(VOVWORLD) - Festival Hue ២០១៨ បានប្រព្រឹត្តទៅក្នុងរយៈពេលពីថ្ងៃទី២៧ខែមេសាដល់ថ្ងៃទី២ ខែឧសភានៅទីក្រុង Hueដែលជាកន្លែងជួបប្រាស្រ័យនិងផ្លាស់ប្តូរវប្បធម៌សិល្បៈគ្រប់ ប្រភេទពីគ្រប់ទីកន្លែងទូទាំងប្រទេសនិងបរទេស។ ក្នុងផ្ទាំងរូបភាពសិល្បៈដ៏ចម្រុះ ពណ៌នោះ កម្មវិធីសិល្បៈជាច្រើនតែងតែយកវប្បធម៌Hue ធ្វើជាប្រធានបទដែលទាក់ ទាញអ្នកទស្សនាយ៉ាងច្រើនកុះករ។

(VOVWORLD) -ខេត្ត Dien Bien ទើបនឹងមានបន្ថែមនូវបេតិកភណ្ឌវប្បធម៌អរូបីថ្នាក់ជាតិចំនួនពីរ នោះគឺ បុណ្យតេតសាច់ទឹក (Bun Huot Nam) របស់ជនរួមជាតិជនជាតិឡាវនៅភូមិ Na Sang ទី១ ឃុំ Nua Ngam ស្រុក Dien Bien និងសិល្បៈរចនាក្បូរក្បាច់លើសម្លៀក បំពាក់ប្រពៃណីរបស់ជនជាតិ Mong hoa នៅឃុំ Sa Long ស្រុក Muong Cha។ លទ្ធ ផលទទួលបានទាំងអស់នេះជាការខិតខំប្រឹងប្រែងក្នុងការពង្រឹងនិងពង្រីកនូវតម្លៃវប្បធម៌អរូបីរបស់រដ្ឋអំណាចនិងសហគមន៍បណ្តាជនជាតិខេត្ត Dien Bien។

(VOVWORLD) -ក្នុងអារម្មណ៍របស់ជនវៀតណាមគ្រប់រូបតាំងពីយូណាស់មកហើយបណ្តាស្តេច Hung មានគុណបំណាច់ប្រសូតរដ្ឋ Van Lang ដែលជារដ្ឋដំបូងរបស់វៀតណាម។ ហេតុដូច្នេះបានជា ជំនឿសែនព្រេនខួបស្តេច Hung មានតួនាទីសំខាន់ក្នុងជីវភាពរស់នៅខាងព្រលឹងនិងមនោ សញ្ចេតនារបស់ប្រជាជនវៀតណាមគ្រប់ជំនាន់។ ជំនឿសែនព្រេនស្តេច Hung មានលក្ខណៈពិសិដ្ឋ ជាក់ស្តែងនិងជាទីបង្អែកស្មារតី បង្កើតឡើងកម្លាំងមហាសាមគ្គីជនជាតិទាំងមូលរួមគ្នាកសាងប្រទេសផងនិងរក្សាប្រទេសជាតិផងដែរ។

(VOVWORLD) -នាប៉ុន្មានឆ្នាំកន្លងមកនេះ រូបសណ្ឋានបណ្ណាល័យរបស់ត្រកូល គ្រួសារឬបណ្ណាល័យ ឥតគិតថ្លៃដែលបានបើកតាមលក្ខណៈបុគ្គលកាន់តែកើតមានឡើងជាច្រើននៅស្រុកស្រែទូទាំងប្រទេសវៀតណាមផងដែរ។ ប្រការនេះសរឲ្យឃើញថា តម្រូវការអានសៀវ ភៅ ទាក់ទងផ្ទាល់ជាមួយចំណេះដឹងនិងវប្បធម៌អានតាមតំបន់ជនបទកាន់តែកើន ឡើងពីមួយថ្ងៃទៅមួយថ្ងៃ។ ដោយហេតុដូច្នេះ ជីវភាពរស់នៅខាងស្មារតីរបស់ប្រជា កសិករក៏កាន់តែសម្បូរបែប ហើយប្រជាជនបានបច្ចុប្បន្នកម្មនូវបច្ចេកវិទ្យាកសិកម្មថ្មី និងប្អូនកុមារបានបង្កបង្កើនចំណេះដឹងដែលមានអត្ថប្រយោជន៍ពីទំព័រសៀវភៅនីមួយៗតាមបណ្ណាល័យភូមិផងដែរ។

(VOVWORLD) -ដោយមានក្តីស្រឡាញ់និងចំណង់ចំណូលចិត្តជាមួយវប្បធម៌ជនជាតិ បានជា យុវជនជនជាតិ Ede នៅខេត្ត Dak Lak ខិតខំសិក្សាដោយខ្លួនឯងអំពីទំនៀមរបស់ ជនជាតិខ្លួនដោយរៀនវាយគង ឃ្មោះ ត្បាញ ចារបាប់និងច្រៀងចម្រៀងប្រជាប្រិយ។ ហេតុដូច្នេះ លក្ខណៈវប្បធម៌ដ៏ល្អប្រសើរបស់ជន ជាតិ E de នៅតែបាន រក្សានិងមរតកដល់ជំនាន់កូនចៅក្រោយៗ។

(VOVWORLD) -ចំពោះមុខស្ថានភាពដែល លំហរគងឃ្មោះកាន់តែត្រូវបង្រួញនិងបាត់រលត់ទៅនោះ ការដែលក្រុមប្រគុំគងឃ្មោះវ័យក្មេងតាមភូមិឋាននានារបស់ខេត្ត Dak Lak មានការជក់ចិត្តនឹងប្រភេទឧបករណ៍តន្ត្រីនេះជាប្រការថ្លៃថ្លាណាស់។ សម្រាប់យុវជននៅភូមិឋាន M’duk ឃុំ Ea Tam ទីក្រុង Buon Ma Thuot ការជក់ចិត្តនេះបានជួយឲ្យប្អូនៗខិតមិជិត ជាមួយសម្លាងគងឃ្មោះនិងទទួលបាននូវជោគជ័យដំបូងដែលបង្កើតក្តីសង្ឃឹមតភ្ជាប់ សម្លែងគងឃ្មោះរបស់ភមិឋានមរតកដល់ជំនាន់ក្រោយៗ។

(VOVWORLD) -ក្រុមសិល្បៈល្ខោន Cai luong Tay Do នៃទីក្រុង Can Tho (ភាគខាងត្បូង វៀតណាម) បានដឹកនាំរឿងល្ខោន Cai luong “ផ្លែ Man ពណ៌ស” (ឬខ្មែរយើងធ្លាប់ហៅថាផ្លែជម្ពូ ហាណូយ) ដែលបានប្រឌិតពីរឿងប្រវត្តិសាស្ត្រពិតនៅក្នុងតំបន់ នាពេលវេលាក្រោយ យុទ្ធនាការវាយសម្រុកទូទៅនិងក្រោកឈរឡើងនិទាឃរដូវឆ្នាំ១៩៦៨។ រឿងល្ខោន នេះបានជួយឲ្យក្រុម សិល្បៈទទួលបានមេដាយមាសពីរគ្រឿងនិងមេដាយប្រាក់បី គ្រឿងនៅក្នុងការប្រឡងសិល្បៈល្ខោន Cai luong ជំនាញ ទូទាំងប្រទេសឆ្នាំ២០១៥។ នាពេលថ្មីៗនេះ រឿងល្ខោន “ផ្លែ Man ពណ៌ស” ត្រូវបានសិល្បៈករ សិល្បៈការិនីសម្តែង ឡើងវិញតាមរយៈរូបភាពអង់អាចក្លាហានក្នុងសង្គ្រាមដណ្តើមឯករាជ្យ សេរីភាពជូនស្រុកកំណើតនិងប្រទេសជាតិ។

(VOVWORLD) -នាពេលថ្មីនេះ សមាគមអ្នកនិពន្ធទីក្រុងហូជីមិញបានរៀបចំទីលានកំណាព្យមួយសម្រាប់យុវជន។ ទីលាននេះបានក្លាយទៅជាកន្លែងជួបប្រាស្រ័យរវាងកវី វ័យក្មេងដែលមកចែករំលែក នូវអារម្មណ៍និងបំផុសគំនិតនិពន្ធកំណាព្យក្នុងមជ្ឈដ្ឋានកវីវ័យក្មេង។

(VOVWORLD) -ជនជាតិ Mong រស់នៅតាមតំបន់ព្រៃភ្នំ ហេតុដូច្នេះហើយពួកគេត្រូវចេះរ៉ាប់រងជីវ ភាពដោយខ្លួនឯង។ ឆ្លងតាមសម័យកាលប្រវត្តិសាស្រ្តដ៏យូរអង្វែងមក បងប្អូនជនជាតិ Mong បានបង្កើតមុខរបរសិប្បកម្មបប្រពៃណីយ៉ាងច្រើន ក្នុងនោះរបរត្បាញនិងរចនា ម៉ូតលើសម្លៀកបំពាក់ប្រពៃណីបានក្លាយទៅមុខរបរមួយ ពោរពេញទៅដោយអត្ត សញ្ញាណវប្បធម៌ដ៏វិសេសវិសាលរបស់ជនជាតិ Mong។ នាដើមខែមិនានេះ សិល្បៈកែ ច្នៃ រចនាម៉ូតលើសម្លៀកបំពាក់ប្រពៃណីរបស់ជនជាតិ Mong នៅខេត្ត Dien Bien ត្រូវ បានទទួលស្គាល់ជាបេតិកភណ្ឌវប្បធម៌អរូបីជាតិ។

(VOVWORLD) -រួមជាមួយបរិយាកាសអំណរឆ្នាំថ្មីប្រពៃណី ប្រជាជនវៀតណាមក៏មានទំនៀមទម្លាប់ ជាច្រើនផងដែរ។ ឃ្លា“ថ្ងៃទីមួយជូនពរឆ្នាំថ្មីលោកឪពុក ថ្ងៃទីពីជូនពរឆ្នាំថ្មីអ្នកម្តាយ និងថ្ងៃទី៣ជូនពរឆ្នាំថ្មីលោកគ្រូ” បានក្លាយទៅជាទំនៀមទម្លាប់ពេញនិយមរបស់ ប្រជាជនវៀតណាមគ្រប់រូប។ បន្ទាប់ពីពិធីសែនព្រេនជីដូនជីតានិងជូនពរបុណ្យចូលឆ្នាំ ថ្មីចំពោះក្រុមគ្រួសារលោកឪពុក អ្នកម្តាយមក ដល់ថ្ងៃទី៣នៃបុណ្យចូលឆ្នាំថ្មី ជាថ្ងៃ ដែលសិស្សានុសិស្សទាំងអស់នាំគ្នាទៅជូនពរឆ្នាំថ្មីលោកគ្រូ អ្នកគ្រូ ដើម្បីសម្តែងក្តីគោរព។ ឆ្លងកាត់ពេលវេលាប៉ុន្តែប្រពៃណី“គោរពគ្រូបង្រៀន-គោរពគោលសីលធម៌” នៅដិតជាប់ក្នុងអារម្មណ៍របស់ជនវៀតណាមម្នាក់ៗ។