(VOVWORLD) - នៅក្នុងក្របខ័ណ្ឌនៃសប្តាហ៍ច្បាប់អន្តរជាតិ នៃមហាសន្និបាតអង្គការសហប្រជាជាតិ នីតិកាលទី ៨០ នៅរសៀលថ្ងៃទី ៣១ ខែតុលា វៀតណាមនិងសិង្ហបុរីបានសហការរៀបចំសិក្ខាសាលាអន្តរជាតិ “ជំហានត្រៀមចាំបាច់សម្រាប់ការអនុវត្តកិច្ចព្រមព្រៀងស្តីពីការអភិរក្ស និងការប្រើប្រាស់ជីវចម្រុះសមុទ្រប្រកបដោយចីរភាពនៅក្នុងតំបន់សមុទ្រនៅខាងក្រៅវិសាលភាពយុត្តាធិការជាតិ (BBNJ)៖ បញ្ហាប្រឈមនិងឱកាស”។ ព្រឹត្តិការណ៍នេះមានការចូលរួមពីអ្នកជំនាញ និងអ្នកប្រាជ្ញឈានមុខគេលើពិភពលោក អំពីច្បាប់សមុទ្រនិងតំណាងប្រទេសជិត ១០០ នៅគ្រប់ទ្វីបទាំងអស់។

(VOVWORLD) - នាព្រឹកមិញថ្ងៃទី ២ ខែវិច្ឆិកា អគ្គលេខាបក្ស លោក តូ ឡឹម និងក្រុមការងារមជ្ឈិម បានអញ្ជើញចុះសួរសុខទុក្ខនិងជូនអំណោយដល់ប្រជាជននៅក្នុងទីក្រុង Hue ដែល រងផលប៉ះពាល់យ៉ាងធ្ងន់ធ្ងរ ដោយទឹកជំនន់ប្រវត្តិសាស្ត្រ នាពេលថ្មីៗនេះ។

(VOVWORLD) - នៅយប់ថ្ងៃទី ១ ខែវិច្ឆិកា លោកប្រធានរដ្ឋ លឿង គឿង និងគណៈប្រតិភូជាន់ខ្ពស់វៀតណាម បានវិលត្រឡប់មកទីក្រុងហាណូយវិញ បញ្ចប់ដោយជោគជ័យដំណើរទស្សនកិច្ចចូលរួមសប្តាហ៍កំពូល សហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) លើកទី ៣២ និងបំពេញការងារទ្វេភាគី នៅកូរ៉េខាងត្បូង តាមការអញ្ជើញរបស់លោកប្រធានាធិបតី លី ជេម្យុង ចាប់ពីថ្ងៃទី ២៩ ខែតុលា ដល់ថ្ងៃទី ១ ខែវិច្ឆិកា។

(VOVWORLD) - ក្នុងក្របខ័ណ្ឌនៃដំណើរទស្សនកិច្ចនិងបំពេញការងារ នៅចអង់គ្លេស ពីថ្ងៃទី ២៩ ខែតុលា ដល់ថ្ងៃទី ១ ខែវិច្ឆិកា ឧបនាយករដ្ឋមន្ត្រី លោកង្វៀន ជី យុង បានចូលរួមវេទិកា "លើកកម្ពស់នវានុវត្តន៍ អភិវឌ្ឍន៍វិស័យបច្ចេក វិទ្យាយុទ្ធសាស្ត្រនៅវៀតណាម៖ បទពិសោធន៍ពីអង់គ្លេស" ដោយមានការចូលរួមពីអ្នកជំនាញ អ្នកវិទ្យាសាស្ត្រ សហគ្រិន និងវិស្វករវៀតណាមប្រមាណ ១០០ នាក់ ដែលកំពុងបំពាញការងារនៅសាកលវិទ្យាល័យ វិទ្យាស្ថានស្រាវជ្រាវ និងសាជីវកម្មបច្ចេកវិទ្យាឈានមុខគេនៅចក្រភពអង់គ្លេស និងអៀរឡង់ខាងជើង។

(VOVWORLD) - នាថ្ងៃទី ១ ខែវិច្ឆិកា នាយករដ្ឋមន្ត្រី លោក ផាម មិញ ជីញ បានអញ្ជើញជាអធិបតីក្នុងកិច្ចប្រជុំលើកទីពីរ នៃគណៈកម្មាធិ ការដឹកនាំជាតិ ដើម្បីអនុវត្តសេចក្តីសម្រេច លេខ ៦៨ របស់ការិយាល័យនយោបាយ ស្តីពីការអភិវឌ្ឍសេដ្ឋកិច្ចឯកជន។

(VOVWORLD) - នៅល្ងាចថ្ងៃទី ១ ខែវិច្ឆិកា លោកប្រធានរដ្ឋ លឿង គឿង និងគណៈប្រតិភូជាន់ខ្ពស់វៀតណាម បានចាកចេញពីទីក្រុង ប៊ូសាន បញ្ចប់ដោយជោគជ័យដំណើរទស្សនកិច្ចការងារ ចូលរួមសប្តាហ៍កិច្ចប្រជុំកំពូលសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) លើកទី ៣២ នៅទីក្រុងគ្យុងជូ និងបំពេញការងារទ្វេភាគីនៅប្រទេសកូរ៉េខាងត្បូង តាមការអញ្ជើញរបស់ប្រធានាធិបតីកូរ៉េខាងត្បូង លោក លី ជេម្យុង ចាប់ពីថ្ងៃទី ២៩ ខែតុលា ដល់ថ្ងៃទី ១ ខែវិច្ឆិកា។

(VOVWORLD) - នៅព្រឹកថ្ងៃទី១ ខែវិច្ឆិកា នៅទីក្រុង Gyeongju កូរ៉េខាងត្បូង បានប្រព្រឹត្តទៅសម័យប្រជុំទី២ នៃសន្និសីទថ្នាក់ដឹកនាំវេទិកាសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) លើកទី៣២ ដោយមានការចូលរួមពីថ្នាក់ដឹកនាំ និងប្រធានគណៈប្រតិភូមកពីសេដ្ឋកិច្ចសមាជិក APEC ចំនួន ២១។

(VOVWORLD) - រដ្ឋាភិបាលប្រេស៊ីលបានប្រកាសថា កិច្ចប្រជុំកំពូលអាកាសធាតុនឹងប្រព្រឹត្តទៅនៅថ្ងៃទី ៦ និង ៧ ខែវិច្ឆិកា នៅទីក្រុង Belém do Pará ភាគខាងជើងនៃប្រទេស នេះ ដោយមានការចូលរួមពីប្រទេសចំនួន ១៤៣ រួមទាំងគណៈប្រតិភូចំនួន ៥៧ ដែលដឹកនាំដោយប្រធានាធិបតី ឬនាយករដ្ឋមន្ត្រី។

(VOVWORLD) - ក្នុងឱកាសទិវាទីក្រុងពិភពលោក ថ្ងៃទី៣១ ខែតុលា អង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ (យូណេស្កូ) បានប្រកាសបញ្ជីឈ្មោះទីក្រុងចំនួន ៥៨ ដែលត្រូវបានជ្រើសរើសឱ្យចូលរួមក្នុងបណ្តាញទីក្រុងច្នៃប្រឌិតរបស់អង្គការយូណេស្កូនៅឆ្នាំនេះ។ ទីក្រុងហូជីមិញមានកិត្តិយសដែលបានក្លាយជាសមាជិកថ្មីក្នុងវិស័យភាពយន្ត ហើយក៏ជាទីក្រុងដំបូងគេនៅក្នុងប្រទេសវៀតណាម និងអាស៊ីអាគ្នេយ៍ដែលទទួលបានកិត្តនាមជាទីក្រុងច្នៃប្រឌិតអំពីភាពយន្ត។

(VOVWORLD) - នៅព្រឹកថ្ងៃទី ១ ខែវិច្ឆិកា នៅផ្លូវដើរថ្មើរជើងបឹង Hoan Kiem (នៃទីក្រុងហាណូយ) គណៈកម្មការឃោសនានិងចលនាមហាជនមជ្ឈិម បានដឹកនាំនិងសម្របសម្រួលជាមួយក្រសួងកសិកម្មនិងបរិស្ថាន គណៈកម្មាធិការប្រជាជនហាណូយ កម្មវិធីអភិវឌ្ឍន៍អង្គការសហប្រជាជាតិ (UNDP) និងអង្គការសុខភាពពិភពលោក (WHO) ដើម្បីរៀបចំព្រឹត្តិការណ៍ “ខ្យល់ស្អាតសម្រាប់ផ្ទៃមេឃពណ៌ខៀវ”។