(VOVWORLD) - នៅតាមបណ្តោយតំបន់ដីភាគកណ្តាលពោរពេញទៅដោយពន្លឺថ្ងៃ និងខ្យល់បក់ខ្លាំង មានសហគមន៍ជនមួយ ដែលបានរួមចំណែកដល់ភាពចម្រុះនៃវប្បធម៌វៀតណាម នោះគឺជាក្រុមជនជាតិចាម។ កន្លែងដែលប្រាសាទ ចាមបុរាណឈរជង្រ្គឹងនៅចំពេលមានសំឡេងស្គរ Paranung និងត្រែ Saranai ពិធីបុណ្យប្រពៃណីជន ជាតិចាមដូចជា ពិធីបុណ្យ Duong Gian Sat និងពិធីបុណ្យកឋិនទាន មិនត្រឹមតែបង្ហាញពិធីបុណ្យសាសនាប៉ុណ្ណោះទេ ថែមទាំងជាកន្លែងដែលប្រមូលផ្តុំលក្ខណៈប្រណិតផូរផងនៃវប្បធម៌ កន្លែងដែលមនុស្សតភ្ជាប់គ្នាជាមួយព្រះអាទិទេព ឋាន សួគ៌ ផែនដី និងជាមួយគ្នាទៀតផង។

(VOVWORLD) - សម្រាប់ប្រជាជនខ្មែរនៅតំបន់ដីសណ្តទន្លេគឺវ ឡុង ទូក ង៉ គឺជានិមិត្តរូបបង្កបដោយតម្លៃវប្បធម៌ពិសេស ក្នុងនោះមានកត្តាសាសនានិងវិញ្ញាណទៀតផង។ ហេតុនេះ ទូក ង៉ តែងតែត្រូវបានតុបតែងលម្អដោយលំនាំចម្រុះពណ៌គួរឱ្យចាប់អារម្មណ៍។ ទូកនីមួយៗ មានភ្នែកមួយគូមានលក្ខណៈសិល្បៈ និងមានសត្វសក្តិសិទ្ធិមួយនៅលើក្បាលទូក។

(VOVWORLD) - ជនជាតិ K'Ho នៅខេត្ត Lam Dong បានផ្សារភ្ជាប់ជាមួយដើមពោតជាយូរណាស់មកហើយ។ ពីគ្រាប់ពោត គេបានបង្កើតមុខម្ហូបពិសេសជាច្រើនមុខដូចជា៖ បាយពោត បបរពោតជូរ បបរពោតក្តៅ ស៊ុបពោតផ្អែម និងនំពោត... ជាពិសេសនំ "ពោតចំហុយ"។

(VOVWORLD) - ពីថ្មគ្មានវិញ្ញាណ ប្រជាជនឃុំ Tuy An Dong ខេត្ត Dak Lak មុននេះស្រុក Tuy An ខេត្ត Phu Yen) បានបង្កើតឧបករណ៍ភ្លេងពិសេសមួយហៅថា “រនាថ ថ្ម”។ ឧបករណ៍ភ្លេងថ្មីនៅ Tuy An មិនត្រឹមតែបញ្ចេញសំឡេងបុរាណដ៏ល្បីល្បាញនៃរនាថថ្មប៉ុណ្ណោះទេ ប៉ុន្តែថែមទាំងក្លាយជាចំណុចលេចធ្លោដ៏ទាក់ទាញសម្រាប់ភ្ញៀវទេសចរក្នុងការធ្វើដំណើរស្វែងយល់អំពីកបេតិកភណ្ឌនៅតំបន់ភាគខាងកើតបំផុតនៃមាតុភូមិ។

(VOVWORLD) - ជនជាតិភាគតិចនៅខេត្ត Thai Nguyen មានពិធីពិសេសៗជាច្រើន ក្នុងនោះមានពិធីបួងសួងសូមឲ្យរដួវអំណោយផលរបស់ជនជាតិ Tay និង Nung ផងដែរ។ ពិធីនេះមានគោល បំណងថ្លែងអំណរគុណជូនដល់ពពួកទេវតាដែលបានប្រទានពរ និងបួងសួងឱ្យអាកាសធាតុអំណោយផល និងផលដំណាំសម្បូរហូរហារ។

(VOVWORLD) - មកដល់តំបន់ខ្ពង់រាបថ្ម Dong Van (ខេត្ត Ha Giang សព្វថ្ងៃជាខេត្ត Tuyen Quang) ភ្ញៀវទេសចរណ៍អាចរីករាយទទួលទានមុខម្ហូបជាច្រើនមុខដែលធ្លាប់ស្គាល់ របស់ជនជាតិម៉ុង នៅតាមប្រជុំផ្សារនៃតំបន់ព្រៃភ្នំដូចជា៖ សត្វ mèn mén, ស៊ុប thắng cố, នុំ Day... ក្នុងនោះមានមុខម្ហូប “Tau Chua” ផងដែរ។ ត្រូវបានធ្វើឡើងពីគ្រាប់សណ្តែកសៀង និងបន្លែ Tau Chua ដែលត្រូវបានគេស្គាល់ថាជា សណ្តែកជូរ គឺជាមុខម្ហូបប្រចំាតំបន់របស់ជនជាតិម៉ុង តាំងពីយូរយារណាស់មកហើយ។

(VOVWORLD) - ចាប៉ី គឺជាឧបករណ៍ភ្លេងប្រពៃណីដ៏ពិសេសមួយរបស់ជនជាតិ Raglai ក្នុងខេត្ត Ninh Thuan (រួមបញ្ចូលគ្នាជាមួយខេត្ត Khanh Hoa)។ ឧបករណ៍នេះគឺជាផ្នែកមួយដែលមិនអាចខ្វះបានក្នុងជីវភាពប្រចាំថ្ងៃ របស់ប្រជា ជន Raglai ជាច្រើនជំនាន់ ដែលមានវត្តមាននៅក្នុងពិធីសាសនា និងសកម្មភាពសហគមន៍របស់ប្រជាជន Raglai។ សព្វថ្ងៃនេះ ចាប៉ីនៅតែត្រូវបានសិប្បករជនជាតិ Raglai រក្សាទុកដោយក្តីសង្ឃឹម ថា កូនចៅជំនាន់ក្រោយនឹងបន្តរក្សា ដើម្បីអោយសំឡេងចាប៉ីនៅតែលាន់លឺរន្ទឺយ៉ាងពិរោះរណ្តំ ជារៀងរហូត។

(VOVWORLD) - ក្រុមជនជាតិភាគតិច Pa Di គឺជាក្រុមតូចមួយនៃជនជាតិ Tay។ ថ្វីត្បិតតែចំនួនប្រជាជនមិនច្រើនក៏ដោយ ក៏ជនជាតិ Pa Di ល្បីល្បាញដោយសារលក្ខណៈវប្បធម៌ពិសេសដោយឡែក និងមានសកម្មភាពវប្បធម៌ប្រពៃណី ដូចជា ចម្រៀងប្រជាប្រិយ និងពិធីបុណ្យទានវិសេសវិសាលជាដើម។ ជាពិសេស អមជាមួយទំនុកច្រៀង និងសំនៀងច្រៀងគឺសំឡេងឧបករណ៍ចាប៉ីរាងមូល។

(VOVWORLD) - ជនជាតិ Cho Ro (ហៅម្យ៉ាងទៀតថា Chau Ro, Gio Ro) បច្ចុប្បន្នមានប្រជាជនប្រហែល ៣ម៉ឺននាក់ ដែលភាគច្រើនរស់នៅខេត្ត Dong Nai, Binh Duong, Binh Phuoc និង Ba Ria - Vung Tau។ បងប្អូនជនរួមជាតិនៅទីនេះនៅតែរក្សាបាននូវវប្បធម៌ប្រពៃណីដ៏សម្បូរបែប ដែលក្នុងនោះមានឧបករណ៍តន្ត្រីឬស្សី Goong Cla គឺជាឧបករណ៍ភ្លេងដ៏ពិសេសបង្កប់ដោយការច្នៃប្រឌិតរបស់ជនជាតិ Cho Ro។

(VOVWORLD) - ហា យ៉ាង (Ha Giang) ជាទីចុងបំផុតនៃមាតុភូមិ ដែលមានភូមិនានានៅជ្រលងភ្នំពពករសាត់ ហើយនៅទីនោះមានពិធីមួយដែលត្រូវបានផ្សារភ្ជាប់យ៉ាងជិតស្និទ្ធ ជាមួយនឹងជីវិតខាងវិញ្ញាណ និងជាអត្តសញ្ញាណរបស់ជនជាតិយ៉ាវ (Dao) នោះគឺពិធីផ្តល់ស័ក្តិពេញវ័យ។ មិនត្រឹមតែជាពិធីប្រពៃណីប៉ុណ្ណោះទេ ពិធីផ្តល់ស័ក្តិពេញវ័យ ក៏ជាសក្តីភាពបញ្ជាក់អំពីភាពរស់រវើកនៃវប្បធម៌ដ៏ខ្លាំងក្លារបស់ក្រុមជនជាតិយ៉ាវក្នុងខេត្តហា យ៉ាង។ សព្វថ្ងៃនេះ នៅក្នុងលំហូរនៃសមាហរណកម្ម ពិធីនេះកំពុងត្រូវបានណែនាំយ៉ាងទូលំទូលាយ ដល់ភ្ញៀវទេសចរទាំងជាតិនិងអន្តរជាតិ ជានិមិត្តសញ្ញាវប្បធម៌ដ៏វិសេសវិសាលនៃតំបន់ដីមានផ្កាថ្ម រីកដុះដាល។