 |
យោងតាមនោះ នាយករដ្ឋមន្ត្រីអង់គ្លេស លោកស្រី Theresa May បានឲ្យដឹងថា លោកស្រី នៅតែចង់ឱ្យដំណើរការ Brexit ប្រព្រឹត្តទៅស្របតាមផែនការគ្រោងទុកជាមុន ព្រមទាំងរំលឹកឡើងវិញនូវការប្តេជ្ញាក្នុងការបោះឆ្នោតស្តីអំពីកិច្ចព្រមព្រៀង Brexit វិសោធនកម្មនៅឯសភាជាន់ទាបនៅថ្ងៃទី ១២ ខែមីនាខាង មុខ។ ប្រសិនបើកិច្ចព្រមព្រៀងនេះ មិនបានអនុម័តនោះ រដ្ឋាភិបាលនឹងរៀបចំការបោះឆ្នោតមួយផ្សេងទៀត នៅថ្ងៃទី ១៣ ខែមីនា ដើម្បីអ្នកតាក់តែងច្បាប់សំរេចថាតើមានការយល់ព្រមលើសេណារីយ៉ូ " Brexit រឹងមួយ" ដែរឬអត់។ ប្រសិនបើគេបន្តបដិសេដទៀតនោះ រដ្ឋសភានឹងធ្វើការបោះឆ្នោតនៅថ្ងៃទី ១៤ ខែមីនា ស្តីពីការស្វែងរក "ការពន្យារពេលរយៈពេលខ្លីនិងមានកម្រិត" ចំពោះមាត្រា ៥០ នៃសន្ធិសញ្ញា Lisbon ផងដែរ៕
