(VOVWORLD) - បន្ទាប់ពីបានដំណើរការចរចារដ៏តឹងតែងអស់រយៈពេលពីរសប្តាហ៍ នៅក្នុងរដ្ឋធានី បាគូ របស់ប្រទេសអាស៊ែបៃហ្សង់មក កិច្ចប្រជុំកំពូលលើកទី ២៩ នៃភាគីចូលរួមអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ - COP២៩ បានបិទនៅថ្ងៃទី ២៤ ខែវិច្ឆិកា ជាមួយនឹងកិច្ចព្រមព្រៀងហិរញ្ញវត្ថុអាកាសធាតុថ្មីដែលនាំមកការខកចិត្តសម្រាប់បណ្តាប្រទេសកំពុងអភិវឌ្ឍន៍។

(VOVWORLD) - ប្រធានរដ្ឋសភាវៀតណាម លោក ត្រិន ថាញ់មិន ទើបតែបានបញ្ចប់ដំណើរទស្សនកិច្ចជាផ្លូវការនៅព្រះរាជាណាចក្រកម្ពុជា ចូលរួមមហាសន្និបាតលើកទី១២ នៃសន្និសីទអន្តរជាតិរបស់បណ្ដាគណបក្សនយោបាយនៅអាស៊ី (ICAPP) ហើយបានថ្លែងសុន្ទរកថាក្នុងសម័យប្រជុំពេញអង្គលើកទី១១ នៃសភាអន្តរជាតិដើម្បីភាពអត់ឱន និងសន្តិភាព (IPTP ១១)។ ដំណើរទស្សនកិច្ចនេះបានរួមចំណែកក្នុងការពង្រឹងទំនុកចិត្តជាយុទ្ធសាស្រ្តនិងធ្វើឱ្យស៊ីជម្រៅថែមទៀតនូវទំនាក់ទំនងវៀតណាម-កម្ពុជា។ ជាពិសេស វៀតណាមបានបង្ហាញសារអំពីការត្រៀមខ្លួនជាស្រេចគាំទ្រគំនិតផ្តួចផ្តើមដែលរួមចំណែកដល់សន្តិភាព ស្ថិរភាពក្នុងតំបន់ និងពិភពលោក។

(VOVWORLD) - ប្រព្រឹត្តទៅចាប់ពីថ្ងៃទី ១៨ ដល់ ទី ១៩ ខែវិច្ឆិកានៅទីក្រុង Rio de Janeiro ប្រទេសប្រេស៊ីល កិច្ចប្រជុំកំពូលក្រុមប្រទេសមានសេដ្ឋកិច្ចអភិវឌ្ឍន៍និងកំពុងរីកចម្រើនឈានមុខគេរបស់ពិភពលោក - G20 ឆ្នាំនេះ បានកត់ត្រានូវវឌ្ឍនភាពដ៏ធំធេងក្នុងកិច្ចខិតខំប្រឹងប្រែងប្រយុទ្ធប្រឆាំងនឹងភាពក្រីក្រនៅលើពិភពលោក។ ទោះជាយ៉ាងណាក៏ដោយ អង្គប្រជុំមិនអាចជំរុញរបកគំហើញសំខាន់ៗស្តីពីហិរញ្ញវត្ថុអាកាសធាតុនិងការផ្លាស់ប្តូរថាមពលដូចការរំពឹងទុកនោះឡើយ ហើយនៅតែពុះជ្រៀកបែងចែកផ្នែកភូមិសាស្ត្រនយោបាយ។

(VOVWORLD) - ក្នុងប្រវត្តិសាស្ត្រវៀតណាម វិស័យអប់រំបានដើរតួនាទីពិសេសចំពោះរាល់អព្ភូតហេតុអភិវឌ្ឍន៍របស់ប្រទេសជាតិ។ ក្នុងបរិបទដែលពិភពលោកកំពុងស្ថិតក្នុងដំណាក់កាល ផ្លាស់ប្តូរមានចរិតលក្ខណៈសម័យកាល ការប្រកួតប្រជែងលើគុណភាពធនធានមនុស្សនឹងកំណត់នូវឱកាសអភិវឌ្ឍន៍របស់ប្រទេសនីមួយៗ ហើយតួនាទីរបស់វិស័យអប់រំកាន់តែមានសារៈ សំខាន់ជាងពេលណាៗទាំងអស់ ដោយនៅតែត្រូវបានកំណត់ជាគោលនយោបាយចម្បងរបស់ប្រទេសជាតិ ខណៈដែលវៀតណាម កំពុងឈានចូលយុគសម័យថ្មី។ ប្រការនេះត្រូវបានថ្នាក់ដឹក នាំវៀតណាមគូសបញ្ជក់ នៅក្នុងការថ្លែងមតិនាពេលថ្មីៗនេះ ក្នុងឱកាសទិវាគ្រូបង្រៀនវៀតណាម ថ្ងៃទី ២០ ខែវិច្ឆិកា។

(VOVWORLD) - អគ្គលេខាគណៈកម្មា ធិការមជ្ឈិមបក្សកុម្មុយនិស្តវៀតណាម លោក តូ ឡឹម និងលោកជំទាវបានអញ្ជើញទៅបំពេញទស្សនកិច្ចផ្លូវការនៅប្រទេសម៉ាឡេស៊ី ចាប់ពីថ្ងៃទី ២១ ដល់ថ្ងៃទី ២៣ ខែវិច្ឆិកា តបតាមសេចក្តីអញ្ជើញរបស់នាយករដ្ឋមន្ត្រីម៉ាឡេស៊ី លោក Anwar Ibrahim និងលោកជំទាវ។ ដំណើរទស្សនកិច្ចនេះបានធ្វើឡើងក្នុងបរិបទដែលទំនាក់ទំនងទ្វេភាគីមានការអភិវឌ្ឍន៍ដ៏ខ្លាំងក្លា និងទូលំទូលាយ ជាពិសេសចាប់តាំងពីប្រទេសទាំងពីរបានលើកកម្ពស់ទំនាក់ទំនងទៅភាពជាដៃគូយុទ្ធសាស្ត្រក្នុងឆ្នាំ ២០១៥ ដែលរួមចំណែកអភិវឌ្ឍន៍ទំនាក់ទំនងរវាងប្រទេសទាំងពីរឡើងដល់កម្ពស់ថ្មីមួយ។

(VOVWORLD) - ថ្ងៃទី ១៩ ខែវិច្ឆិកាឆ្នាំនេះ ជាថ្ងៃគូសសម្គាល់រយៈពេល ១ពាន់ថ្ងៃ នៃការផ្ទុះឡើងជម្លោះរុស្ស៊ី - អ៊ុយក្រែន (២៤ កុម្ភៈ ២០២២)។ ជម្លោះនៅតែមានបម្រែបម្រួលដែលពិបាកព្យាករណ៍បាន ប៉ុន្តែមានក្តីសង្ឃឹមខ្លះថា ជម្លោះអាចនឹងបញ្ចប់តាមរយៈផ្លូវការទូតក្នុងពេលឆាប់ៗនេះ។

(VOVWORLD) - លោកប្រធានរដ្ឋ Luong Cuong និងគណៈប្រតិភូជាន់ខ្ពស់វៀតណាមទើបតែបានបញ្ចប់ដោយជោគជ័យនូវដំណើរទស្សនកិច្ចជាផ្លូវការនៅសាធារណរដ្ឋឈីលី និងសាធារណរដ្ឋប៉េរូ និងចូលរួមសប្ដាហ៍កិច្ចប្រជុំកំពូលនៃកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ឆ្នាំ ២០២៤។ ដំណើរទស្សនកិច្ចនេះទទួលបានលទ្ធផលលេចធ្លោជាច្រើន ហើយពូនជ្រុំទំនាក់ទំនងមិត្តភាពសហប្រតិបត្តិការជាមួយឈីលី និងប៉េរូ បើកឱកាសសហប្រតិបត្តិការថ្មីៗជាច្រើន។ ទន្ទឹមនឹងនោះ បន្តអះអាងនូវការរួមចំណែកយ៉ាងសកម្មនិងប្រកបដោយទំនួលខុសត្រូវរបស់វៀតណាមក្នុងយន្តការសហប្រតិបត្តិការពហុភាគី APEC ផងដែរ។

(VOVWORLD) - លោកនាយករដ្ឋមន្ត្រី Pham Minh Chinh និងភរិយានឹងដឹកនាំគណៈប្រតិភូជាន់ខ្ពស់វៀតណាម អញ្ជើញទៅចូលរួមកិច្ចប្រជុំកំពូល G20 នៅទីក្រុង Rio de Janeiro ប្រទេសប្រេស៊ីល ពីថ្ងៃទី ១៦ ដល់ថ្ងៃទី ១៩ ខែវិច្ឆិកា តបតាមការអញ្ជើញរបស់ប្រធានាធិបតីប្រេស៊ីល ប្រធាន G20 ឆ្នាំ២០២៤ លោក Luiz Inácio Lula da Silva និងភរិយា ហើយបំពេញដំណើរទស្សនកិច្ចជាផ្លូវការនៅសាធារណរដ្ឋ ដូមីនីកែន ពីថ្ងៃទី១៩ ដល់ថ្ងៃទី២១ ខែវិច្ឆិកា តបតាមការអញ្ជើញរបស់ប្រធានាធិបតីនៃសាធារណរដ្ឋដូមីនីកែន លោក Luis Abinader និងភរិយា។

(VOVWORLD) - វៀតណាមកំពុងរៀបចំទិវាបុណ្យមហាសាមគ្គីជនជាតិទាំងមូលនៅតាមតំបន់លំនៅដ្ឋាន ដើម្បីអបអរសាទរទិវាបង្កើត រណសិរ្សមាតុភូមិវៀតណាម (១៨ វិច្ឆិកា)។ ប្រពៃណីសាមគ្គីភាពរាប់ពាន់ឆ្នាំ បានជួយប្រជាជាតិវៀត ណាមដណ្តើមបានឯករាជ្យ សេរីភាព កសាង និងអភិវឌ្ឍន៍ប្រទេសជាតិ។ ស្មារតីនៃផែនមហាសាមគ្គីដើរតួនាទីកាន់តែសំខាន់ក្នុងយុគសម័យថ្មី របស់ប្រជាជាតិវៀតណាម។

(VOVWORLD) - នាថ្ងៃទី ១៣ ខែវិច្ឆិកា ដំណាក់កាលទី ១ នៃសម័យប្រជុំលើកទី ៨ រដ្ឋសភាវៀតណាមនីតិកាលទី ១៥ បានបិទបញ្ចប់ក្រោយរយៈពេល ១៩ថ្ងៃកន្លះ ធ្វើការ។ ក្នុងដំណាក់កាលទី១នេះ រដ្ឋសភាបានបង្ហើយការងារបុគ្គលិក សួរដេញដោលនិងឆ្លើយសំណួរដេញដោល ពិភាក្សាអំពីបញ្ហាសេដ្ឋកិច្ចសង្គម និងអនុម័តលើសេចក្តីសម្រេចចិត្តអភិវឌ្ឍន៍សេដ្ឋកិច្ច-សង្គមឆ្នាំ២០២៥។