន ប្រគល់ទឹកប្រាក់បរិច្ចាគចំនួនជិត ៩៦ លានដុងពីសកម្មភាពកីឡាប៊ូលីងសប្បុរសធម៌ស្ម័គ្រចិត្តជូនសមាគមប៉ារ៉ាឡាំពិក វៀតណាម ដើម្បីទិញឧបករណ៍កីឡាសម្រាប់កីឡាករពិការ។ សកម្មភាពនេះមិនត្រឹមតែរួមចំណែកជំរុញជនពិការឲ្យមានការរួមវិភាគទានដោយសមភាព និងមោទនភាពក្នុងសង្គមប៉ុណ្ណោះទេ ថែមទាំងបង្ហាញពីទឹកចិត្តសប្បុរស ដែលជាគុណធម៌របស់ប្រជាជនថៃនិង វៀតណាមទៀតផង។

(VOVWORLD) - កម្មវិធីពិនិត្យសុខភាព ចែកថ្នាំ និងប្រគល់អំណោយដល់អាណិកជនវៀតណាមនិងប្រជាជនឡាវ ដែលមានស្ថានភាពលំបាកនៅទីក្រុងវៀងចន្ទន៍ គឺជាសកម្មភាពជាប្រចាំឆ្នាំ ប្រកបដោយអត្ថន័យ មនុស្សធម៌ ស្មារតីជួយទំនុកបម្រុងគ្នាទៅវិញទៅមក បង្ហាញពីការយកចិត្តទុកដាក់របស់បក្សភាគ អាជ្ញាធរ និងប្រជាជនទីក្រុងហូជីមិញ ចំពោះជនជាតិវៀតណាមដែលរស់នៅឆ្ងាយពីមាតុភូមិ។ នេះក៏ជាសកម្មភាពមួយក្នុងចំណោមសកម្មភាពជួយជ្រោមជ្រែង “ឆ្នាំសាមគ្គីភាព មិត្តភាពវៀតណាម - ឡាវ ឡាវ - វៀតណាម ឆ្នាំ ២០២២”; អបអរសាទរខួបលើកទី ៦០ នៃការបង្កើតទំនាក់ទំនងការទូត និងខួបលើកទី ៤៥ នៃទិវាចុះហត្ថលេខាលើសន្ធិសញ្ញាមិត្តភាពនិងសហប្រតិបត្តិការរវាងវៀតណាមនិងឡាវ រួមចំណែកពង្រឹងនិងពង្រីកស្មារតីសាមគ្គីភាព មិត្តភាពរវាងប្រជាជននៃប្រទេសទាំងពីរក្នុងដំណើរការអភិវឌ្ឍផងដែរ។

(VOVWORLD) - លោកអ្នកនាងជាទីមេត្រី! ក្រៅពីវិបត្តិអតិផរណា ស្ថានភាពបំពុល បរិស្ថាននិងការប្រែប្រួលអាកាសធាតុក៏ជាកង្វល់របស់ពិភពលោកទាំងមូលនិយាយរួមនិងបណ្តាប្រទេសអាស៊ាននិយាយដោយឡែក។ ជាពិសេសនៅប្រទេសឥណ្ឌូនេស៊ី កោះបាលីដ៏ស្រស់ស្អាតតែងតែមានចំនួនភ្ញៀវទេសចរកើនឡើង ប៉ុន្តែក្តីបារម្ភអំពីកាកសំណល់ និងការគ្រប់គ្រងប្រភពទឹកក៏កើនឡើងដោយឥតឈប់ឈរផងដែរ។ នៅចំពោះមុខបញ្ហាទាំងនេះ ប្រជាជនឥណ្ឌូនេស៊ីបានអនុវត្តន៍ចក្ខុវិស័យរបស់ខ្លួន តាមរយៈសាលារៀនបៃតងពិសេសមួយនៅកោះ បាលី។ នោះគឺជាសាលារៀនផ្លូវការដោយមានកម្មវិធីបណ្តុះបណ្តាលផ្តោតលើការបង្រៀនសិស្សពីរបៀបរស់នៅប្រកបដោយសុខដុមរមនាជាមួយធម្មជាតិ ហើយផ្តល់ចំណេះដឹងអំពីតម្លៃនៃធម្មជាតិ។

(VOVWORLD) - នារយៈពេលកន្លងមក ការទាញយកអនុគ្រោះពីកិច្ចព្រមព្រៀងពាណិជ្ជកម្មទ្វេភាគី និងកិច្ចព្រមព្រៀងពាណិជ្ជកម្មព្រំដែន វៀតណាម - ឡាវ បានរួមចំណែកជំរុញពាណិជ្ជ កម្មទំនិញនិងសេវាកម្ម ក៏ដូចជាការអភិវឌ្ឍទំនាក់ទំនងសេដ្ឋកិច្ចរវាងប្រទេសទាំងពីរ វៀត ណាម និងឡាវឲ្យកាន់តែមាននិរន្តរភាព យូរអង្វែង ហើយនាំមកនូវផល ប្រយោជន៍ជាក់ស្តែងជូនប្រជាជននៃប្រទេសទាំងពីរ។

(VOVWORLD) - វៀតណាម-កម្ពុជា ជាប្រទេសភូមិផងរបងជាប់ ជាមួយគ្នា។ ជាងកន្លះសតវត្សបានកន្លងផុតទៅហើយ ចាប់តាំងពីប្រទេសទាំងពីរ បង្កើតទំនាក់ទំនងការទូតជាផ្លូវការ (ថ្ងៃទី ២៤ ខែមិថុនា ឆ្នាំ ១៩៦៧) ប្រជាជនវៀត ណាម និងប្រជាជនកម្ពុជាជាច្រើនជំនាន់បានប្រកៀកស្មាជាមួយគ្នានៅក្នុងបុព្វហេតុ តស៊ូរំដោះជាតិ កសាងប្រទេសជាតិប្រកបដោយសន្តិភាព សម្បូរធូធារ រួមគ្នាឆ្ពោះទៅ រកអនាគតដ៏រុងរឿង។ មនោសញ្ចេតនាដ៏ជិតស្និទ្ធិរវាងប្រជាជននៃប្រទេសទាំងពីរ ដូចជាកំណាត់ស្ពានដែលលាតសន្ធឹងពីអតីតកាលរហូតដល់បច្ចុប្បន្ន រួមចំណែក ពូនជ្រុំចំណងសាមគ្គីភាពរវាងប្រជាជាតិទាំងពីរ។

(VOVWORLD) - ក្រោយពីសញ្ញាវិជ្ជមានអំពីជំងឺរាតត្បាតកូវីដ ១៩ នាពេលកន្លងមក ប្រទេសឡាវបានធ្វើការផ្លាស់ប្តូរគួរឲ្យកត់សម្គាល់ដើម្បីជំរុញតម្រូវការទេសចរណ៍អន្តរជាតិ ជួយសម្រួលដល់ភ្ញៀវទេសចរអន្តរជាតិ ធ្វើដំណើរកំសាន្តទៅកាន់ប្រទេសឡាវកាន់តែច្រើនថែមទៀត។ ដើម្បីសម្រេចបាននូវប្រសិទ្ធិភាពល្អបំផុត ទន្ទឹមនឹងការផ្លាស់ប្តូរគោលនយោបាយសម្រាប់ភ្ញៀវទេសចរ ឡាវបានជំរុញខ្លាំងការអភិវឌ្ឍន៍ទេសចរណ៍នៅតាមខេត្តដែលមានសក្តានុពលស្រាប់ដូចជា វៀងចន្ទន៍ Khammuon Xiengkhoang ក្នុងនោះលេចធ្លោជាងគេគឺខេត្ត Luangprabang។

(VOVWORLD) - E-Sport ឬកីឡាអេឡិចត្រូនិក គឺជាវិញ្ញាសារកីឡាមួយក្នុងចំណោមវិញ្ញាសារកីឡាចំនួន ៤ ដែលត្រូវបានបំពេញបន្ថែមនៅក្នុងព្រឹត្តិការណ៍កីឡាអាស៊ីអាគ្នេយ៍លើកទី៣១ (ស៊ីហ្គេម ៣១) ដែលទើបបានរៀបចំឡើងនៅប្រទេសវៀតណាម។ នេះជាព្រឹត្តិការណ៍ស៊ីហ្គេមលើកទី២ ក្នុងប្រវត្តិសាស្ត្រហើយ ដែល E-sport ត្រូវបានជ្រើសរើសជាវិញ្ញាសារកីឡាផ្លូវការ។ នេះមិនត្រឹមតែជាឱកាសមួយដើម្បីឲ្យមិត្តយុវវ័យចូលរួមប្រកួតដណ្ដើមមេដាយប៉ុណ្ណោះទេ ថែមទាំងជា ឱកាសដើម្បីឲ្យសង្គមមានការសម្លឹងពហុទិដ្ឋភាពចំពោះ E-sport ទៀត ផង។ លើសពីនេះទៅទៀត នេះក៏ជាឱកាសសម្រាប់ E-sport ដើម្បីបង្ហាញពីប្រៀបខ្លាំងរបស់ខ្លួនក្នុងការដើរតួជាស្ពានមិត្តភាពសម្រាប់យុវជនអាស៊ីអាគ្នេយ៍ក្នុងយុគសម័យឌីជីថលផងដែរ។

(VOVWORLD) - ដោយសេចក្តីស្រឡាញ់ចំពោះប្រទេសឡាវ ក៏ដូចជាការយល់ដឹងដ៏ជ្រាលជ្រៅអំពីចំណងសាមគ្គីភាពជិតស្និទ្ធរវាងប្រទេសទាំងពីរ វៀតណាម - ឡាវ ក្នុងរយៈពេលប៉ុន្មានឆ្នាំកន្លងមក សមាគមមិត្តភាពវៀតណាម - ឡាវខេត្តហាយយឿង បានខិតខំប្រឹងប្រែងដោយឥតឈប់ឈរ ធ្វើសកម្មភាពជាក់ស្តែង រួមចំណែកដល់ការពូនជ្រុំទំនាក់ទំនងពិសេសវៀតណាម-ឡាវ។ សកម្មភាពសហប្រតិបត្តិការរវាងខេត្ត ហាយយឿង និងទីក្រុងវៀងចន្ទន៍លើវិស័យ៖ កសិកម្ម ការអប់រំ ការសាងសង់ហេដ្ឋារចនាសម្ព័ន្ធ .... ហើយថ្មីៗនេះ គឺក្នុងការងារបង្ការទប់ស្កាត់ការរីករាលដាលនៃជំងឺកូវីដ ១៩ សុទ្ធតែមានការរួមចំណែកយ៉ាងសំខាន់របស់សមាគម។

(VOVWORLD) - កិច្ចប្រជុំកំពូលពិសេសអាស៊ាន-សហរដ្ឋអាមេរិកបានប្រព្រឹត្តទៅនៅទីក្រុងវ៉ាស៊ីនតោន (សហរដ្ឋអាមេរិក) ក្នុងរយៈពេលពីរថ្ងៃចាប់ពីថ្ងៃទី១២ដល់ទី១៣ ខែឧសភា ជាមួយនឹងសកម្មភាពជាច្រើន។ កិច្ចប្រជុំកំពូលពិសេសអាស៊ាន- អាមេរិកលើកនេះ បានធ្វើឡើងក្នុងបរិបទគម្រប់ខួបលើកទី ៤៥ឆ្នាំនៃកិច្ចសហប្រតិបត្តិការ (១៩៧៧- ២០២២) ដែលជាឱកាសដើម្បីឲ្យភាគីទាំងពីរកសាងទំនាក់ទំនងដ៏ល្អប្រសើរ ប្រកបដោយផលប្រយោជន៍ទៅវិញទៅមក បង្កើតសន្ទុះសម្រាប់ការកសាងចក្ខុវិស័យថ្មី ហើយជំរុញខ្លាំងថែមទៀតនូវសកម្មភាពសហប្រតិបត្តិការនាពេលខាងមុខ។

(VOVWORLD) - ក្នុងប៉ុន្មានថ្ងៃនេះ បរិយាកាសនៃព្រឹត្តិការណ៍កីឡាអាស៊ីអាគ្នេយ៍ (ស៊ីហ្គេម) លើកទី៣១ កំពុងរីកសាយភាយនៅតាមខេត្តភាគខាងជើងនៃប្រទេសវៀតណាម។ ទន្ទឹមនឹងការប្រកួតកីឡា ព្រឹត្តិការណ៍ជួបប្រាស្រ័យវប្បធម៌ដ៏វិសេសវិសាលជាច្រើនក៏ត្រូវបានប្រារព្ធឡើង ក្នុងនោះមានមហោស្រពយុវជនអាស៊ីអាគ្នេយ៍ដែលទើបតែបានប្រព្រឹត្តទៅនៅរដ្ឋធានីហាណូយផងដែរ។ ព្រឹត្តិការណ៍នេះ មិនត្រឹមតែដើម្បីគាំទ្រចំពោះមហោស្រពកីឡាក្នុងតំបន់ប៉ុណ្ណោះទេ ថែមទាំងជាឱកាសសម្រាប់យុវជន និងនិស្សិតមកពីប្រទេសនានា ជួបប្រាស្រ័យទាក់ទងគ្នា និងរួបរួមគ្នា "ដើម្បីអាស៊ីអាគ្នេយ៍មួយកាន់តែខ្លាំងក្លា" ទៀតផង។