(VOVWORLD) - គម្រោងការណ៍ “ការបោះជំហានរបស់សៀវភៅ” ចាប់ផ្ដើមដំណើរការនៅទីក្រុង Hai Phong ចាប់តាំងពីខែឧសភាឆ្នាំ២០២០។ ដោយមានសារ “ទំព័រសៀវភៅ នីមួយៗជាការបោះជំហានមួយ” គម្រោងការណ៍នេះមានសកម្មភាពដ៏សម្បូរបែប សំដៅលើកទឹកចិត្តការអានសៀវភៅតាមរបៀបវិទ្យាសាស្ត្រ ឆ្ពោះទៅរកលើក កំពស់វប្បធម៌អានសម្រាប់សិស្សានុសិស្សនិងនិស្សិត។

(VOVWORLD) - នាថ្ងៃទី ១ ឧសភា ឆ្នាំ ២០២១ វណ្ណៈកម្មករនិងពលករនៅលើពិភពលោកបានប្រារព្ធខួបលើកទី ១៣៥ ឆ្នាំនៃទិវាពលកម្មអន្តរជាតិ (១ ឧសភា ១៩៨៦ - ១ ឧសភា ២០២១)។ នៅវៀតណាម វណ្ណៈពលករគឺជាកម្លាំងត្រួសត្រាយផ្លូវនៃបដិវត្តន៍ ដែលតែងតែឈរនៅជាមជ្ឈភាពនៃព្រឹត្តិការណ៍នយោបាយសំខាន់ៗរបស់ប្រទេសជាតិ។ អបអរសាទរទិវាពលកម្មអន្តរជាតិឆ្នាំនេះ វៀតណាមបានបំផុសចលនាជាច្រើនដើម្បីថែទាំដល់ជីវភាពទាំងខាងសម្ភារៈ និងខាងស្មារតីរបស់កម្មករ ដោយរួមចំណែកកសាងវណ្ណៈកម្មករកាន់តែខ្លាំងមាំមួន។

(VOVWORLD) - បន្ទាប់ពីមួយឆ្នាំដែលបានគ្រោងទុកនិងអនុវត្តមក គម្រោង “ស្មូតកំណាព្យរឿងនាង Kieu ពេញមួយឈុត” ដែលផ្តួចផ្តើមគំនិតដោយសិល្បករ អ្នកស្រាវជ្រាវតន្ត្រី Nguyen Quang Long ត្រូវបានបញ្ចប់និងផ្សព្វផ្សាយដល់ទស្សនិកជននៅលើបណ្តាញ Youtube នៃចម្រៀងនិងតន្ត្រីប្រជាប្រិយ។ ដោយមានរយៈពេលប្រហែល ១០ ម៉ោង សិល្បករដែលអនុវត្តន៍គម្រោងនេះ បានបំពេញបំណងប្រាថ្នារបស់របស់ខ្លួន ដើម្បីនាំយកទម្រង់ស្មូតកំណាព្យរឿងនាង Kieu បែបច្នៃប្រឌិត ឲ្យរស់រានមានជីវិតឡើងវិញក្នុងជីវភាពប្រចាំថ្ងៃ។

(VOVWORLD) - ពិព័រណ៍រូបថត “មោទនភាពនៃខ្សែបន្ទាត់ព្រំដែន” ទើបតែបានធ្វើឡើងនៅឯមជ្ឈមណ្ឌលពិនិត្យនិងតាំងពិព័រណ៍ស្នាដៃវិចិត្រសិល្បៈ លេខ ២៩ វិថី Hang Bai នៃទីក្រុងហាណូយ។ នេះជាការតាំងពិព័រណ៍ប្រចាំឆ្នាំដែលបានរៀបចំរួមគ្នាដោយក្រសួងវប្បធម៌កីឡានិងទេសចរណ៍ គណៈកម្មាធិការឃោរនាអប់រំមជ្ឈឹម អគ្គស្នងការនយោបាយកងទ័ពប្រជាជនវៀតណាម និងសមាគមសិល្បករថតរូបវៀតណាម។ ក្នុងឱកាសនេះ គណៈចាត់តាំងកម្មវិធីបានប្រគល់រង្វាន់នៃការប្រឡងរូបថតសិល្បៈ “មោទនភាពនៃខ្សែបន្ទាត់ព្រំដែនមួយ”។

(VOVWORLD) - បង្រៀនបំណិនទន់ដល់សិស្ស តាមរយៈការបង្រៀនឲ្យប្អូនៗ ហាត់លេងវាយគងឃ្មោះដោយខ្លួនឯង ប្រមូលនិងបង្ហាញការណែនាំវប្បធម៌ក្នុងពិធីគោរពទង់ជាតិនាដើមសប្តាហ៍។ នេះជារបៀបដែលអនុវិទ្យាល័យ Y Ngong NiKam នៅស្រុក Cu Mgar ខេត្ត Dak Lak កំពុងធ្វើ ដើម្បីពូនជ្រុំសេចក្តីស្រឡាញ់វប្បធម៌ដល់ប្អូនៗ សិស្សានុសិស្ស។

(VOVWORLD) - ទៅវត្តអារ៉ាមនាដើមឆ្នាំថ្មីដើម្បីបួងសួងសុំ សេចក្តីសុខ សំណាងនិងវិបុលភាពគឺជាសម្រស់វប្បធម៌ប្រពៃណីរបស់ប្រជាជាតិវៀតណាម។ ប៉ុន្តែរដូវបុណ្យទានឆ្នាំនេះមិនមានសភាពអ៊ូអរទាក់ទាញភ្ញៀវទេសចរឱ្យបានច្រើនដូចរដូវបុណ្យទានឆ្នាំមុនៗឡើយ ដោយសារតែការជំងឺរាតត្បាតកូវីដ ១៩។ យ៉ាងណាមិញ វិធានការណ៍ជាបន្តបន្ទាប់ដើម្បីបង្ការនិងទប់ស្កាត់ជំងឺក៏កាច់សាហាវនេះត្រូវបានតំបន់នានាទូទាំងប្រទេសអនុវត្តយ៉ាងតឹងរ៉ឹង ដើម្បីធានាសុវត្ថិភាពដល់ភ្ញៀវទេសចរ ក្នុងបរិបទដែលជំងឺកូវីដ ១៩នៅតែវិវឌ្ឍន៍យ៉ាងស្មុគស្មាញលើទូទាំងពិភពលោក។

(VOVWORLD) - ក្រុមជនជាតិ Co Tu រស់នៅភាគច្រើននៅតំបន់ភាគកណ្តាល វៀតណាម ក្នុងនោះ ខេត្ត Quang Nam ជាតំបន់ដែលមានចំនួនជនជាតិ Co Tu រស់នៅច្រើនជាងគេបំផុតបំផុត។ លក្ខណៈវប្បធម៌ដ៏វិសេសវិសាល ដូចជាទំនុក ច្រៀង ក្បាច់រាំ និងការវាយគង វាយស្គរ ដែលសុទ្ធតែផ្សាភ្ជាប់នឹងជីវភាពរស់នៅប្រចាំថ្ងៃនិងផលិតកម្មរបស់ប្រជាជនក្នុងតំបន់។ ព្រឹទ្ធាចារ្យជនជាតិ Co Tu ជាច្រើន បានចំណាយពេលដើម្បីប្រមូលនិងស្តារតម្លៃវប្បធម៌របស់ជនជាតិខ្លួនឡើងវិញ។

(VOVWORLD) - សាស្ត្រាចារ្យរង បណ្ឌិត លោកស្រី Truong Thanh Huong ឯកទេសផ្នែក ជម្ងឺបេះដូង នៃមន្ទីរពេទ្យ Bach Mai ជាអ្នកវិទ្យាសាស្ត្រនិងគ្រូបង្រៀនជួរមុខមួយ រូបក្នុងវិស័យវេជ្ជសាស្ត្រនៅវៀតណាម។ ស្នាដៃមួយក្នុងចំណោមស្នាដៃគួរឲ្យ ចាប់អារម្មណ៍របស់លោកស្រី គឺការកសាងប្រកបដោយជោគជ័យនូវគំរូ ត្រួត ពិនិត្យ ធ្វើរោគវិនិច្ឆ័យ ព្យាបាលនិងតាមដានជម្ងឺកូលេស្តេរ៉ុលក្នុងឈាមកើនខ្ពស់ តាមលក្ខណៈគ្រួសារនៅវៀតណាមហើយផ្ទេរប្រគល់ដល់មូលដ្ឋានសុខាភិបាលនានា។ ដោយមានការរួមវិភាគទានដល់វិទ្យាសាស្ត្រ សាស្ត្រាចារ្យរង បណ្ឌិត លោកស្រី Truong Thanh Huong មានកិត្តិយសដោយទទួលបានពានរង្វាន់ Kovalevskaia ឆ្នាំ២០២០របស់សម្ព័ន្ធសមាគមន៍នារីវៀតណាម។

(VOVWORLD) - ថ្ងៃមួយនៃដើមនិទាឃរដូវ ២០២១ ក្រុមគងឃ្មោះវ័យក្មេងពីក្រុមនៃភូមិ Kmrơng Prong A (ឃុំ Ea Tu) និងភូមិ Kbu (ឃុំ Hoa Khanh ) បានជួបជុំគ្នានៅឯកំពង់ផែទឹកនៃភូមិ Kmrơng Prong A ឃុំ Ea Tu ទីក្រុង Buon Ma Thuot ខេត្ត Dak Lak ដើម្បី សម្តែងគងឃ្មោះជាមួយគ្នា។ ក្រុមគងឃ្មោះ Kmrơng Prong A គឺជាក្រុមប្រុសដែលមានអាយុចាប់ពី ១២ ឆ្នាំដល់ ១៥ ឆ្នាំ រីឯក្រុមគងឃ្មោះ ភុមិ Kbu ជាក្រុមនារីចាប់ពីអាយុ ១៤ ឆ្នាំដល់ ៣២ ឆ្នាំ។

(VOVWORLD) - លោក Luong Van Chua ជនជាតិ Thai មួយរូបនៅភូមិ Ngua ឃុំ Chieng Pan ស្រុក Yen Chau ខេត្ត Son La ត្រូវបានគេស្រឡាញ់រាប់អានជាច្រើនដោយលោកមានចំណង់ចំណូលចិត្តជាមួយនឹងវប្បធម៌របស់ជនជាតិ Thai។ ដោយមិនគិតពីពេលវេលា ពីអាយុកាលឡើយ លោកតែងតែឧស្សាហ៍ព្យាយាមថែរក្សានូវភាសានិងអក្សរក៏ដូចជាទំនៀមទំលាប់របស់ជនជាតិខ្លួនឲ្យស្ថិតស្ថេរគងវង្សជានិច្ច។