ពិធីកាត់ខ្សែបូដើម្បីនាំចេញឡូផ្លែមៀន Yen The ដំបូងទៅកាន់ទីផ្សារអូស្រ្តាលី។
(រូបថត៖ TTXVN)
នាថ្ងៃទី ១៩ ខែសីហា ខេត្ត Bac Giang បានរៀបចំសន្និសីទប្រកាសតំបន់ផលិត ផ្លែមៀនតាមស្តង់ដារ VietGAP និងកាត់ខ្សែបូរនាំចេញផ្លែមៀនឆ្នាំ២០២២។ នៅពិធី នេះ គណៈកម្មាធិការប្រជាជនស្រុក Yen The បានប្រកាស និងប្រគល់សេចក្តី សម្រេចទទួលស្គាល់តំបន់ផលិតផ្លែមៀនដោយបំពេញស្តង់ដារ VietGAP សម្រាប់សហករណ៍ Hao Thanh ហើយធ្វើពិធីកាត់ខ្សែបូដើម្បីនាំចេញឡូផ្លែមៀន Yen The ដំបូងទៅកាន់ទីផ្សារអូស្រ្តាលី។ បច្ចុប្បន្ននេះ ផ្ទៃដីដាំដំណាំមៀន ក្នុងខេត្ត Bac Giang មានទំហំប្រមាណ ៣.៤០០ ហិកតា ដោយផ្ដល់បរិមាណផលសរុបប្រមាណ ២ ម៉ឺនតោន។ ដើម្បីអភិវឌ្ឍន៍ដើមឈើហូបផ្លែប្រកបដោយនិរន្តរភាព ខេត្ត Bac Giang បានផ្តោត សំខាន់លើការជំរុញផលិតកម្មសម្រាប់ការនាំចេញ លើកកំពស់តម្លៃផលិតផលដើម ឈើហូបផ្លែជាបណ្តើរៗ ជាពិសេសនៅឆ្នាំ២០២២ បានផ្តោតសំខាន់លើការដឹកនាំដើម្បី នាំចេញផ្លែមៀន។ មកទល់នឹងពេលនេះ ខេត្តបានផ្តល់លេខកូដដល់តំបន់ដាំដុះចំនួន ៤៧ កន្លែង លើផ្ទៃដី ៥១៤ ហិកតា ក្នុងបរិមាណផល ៤.០០០ តោន សម្រាប់នាំចេញទៅ កាន់ទីផ្សារចិន; ផ្ដល់លេខកូដដល់តំបន់ដាំចំនួន ៥ កន្លែង លើផ្ទៃដី ៥២,៩២ ហិកតា ក្នុងបរិមាណផលប្រហែល ៤៥០ តោន សម្រាប់នាំចេញទៅទីផ្សារអូស្ត្រាលី៕