(VOVWORLD) - លោកនាយករដ្ឋមន្រ្តី Pham Minh Chinh ទើបបានបញ្ចប់ដំណើរទស្សនកិច្ចចូលរួមកិច្ចប្រជុំថ្នាក់ដឹកនាំអាស៊ាន (ចាប់ពីថ្ងៃទី ២៣ ដល់ថ្ងៃទី ២៤ ខែមេសា) ប្រកបដោយជោគជ័យ តាមការអញ្ជើញរបស់ប្រធានអាស៊ានឆ្នាំ ២០២១ ព្រះមហាក្សត្រប្រ៊ុយណេដារូសាឡឹម ព្រះនាម Haji Hassanal Bolkiah។

(VOVWORLD) - បន្តលទ្ធផលដែលសម្រេចបានក្នុងឆ្នាំប្រធានអាស៊ាន ២០២០ ក្នុងឆ្នាំ២០២១ វៀតណាមកំពុងរួមជាមួយប្រទេសសមាជិកអាស៊ាននានា ជំរុញការយកចិត្តទុកដាក់ និងអាទិភាពក្នុងតំបន់ ចូលរួមចំណែកដោយម្ចាស់ការនិងសកម្មទៅក្នុងបញ្ហារួមក្នុង តំបន់និងលើពិភពលោក។

(VOVWORLD) - ប្រជាជនវៀតណាមទើបបានប្រារព្ធពិធីបុណ្យសែនខួប របស់ស្តេច Hung នៅថ្ងៃទី ២១ ខែមេសាឆ្នាំ ២០២១ (ពោលគឺថ្ងៃទី ១០ ខែទី ៣ តាមច័ន្ទគតិ)។ ក្នុងបេតិកភ័ណ្ឌវប្បធម៌របស់ប្រជាជនវៀតណាម វិហារ Hung និងបុណ្យសែនខួបស្តេច Hung គឺជានិមិត្តរូបនៃស្មារតីស្នេហាជាតិនិងកម្លាំងមហាសាមគ្គីភាពជនជាតិទាំងមូល។ បុណ្យសែនខួបរបស់ស្តេច Hung ជារៀងរាល់ឆ្នាំគឺជាពិធីបុណ្យដ៏ឧឡារិក ដែលពោរពេញទៅដោយអត្តសញ្ញាណវប្បធម៌ដ៏ជ្រាលជ្រៅនិងវិសេសវិសាលរបស់ប្រជាជនវៀតណាម ដោយបង្ហាញពីគុណធម៌ “ផឹកទឹកនឹកដល់ប្រភពដើម” រំលឹកដល់គុណបំណាច់របស់ស្តេច Hung ដែលបានកសាងនិងរក្សាប្រទេសជាតិ។

(VOVWORLD) - ពាណិជ្ជកម្មអេឡិចត្រូនិកកំពុងរីកចម្រើននៅក្នុងប្រទេស វៀតណាម។ រួមជាមួយការអភិវឌ្ឍសេដ្ឋកិច្ចឌីជីថល ការធ្វើពាណិជ្ជកម្មទំនិញនិងសេវាកម្ម តាមរយៈពាណិជ្ជកម្មអេឡិចត្រូនិកកាន់តែមានប្រជាប្រិយភាពនិងក្លាយជាកត្តាដែលជួយឱ្យអង្គភាពអាជីវកម្មទទួលបានជោគជ័យ។ ប្រទេសវៀត ណាមបានកំណត់ថា ដល់ពេលដែលត្រូវមានកម្មវិធីជាក់លាក់អំពីការផ្លាស់ប្តូរ ឌីជីថល ដើម្បីបង្កើនសមត្ថភាពសម្រាប់អង្គភាពអាជីវកម្មនិយាយដោយឡែកនិងអនុវត្តគោលដៅផ្លាស់ប្តូរឌីជីថលរបស់វៀតណាមនិយាយរួម។

(VOVWORLD) - នាថ្ងៃទី ១៩ មេសា ក្នុងនាមជាប្រធានក្រុមប្រឹក្សាសន្តិសុខអង្គការសហប្រជាជាតិ ប្រចាំខែមេសាឆ្នាំ ២០២១ នោះ ប្រធានរដ្ឋវៀតណាម លោក Nguyen Xuan Phuc បានអញ្ជើញដឹកនាំសម័យពិភាក្សាបើកចំហរជាន់ខ្ពស់នៃក្រុមប្រឹក្សាសន្តិសុខស្ដីពីប្រធានបទ “ ការបង្កើនកិច្ចសហប្រតិបត្តិការរវាងអង្គការសហប្រជាជាតិ ជាមួយបណ្ដាអង្គការក្នុងតំបន់ សំដៅជំរុញការកសាងទំនុកទុកចិត្ត និងកិច្ចសន្ទនាក្នុងការទប់ស្កាត់ និងដោះស្រាយជម្លោះ”។

(VOVWORLD) - ក្នុងនាមជាប្រធានក្រុមប្រឹក្សាសន្តិសុខអង្គការសហប្រជាជាតិ (អ.ស.ប) នាថ្ងៃ ទី១៩ មេសា វៀតណាមបានរៀបចំកិច្ចប្រជុំពិភាក្សាជាន់ខ្ពស់តាមប្រព័ន្ធវីដេអូ ក្រោម មូលបទ “តួនាទីរបស់អង្គការតំបន់ក្នុងការជំរុញការកសាងជំនឿទុកចិត្តនិងកិច្ចសន្ទនា ក្នុងការទប់ស្កាត់ជម្លោះ” ក្រោមអធិបតីភាពរបស់លោកប្រធានរដ្ឋ Nguyen Xuan Phuc។ ព្រឹត្តិការណ៍នេះបានបញ្ជាក់សារជាថ្មីម្ដងទៀតនូវតួនាទីរបស់ វៀតណាមក្នុង ការចូលរួមចំណែកយ៉ាងសកម្មនិងចែករំលែកទំនួលខុសត្រូវជាមួយអង្គការសហប្រជាជាតិ ក្នុងការដោះស្រាយជម្លោះ ដើម្បីស្ថិរភាពនិងវិបុលភាពរបស់ពិភពលោក។

(VOVWORLD) - ប្រធានាធិបតីអាមេរិកលោក Joe Biden នៅថ្ងៃទី ១៤ ខែមេសាបានប្រកាសជាផ្លូវការនូវផែនការដកកងទ័ពចេញពីអាហ្វហ្គានីស្ថានមុនថ្ងៃទី ១១ ខែកញ្ញាឆ្នាំ ២០២១។ បន្ទាប់ពីសហរដ្ឋអាមេរិក ណាតូនិងសម្ព័ន្ធមិត្តក៏បានប្រកាសផែនការបញ្ចប់បេសកកម្មគាំទ្រ ដល់សន្តិសុខអន្តរជាតិនៅក្នុងប្រទេសអាស៊ីខាងត្បូងមួយនេះក្នុងពេលឆាប់ៗ។ តើការសម្រេចចិត្តនេះ អាចនាំមកនូវសន្តិភាពពិតប្រាកដដល់អាហ្វហ្គានីស្ថានដែរឬទេ នេះគឺជាការមន្ទិលសង្ស័យរបស់សាធារណមតិ។

(VOVWORLD) - របាយការណ៍ស្តីពីសន្ទស្សន៍ប្រសិទ្ធភាពនៃអភិ បាលកិច្ចនិងរដ្ឋបាលសាធារណៈ ថ្នាក់ខេត្ត (PAPI) សម្រាប់ឆ្នាំ ២០២០ ទើបបានចេញផ្សាយនៅថ្ងៃទី ១៤ ខែមេសាបង្ហាញពីប្រសិទ្ធភាពអភិបាលកិច្ចនិងរដ្ឋបាលសាធារណៈក្នុងអាណត្តិ ២០១៦- ២០២១ របស់រដ្ឋាភិបាល ដែលត្រូវបានកែលម្អជាបន្តបន្ទាប់។ ជាពិសេស សន្ទស្សន៍ត្រួតពិនិត្យអំពើពុករលួយក្នុងវិស័យសាធារណៈរបស់វៀត ណាម មានការកែលម្អគួរឱ្យកត់សម្គាល់បំផុត។

(VOVWORLD) - ការបោះឆ្នោតជ្រើសតាំងសមាជិកសភានីតិកាលទី១៥ និងតំណាងក្រុមប្រឹក្សាប្រជាជនគ្រប់ជាន់ថ្នាក់ អាណត្តិ២០២១-២០២៦ ដែលនឹងប្រព្រឹត្តទៅនាថ្ងៃទី២៣ ឧសភា ខាងមុខ គឺជាព្រឹត្តិការណ៍នយោបាយដ៏សែនសំខាន់របស់វៀតណាម។ នាបច្ចុប្បន្ន ការងារឃោសនាអំពីការបោះឆ្នោត កំពុងត្រូវបានជំរុញយ៉ាងខ្លាំងក្លាក្រោមគ្រប់រូបភាព នៅតាមមូលដ្ឋានទាំងអស់។ នេះជាមូលដ្ឋានដ៏សំខាន់ដើម្បីជួយម្ចាស់ឆ្នោតក្នុងទូទាំង ប្រទេសយល់ដឹងយ៉ាងត្រឹមត្រូវនិងច្បាស់លាស់អំពីស្មារតីធ្វើម្ចាស់ និងទំនួលខុសត្រូវ របស់ខ្លួន នៅពេលចូលរួមការបោះឆ្នោត ព្រមទាំងធានាឲ្យប្រជាជនគ្រប់រូបចាប់ពីតំបន់ វាលទំនាបរហូតដល់តំបន់ព្រៃភ្នំ តំបន់កោះសមុទ្រ សុទ្ធតែទទួលបានព័ត៌មានស្ដីពីការបោះ ឆ្នោត។ អាស្រ័យហេតុនោះ ប្រជាជនអាចបោះឆ្នោតជ្រើសរើសតំណាងដ៏ឆ្នើមបំផុត ដែលសក្តិសមចូលរួមរដ្ឋសភានិងក្រុមប្រឹក្សាប្រជាជនគ្រប់ជាន់ថ្នាក់។

(VOVWORLD) - ក្នុងសប្ដាហ៍កន្លងទៅ ចាប់ពីថ្ងៃទី៦ដល់ថ្ងៃទី៩ មេសា នៅរដ្ឋធានីវីយែន ប្រទេស អូទ្រីស គណៈកម្មការចម្រុះស្ដីអំពីផែនការសកម្មភាពរួម (JCPOA) បានចាប់ផ្ដើមកិច្ច ចរចាឡើងវិញ សំដៅសង្គ្រោះកិច្ចព្រមព្រៀងនុយក្លេអ៊ែរជាប្រវត្តិសាស្ត្រដែលបាន ចុះហត្ថលេខាកាលពីឆ្នាំ២០១៥រវាងអ៊ីរ៉ង់ជាមួយបណ្ដាប្រទេសមហាអំណាច។ ទោះជា យ៉ាងណាក៏ដោយ ការស្ដារកិច្ចព្រមព្រៀងឡើងវិញ មិនអាចសម្រេចបានក្នុងរយៈ ដ៏ខ្លីឡើយ ដោយសារវាទាមទារត្រូវមានសុឆន្ទៈនិងការធ្វើសម្បទានជាច្រើនទៀតពី ភាគីនានា។