 |
បន្ទាប់ពីការប្រកួត AFF បានសរសេរលើកេហទំព័ររបស់ខ្លួនថា៖ U22 វៀតណាមឈ្នះលើឥណ្ឌូណេស៊ីបន្ទាប់ពីបានឈ្នះទាំង ២ នៃការប្រកួតដំបូងទៅលើក្រុមកីឡាបាល់ទាត់ព្រុយណេ (៦-០) និងឡាវ (៦-១) ។ U22 វៀតណាមបានបង្ហាញអំពីលក្ខណៈគុណសម្បត្តិ របស់ខ្លួន ដែលអាចជួយឱ្យគេដណ្តើមបានមេដាយមាសស៊ីហ្គេមលើកដំបូងចាប់តាំងពីឆ្នាំ ១៩៥៩ ហើយនេះគឺជាការវិលត្រឡប់នូវប្រៀបដ៏ខ្លាំងក្លា ដើម្បីទទួលបាន ៣ ពិន្ទុទាំងស្រុង បន្ទាប់ពីត្រូវបានគូប្រកួតស៊ូតចូលទី១គ្រាប់នៅតង់ទី ១ ក៏ដោយ។ ទន្ទឹមនឹងនេះ ការបរាជ័យគឺមានន័យថាឥណ្ឌូណេស៊ីត្រូវតែតស៊ូអស់ពីកម្លាំងកាយចិត្តនៅពេលប៉ះក្រុមបាល់ទាត់ថៃ ដើម្បីដណ្តើមសំបុត្រមួយឈានចូលវគ្គពាក់កណ្តាលផ្តាច់ព្រ័ត្រផងដែរ៕
