(VOVWORLD) -នាប៉ុន្មានថ្ងៃនេះ នៅប្រទេសឡាវ និងវៀតណាមបានប្រព្រឹត្តទៅសកម្មភាពរំលឹកខួបលើកទី ៤៣ ទិវាបុណ្យឯករាជ្យជាតិនៃ សាធារណរដ្ឋប្រជាធិបតេយ្យប្រជាមានិតឡាវ (ថ្ងៃទី ២ ខែធ្នូ)។ នាថ្ងៃនេះ កាលពី ៤៣ ឆ្នាំមុន បានបើកចេញសករាជថ្មីក្នុងការកសាងប្រទេសឡាវប្រកបដោយសុខសន្តិភាព ឯករាជ្យភាព ប្រជាធិបតេយ្យ ឯកភាព និងវិបុលភាពដូចនាបច្ចុប្បន្ននេះ។ ដោយឈរលើសមិទ្ធិផលអភិវឌ្ឍន៍នៃប្រទេសទាំងពីរនេះ វៀតណាម និងឡាវបានរួមគ្នាពូនជ្រំទំនាក់ទំនងពិសេសដោយឥតឈប់ឈរ រួមគ្នាសហប្រតិបត្តិការយ៉ាងជិតស្និទ្ធ ដើម្បីសម្រេចបានសមិទ្ធិផលអភិវឌ្ឍន៍ដ៏ធំធេងថែមទៀត។

(VOVWORLD) - កិច្ចប្រជុំកំពូលក្រុមប្រទេសដែលមានខឿនសេដ្ឋកិច្ចអភិវឌ្ឍន៍ជួរមុខនិងទើបលេចចេញ (G20) នឹងប្រព្រឹត្តទៅចាប់ពីថ្ងៃទី៣០ ខែវិច្ឆិកាដល់ថ្ងៃទី១ ខែធ្នូ នៅ ទីក្រុង Buenos Aires ប្រទេសអាហ្សង់ទីន។ កិច្ចប្រជុំដែលគូសញ្ញារយៈពេល១០ ឆ្នាំនៃការចាប់បដិសន្ធិនៃវេទិកានេះ នឹងពិភាក្សាអំពីគោលនយោបាយក៏ដូចជា ដំណោះស្រាយចំពោះខឿនសេដ្ឋកិច្ចសកល។ ក្នុងកាលៈទេសៈដែលបរិយាកាស ទូទាំងពិភពលោកកំពុងជួបការសាកល្បងជាច្រើននាបច្ចុប្បន្ន វេទិកាសំខាន់ជួរ មុខចំពោះកិច្ចសហប្រតិបតិ្តការសេដ្ឋកិច្ចពិភពលោកនេះ ត្រូវបានគេរំពឹងទុកថា អាចត្រូវរងផលប៉ះពាល់ដោយជម្លោះផលប្រយោជន៍រវាងមហាអំណាចពិភពលោកនានា។

(VOVWORLD) - យុវជនកំពុងស្រូបយកភាគច្រើនក្នុងចំនួនប្រជាជនទូទាំងប្រទេស។ នេះជាកម្លាំងដែលជួយអោយវៀតណាមកំពុងស្ថិតនៅក្នុងដំណាក់កាល “ចំនួន ប្រជាជនមាស”។ ក្នុងសម័យកាលឧស្សាហូបនីយកម្មនិងទំនើបកម្ម កសាងនិង ការពារមាតុប្រទេសនាបច្ចុប្បន្ននេះ យុវជនកំពុងជាកម្លាំងស្នូលដែលឈានមុខ គេក្នុងចលនាអភិវឌ្ឍសេដ្ឋកិច្ចសង្គមនិងកសាងប្រទេសជាតិ។

(VOVWORLD) - សេចក្ដីសម្រេចចិត្តលេខ២៦របស់គណៈកម្មាធិការមជ្ឈឹមបក្សកុម្មុយនិស្តវៀតណាមនីតិកាលទី១០ ស្ដីពីការអភិវឌ្ឍវិស័យកសិកម្ម កសិករ និងជនបទ ត្រូវ បានវៀតណាមដំណើរការអនុវត្តន៍ចាប់តាំងពីឆ្នាំ២០០៨មក។ គោលដៅនៃ សេចក្ដីសម្រេចចិត្តនេះគឺសំដៅអភិវឌ្ឍន៍វិស័យកសិកម្មប្រកបដោយលក្ខណៈ ទំនើបនិងចីរភាព កសាងជនបទថ្មីដែលមានរចនាសម្ព័ន្ធសេដ្ឋកិច្ចសង្គមទំនើប និងវណ្ណៈកម្មករដែលមានឫទ្ធានុភាពនយោបាយដ៏គ្រប់គ្រាន់ដើម្បីគ្រប់គ្រង ជនបទថ្មី។ ក្រោយរយៈពេល១០ឆ្នាំនៃការអនុវត្តសេចក្ដីសម្រេចចិត្តនេះ វិស័យ កសិកម្មបានរួមចំណែកទៅក្នុងការរក្សាស្ថិរភាពម៉ាក្រូសេដ្ឋកិច្ច ការគ្រប់គ្រង អតិផរណា ការបង្កើតការងារបន្ថែម ការកាត់បន្ថយភាពក្រីនិងលើកកំពស់ឋានៈ របស់វៀតណាមលើឆាកអន្តរជាតិផងដែរ។

(VOVWORLD) - នៅក្នុងជំនួបប្រាស្រ័យជាមួយអ្នកបោះឆ្នោតនាចុងសប្ដាហ៍កន្លងទៅ អគ្គ លេខាបក្ស ប្រធានរដ្ឋវៀតណាមលោក Nguyen Phu Trong បានអះអាងថា នឹង មិនដែលរាថយក្នុងការតស៊ូបង្ការប្រឆាំងអំពើពុករលួយទេ។ មុននោះ រដ្ឋសភា វៀតណាមក៏បានអនុម័តលើកច្បាប់ស្ដីពីការបង្ការប្រឆាំងអំពើពុករលួយ។ សញ្ញា ទាំងពីរនេះគឺជាមូលដ្ឋានដើម្បីវៀតណាមបន្តអនុវត្តន៍ការតស៊ូបង្ការប្រឆាំងអំពើ ពុករលួយអោយបានខ្លាំងក្លានិងប្រកបដោយប្រសិទ្ធភាពថែមទៀតនាពេល ខាងមុខ។

(VOVWORLD) -ការធ្វើភាគហ៊ុនភាវូបនីយកម្មត្រូវបានចាត់ទុកជាដំណោះស្រាយដ៏សំខាន់មួយ ដើម្បីរៀបចំរចនាសម្ព័ន្ធសហគ្រាសរដ្ឋឡើងវិញ ដោយផ្ដោតលើសម្ព័ន្ធក្រុមហ៊ុនសេដ្ឋកិច្ច និងអគ្គក្រុមហ៊ុនរដ្ឋក្នុងដំណាក់កាលពីឆ្នាំ២០១៦ដល់ឆ្នាំ២០២០។ ប៉ុន្តែ ដំណើរការធ្វើភាគហ៊ុនភាវូបនីយកម្មនៅតែមិនទាន់ឆ្លើយតបក្នុងការរំពឹងទុកឡើយ ពោលគឺត្រូវការដំណោះស្រាយជាក់ស្ដែង និងទាន់ពេលវេលា ទើបអាចទទួលបានប្រសិទ្ធភាព។ នាថ្ងៃទី ២១ ខែវិច្ឆិកា កន្លងទៅ នាយករដ្ឋមន្ត្រី វៀតណាម លោក Nguyen Xuan Phuc បានអញ្ជើញធ្វើជាអធិបតីក្នុងសន្និសីទស្ដីពិការជំរុញសកម្មភាពធ្វើភាគហ៊ុនភាវូបនីយកម្មសហគ្រាសរដ្ឋនាដំណាក់កាលខាងមុខផងដែរ។

(VOVWORLD) - ក្នុងប៉ុន្មានថ្ងៃថ្មីៗនេះ ប្រទេសមួយចំនួនបានប្រកាសជាបន្តបន្ទាប់ថា នឹង បដិសេធសន្ធិសញ្ញាសកលស្ដីពីបញ្ហាអន្តោប្រវេសន៍របស់អង្គការសហប្រជាជាតិ ហើយក៏នឹងមិនចូលរួមសន្និសីទរបស់អង្គការសហប្រជាជាតិស្ដីពីការបោះឆ្នោត អនុម័តលើឯកសារនេះ នាពាក់កណ្ដាលខែធ្នូខាងមុខ នៅប្រទេសម៉ារ៉ុកឡើយ។ ការបដិសេធឯកសារដែលធ្លាប់បានគេគាំទ្រកាលពីខែកក្កដាឆ្នាំ២០១៨នេះ គឺប្រៀបដូចជាជ្រោះ ទឹកត្រជាក់មួយត្រឡោកលើកិច្ចខិតខំប្រឹងប្រែងក្នុងការដោះស្រាយបញ្ហាអន្តោប្រវេសន៍របស់អង្គការពហុភាគីធំបំផុតលើពិភពលោកនេះ។ ប្រការ នេះក៏បានសរអោយឃើញនូវភាពស្មុគស្មាញក៏ដូចជាការលំបាកក្នុងការដោះ ស្រាយបញ្ហាអន្តោប្រវេសន៍លើទូទាំងពិភពលោក ផងដែរ។

(VOVWORLD) -សម័យប្រជុំលើកទី ៦ រដ្ឋសភាវៀតណាមនីតិកាលទី ១៤បានបិទបញ្ចប់នាថ្ងៃទី ២០ ខែវិច្ឆិកា បន្ទាប់ពីរយៈពេលធ្វើការជិត ១ ខែយ៉ាងម៉ឹងម៉ាត់ ប្រជាធិបតេយ្យ និងមានការទទួលខុសត្រូវ។ នេះគឺជាសម័យប្រជុំពាក់កណ្ដាលអាណត្តិពីឆ្នាំ ២០១៦ ដល់ ឆ្នាំ២០២០ ព្រមទាំងជាឱកាសដើម្បីក្រឡេកមើលឡើងវិញនូវរយៈពេលកន្លងទៅ ក៏ដូចជាតម្រង់ទិសដៅសម្រាប់ភារកិច្ចសំខាន់ៗនៃពាក់កណ្តាលអាណត្តិដែលនៅសេសសល់។ ទន្ទឹមនឹងនេះ សម័យប្រជុំលើកនេះបានសម្រេចលើបញ្ហាសំខាន់ៗជាច្រើនរបស់ប្រទេសជាតិ និងកសាងប្រព័ន្ធនីតិប្បញ្ញត្តិ ក៏ដូចជាដោះស្រាយបានបញ្ហាជាច្រើន ដែលអ្នកបោះឆ្នោត និងប្រជាជនមានការយកចិត្តទុកដាក់ផងដែរ។

(VOVWORLD) - ប្រធានាធិបតីឥណ្ឌាលោក Ram Nath Kovind និងលោកជំទាវកំពុងអញ្ជើញ មកបំពេញទស្សនកិច្ចថ្នាក់រដ្ឋនៅវៀតណាម តាមការអញ្ជើញរបស់ប្រធានរដ្ឋ វៀតណាមលោក Nguyen Phu Trong។ ដំណើរទស្សនកិច្ចនេះនឹងបង្កើតកម្លាំង ចលករថ្មីសម្រាប់ទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយរវាងភាគី ទាំងពីរ សំដៅអភិវឌ្ឍន៍ទំនាក់ទំនងទ្វេភាគីអោយកាន់តែជាក់ស្ដែងនិងប្រកប ដោយប្រសិទ្ធភាពថែមទៀត។

(VOVWORLD) -នាយករដ្ឋមន្ត្រីរុស្ស៊ីលោក Dmitry Medvedev កំពុងបំពេញទស្សនកិច្ចជាផ្លូវការនៅវៀតណាម តាមការអញ្ជើញរបស់នាយករដ្ឋមន្ត្រីវៀតណាមលោក Nguyen Xuan Phuc ។ នាបច្ចុប្បន្ននេះ ទំនាក់ទំនងរវាងសហព័ន្ធរុស្ស៊ីនិងវៀតណាមកាន់តែមានភាពល្អប្រសើរពីមួយថ្ងៃទៅមួយថ្ងៃ។