ពង្រឹងកិច្ចសហប្រតិបត្តិការវៀតណាម-នូវែលសេឡង់

ប្រធានរដ្ឋសភាវៀតណាម លោក Vuong Dinh Hue និងប្រធានរដ្ឋសភានូវែលសេឡង់ លោក Adrian Rurawhe។ (រូបថត៖ VOV)

នាព្រឹកថ្ងៃទី៦ ខែធ្នូ នៅទីស្នាក់ការសភានូវែលសេឡង់នៅរដ្ឋធានី Wellington ក្នុង ជំនួបពិភាក្សាការងារជាមួយប្រធានរដ្ឋសភានូវែលសេឡង់ លោក Adrian Rurawhe ប្រធានរដ្ឋសភាវៀតណាម លោក Vuong Dinh Hue បានអះអាងថា វៀតណាមជានិច្ច កាលយកចិត្តទុកដាក់ និងផ្តល់អាទិភាពខ្ពស់ដល់ការពង្រឹងទំនាក់ទំនងជាមួយនូវែល សេឡង់ តាមរយៈទាំងកាណាល់បក្ស រដ្ឋាភិបាល សភានិងប្រជាជន។ ប្រធានរដ្ឋសភា វៀតណាម លោក Vuong Dinh Hue បានស្នើឲ្យភាគីទាំងពីរជំរុញការអនុវត្តកម្មវិធី ការងារតាមថ្ងៃឈប់សម្រាក ហើយឆាប់ចរចា និងចុះហត្ថលេខាលើកិច្ចព្រមព្រៀងស្តីពី កិច្ចសហប្រតិបត្តិការពលកម្មទ្វេភាគី។ លោកប្រធានរដ្ឋសភាវៀតណាមក៏បានស្នើឲ្យ ទីក្រុង Wellington បន្តបង្កលក្ខណៈអំណោយផលសម្រាប់សហគមន៍ជនវៀតណាម នៅ នូវែលសេឡង់ហើយបញ្ជាក់ថា ក្រុមហ៊ុនអាកាសចរណ៍វៀតណាមត្រៀមខ្លួនជា ស្រេចបើកជើង ហោះហើរត្រង់បន្ថែមទៀតទៅកាន់ទីក្រុងធំៗនៃប្រទេសនូវែលសេឡង់។ ភាគីទាំងពីរបានឯកភាពពង្រឹងកិច្ចសហប្រតិបត្តិការសេដ្ឋកិច្ច-ពាណិជ្ជកម្ម-វិនិយោគ ដោយនាំវិស័យនេះក្លាយទៅជាកម្លាំងចលករសម្រាប់ការអភិវឌ្ឍទំនាក់ទំនង នៃប្រទេសទាំងពីរ ហើយចាត់ទុកថា កិច្ចព្រមព្រៀងពាណិជ្ជកម្មសេរីដែលប្រទេស ទាំងពីរជាសមាជិក គឺជាក្របខ័ណ្ឌសំខាន់ដើម្បីជំរុញកិច្ចសហប្រតិបត្តិការសេដ្ឋកិច្ច។

ក្រៅពីវិស័យសហប្រតិបត្តិការប្រពៃណី ដូចជាការអប់រំ-បណ្តុះបណ្តាល ទេសចរណ៍ វប្បធម៌ កីឡា ពលកម្ម កសិកម្ម-រុក្ខាប្រមាញ់-នេសាទនោះ ភាគីទាំងពីរចាំបាច់ត្រូវ ពង្រីកកិច្ចសហប្រតិបត្តិការទៅកាន់វិស័យថ្មី និងមានសក្តានុពលនានា ដូចជា ការ ផ្លាស់ប្តូរឌីជីថល ការបំប្លែងថាមពល ការប្រែប្រួលអាកាសធាតុ ជាដើម។ ភាគីទាំងពីរបានឯកភាពរក្សាការពិគ្រោះយោបល់ ការសម្របសម្រួល និងការ គាំទ្រគ្នាទៅវិញទៅមកនៅយន្តការសហប្រតិបត្តិការពហុភាគី វេទិកាសភាតំបន់ និងអន្តរជាតិ៕