(VOVWORLD) -វៀតណាមបានដំឡើង ២ ថ្នាក់ បើប្រៀបនឹងឆ្នាំ ២០១៧ ពោលគឺឈានឡើងចំណាត់ថ្នាក់ទី 45/126 នៃប្រទេស និងខឿនសេដ្ឋកិច្ចអំពីសន្ទស្សន៍ផ្លាស់ប្ដូរថ្មី ច្នៃប្រឌិតលកល (GII) ។ ចំណុចសំខាន់ជាងនេះទៅទៀត គឺវៀតណាមទទួលបានពិន្ទុខ្ពស់ក្នុងសសរទ្រូងស្នូលទាំង ៧ ដែលត្រូវបានយកមកធ្វើជាមូលដ្ឋានសម្រាប់ការវាយតម្លៃនិងរៀបចំណាត់ថ្នាក់។ នេះគឺជាលទ្ធផលគួរលើកទឹកចិត្តក្នុងក្រុមបណ្ដាប្រទេសដែលមានប្រាក់ចំណូលទាប ក៏ដូចជានៅក្នុងតំបន់អាស៊ាន ដោយសរឲ្យឃើញថាវៀតណាមកំពុងដើរតាមទិសដៅដ៏ត្រឹមត្រូវក្នុងការគ្រប់គ្រងដំណើរការធ្វើសមាហរណកម្មសេដ្ឋកិច្ច។

(VOVWORLD) - វេទិកាជាន់ខ្ពស់ស្ដីពីទស្សនៈវិស័យនិងយុទ្ធសាស្ត្រអភិវឌ្ឍលោតផ្លោះរបស់វៀតណាមក្នុងបរិបទនៃបដិវត្តន៍ឧស្សាហកម្ម៤.០ បានប្រព្រឹត្តទៅក្នុងកាលៈទេសៈដែល បដិវត្តន៍ឧស្សាហកម្មលើកទី៤នោះកំពុងរីកសាយភាយលើទូទាំងពិភពលោក ហើយជះឥទ្ធិពលដោយផ្ទាល់ទៅលើខឿនសេដ្ឋកិច្ចវៀតណាម។ ព្រឹត្តិការណ៍នេះ បម្រើឲ្យគម្រោងការណ៍ ទិសដៅធ្វើសកម្មភាពនិងយុទ្ធសាស្ត្រជាតិស្ដីពីឧស្សាហ កម្ម៤.០របស់វៀតណាម។

(VOVWORLD) - ក្រោយពីការបោះឆ្នោតសកលនាឆ្នាំ១៩៩៣ក្រោមការគាំពាររបស់អង្គការសហប្រជាជាតិ កម្ពុជាបានឈានចូលដំណាក់កាលថ្មីនោះគឺដំណាក់កាលស្ដារនិងអភិវឌ្ឍន៍ប្រទេសជាតិ។ បើទោះបីត្រឹមតែឈរលំដាប់ថ្នាក់ទី២ក្នុងការបោះឆ្នោតប៉ុណ្ណោះ ប៉ុន្តែគណៈបក្សប្រជាជនកម្ពុជា (CPP) ជាមួយគោលដៅរក្សាសុខសន្តិភាពនិងស្ថិរភាពសំរាប់ប្រទេសជាតិនោះ បានចរចាយ៉ាងខ្ជាប់ ខ្ជួនជាមួយគណៈបក្ស FUNCINPEC ដែលឈរលំដាប់ថ្នាក់ ទី១ក្នុងការបោះឆ្នោត ដើម្បីបង្កើតរដ្ឋាភិបាលចម្រុះ។

(VOVWORLD) - ប្រធានាធិបតីរុស្ស៊ីលោក Vladimir Putin និងសមភាគីអាមេរិកលោក Donald Trump គ្រោងនឹងជួបចរចាគ្នា នាថ្ងៃទី១៦ កក្កដា ខាងមុខនៅទីក្រុង Helsinki ប្រទេសហ្វាំងឡង់។ ក្រោយពីបម្រែបម្រួលដ៏តានតឹងជាច្រើន ទំនាក់ ទំនងរវាងប្រទេសទាំងពីរកំពុងធ្លាក់ចុះនៅកម្រិតទាបបំផុតតាំងពីសង្គ្រាមត្រជាក់មក ដែលមានពេលខ្វះៗហាក់ដូចជាប្រឈមមុខដាក់គ្នា។ តាមរយៈសន្និសីទ កំពូលនេះ តើថ្នាក់ដឹកនាំទាំងពីររូបអាចដោះស្រាយរាល់ការខ្វែងគំនិតជាន់លើគ្នា ដើម្បីកសាងទំនាក់ទំនងគួរឲ្យជឿទុកចិត្តថែមទៀតនាអនាគតបានដែរឬទេ? នោះគឺ ប្រការដែលកំពុងទាក់ទាញការយកចិត្តទុកដាក់ជាពិសេសរបស់សាធារណៈមតិ។

(VOVWORLD) - ក្រោមការដឹកនាំរបស់គណៈបក្សប្រជាជនកម្ពុជា CPP និងនាយករដ្ឋមន្ត្រីសម្ដេចហ៊ុនសែននោះ តាំងពីឆ្នាំ ១៩៩៣ មកដល់បច្ចុប្បន្ននេះ រាជរដ្ឋាភិបាលកម្ពុជាបានចេញផ្សាយគោលនយោបាយអភិវឌ្ឍន៍សេដ្ឋកិច្ចសង្គមជាច្រើន ដូចជា៖ ផែនការអភិវឌ្ឍន៍សេដ្ឋកិច្ច សង្គម យុទ្ធសាស្ត្រអភិវឌ្ឍន៍ចតុកោណ យុទ្ធនាការកាត់បន្ថភាពក្រីក្រជាដើម។ ការអនុវត្តន៍រាល់គោលនយោបាយទាំងនេះបាននាំមកនូវការផ្លាស់ប្ដូរថ្មីជាច្រើនសម្រាប់កម្ពុជា ក្នុងអំឡុងពេល ២៥ ឆ្នាំកន្លងមក។ នាឆ្នាំ ១៩៩៣ GDP ក្នុងមនុស្សម្នាក់របស់កម្ពុជាទទួលបានត្រឹម ២៨៨ ដុល្លារអាមេរិកប៉ុណ្ណោះ លុះដល់ឆ្នាំ ២០១៧ តួរលេខនេះបានឡើងដល់ប្រមាណ ១៥០០ ដុល្លារអាមេរិក។ នាឆ្នាំ ២០១៥ កម្ពុជាត្រូវបាន World Bank ដាក់បញ្ជូលក្នុងក្រុមប្រទេសដែលមានចំណូលមធ្យមទាប។

(VOVWORLD) -ក្នុងឆមានទី ១ ឆ្នាំ ២០១៨ សេដ្ឋកិច្ចវៀតណាមទទួលបានកំណើនគួរឲ្យកត់សម្គាល់ បើប្រៀបនឹងប៉ុន្មានឆ្នាំមុន។ លទ្ធផលខាងលើនេះបានសរឲ្យឃើញនូវលក្ខណៈទាន់ពេលវេលា និងប្រសិទ្ធភាពក្នុងការដែលដ្ឋាភិបាលដឹកនាំយ៉ាងប្ដូរផ្កាច់រាល់ស្ថាប័ន មូលដ្ឋានគ្រប់ជាន់ថ្នាក់ រួមគ្នាខិតខំប្រឹងប្រែងអនុវត្តន៍គោលដៅកំណើនសេដ្ឋកិច្ចទូទាំងឆ្នាំ។ ក្នុងឆមាសទី ២ នៃឆ្នាំ ២០១៨ទោះបីជាមានការលំបាកជាច្រើនដោយសារបម្រែបម្រូលនៃស្ថានការណ៍ខឿនសេដ្ឋកិច្ចពិភពលោក និងគ្រោះអាសន្នអតិផរណាកើនឡើងនាចុងឆ្នាំក៏ដោយ ប៉ុន្តែសេដ្ឋកិច្ចវៀតណាមនៅតែមានកត្តាជាច្រើនដើម្បីជំរុញសេដ្ឋកិច្ចអភិវឌ្ឍន៍។

(VOVWORLD) - នាសប្ដាហ៍កន្លងទៅ អាមេរិកនិងចិនបានបំផ្ទុះជាផ្លូវការសង្គ្រាមពាណិជ្ជកម្ម ហើយមានលទ្ធភាពជាច្រើនដែលនឹងអូសបន្លាយដ៏យូរអង្វែងព្រោះថា មហាអំណាចសេដ្ឋកិច្ចទាំងពីរនេះសុទ្ធតែបង្ហាញនូវការប្ដេជា្ញចិត្តប្រយុទ្ធគ្នា រហូតដល់ទីបញ្ចប់។ សង្គ្រាមនេះត្រូវបានចាត់ទុកថា នឹងនាំទៅផលវិបាកគ្រោះ ថ្នាក់ជាច្រើន មិនត្រឹមតែចំពោះខឿនសេដ្ឋកិច្ចទាំងពីរនេះប៉ុណ្ណោះទេ ថែមទាំង ប៉ះពាល់យ៉ាងធ្ងន់ធ្ងរទៅលើពាណិជ្ជកម្មអន្តរជាតិទៀតផង។

(VOVWORLD) - រដ្ឋមន្ត្រីការបរទេសអាមេរិក លោក Mike Pompeo បានអញ្ជើញមកបំពេញ ទស្សនកិច្ចនៅវៀតណាមក្នុងរយៈពេល ២ ថ្ងៃគឺថ្ងៃទី ៨ និងទី ៩ កក្កដា តាមសេចក្តីអញ្ជើញរបស់ឧបនាយករដ្ឋមន្ត្រីនិងជារដ្ឋមន្ត្រីការបរទេសវៀតណាម លោក Pham Binh Minh។ វៀតណាមជាប្រទេសដំបូងនៅអាស៊ី-អាគ្នេយ៍ដែល រដ្ឋមន្ត្រីការបរទេសអាមេរិកមកបំពេញទស្សកិច្ចគិតតាំងពីពេលលោករូបនេះ ទទួលដំណែងនាខែមេសាឆ្នាំនេះ។ ដំណើរទស្សនកិច្ចនេះបានគូសសម្គាល់ នូវជំហានអភិវឌ្ឍន៍ថ្មីមួយក្នុងទំនាក់ទំនងទ្វេភាគីក៏ដូចជាតួនាទីរបស់វៀតណាម ក្នុងគោលនយោបាយកិច្ចការបរទេសរបស់រដ្ឋអំណាចប្រធានាធិបតីអាមេរិក លោក Donald Trump។

(VOVWORLD) - សហគមន៍សហគ្រាសវៀតណាមរួមមានសហគ្រាសជាតិនិងអន្តរជាតិកាន់តែអភិវឌ្ឍន៍យ៉ាងខ្លាំងទាំងខាងបរិមាណផងនិងសក្តានុភាពផងនិងជាកំលាំងចលករសំខាន់ដែលនាំខឿនសេដ្ឋកិច្ចវៀតណាមបន្តមានកំណើននៅកំរិតខ្ពស់នាពេលកន្លងទៅ។ ប៉ុន្តែ សមត្ថភាពតភ្ជាប់រវាងប្លុកសហគ្រាសទាំងពីរនេះនៅមានកំហិតនៅឡើយ។ ដើម្បីឲ្យមានខឿនសេដ្ឋកិច្ចដែលពោរពេញទៅដោយកំលាំងចូលរួមក្នុងបណ្ដាសង្វាក់តំលៃនៅក្នុងតំបន់និងលើពិភពលោកសហគ្រាសជាតិនិងអន្តរជាតិ គប្បីមានការអភិវឌ្ឍព្រមៗគ្នា។

(VOVWORLD) -ក្នុងរយៈពេលប៉ុន្មានថ្ងៃកន្លងមក សមាជិករដ្ឋាភិបាលវៀតណាមមួយចំនួនបានអញ្ជើញទៅបំពេញទស្សនកិច្ចការងារជាមួយដៃគូជាច្រើននៅទ្វិបអឺរ៉ុប និងទ្វិបអាហ្វ្រិក ។ ចំណុចលេចធ្លោនៅក្នុងដំណើរទស្សនកិច្ចទាំងនេះ គឺមិនត្រឹមតែបង្កើនកិច្ចសហប្រតិបត្តិការលើវិស័យនយោបាយប៉ុណ្ណោះទេ ថែមទាំងជំរុញការជួបប្រាស្រ័យលើវិស័យពាណិជ្ជកម្មរវាងវៀតណាម និងដៃគូនានា និងបើកចេញនូវយថាទស្សន៍អភិវឌ្ឍន៍ថ្មីៗសម្រាប់ភាគីទាក់ទិននានាទៀតផង។