 មេដឹកនាំគណបក្សសាធារណរដ្ឋក្នុងសភាជាន់ទាបអាមេរិក លោក Kevin McCarthy ឆ្លើយអ្នកសារព័ត៌មានបន្ទាប់ពីកិច្ចប្រជុំសម្ងាត់របស់គណបក្សនេះនៅរដ្ឋធានីវ៉ាស៊ីនតោន កាលពីថ្ងៃទី៣ ខែមករា។ (រូបថត៖ Reuters) |
លោក McCarthy ធ្លាប់ជាមេដឹកនាំក្រុមភាគតិចនៅក្នុងសភាជាន់ទាប ហើយ កំពុងរត់ប្រណាំងដើម្បីក្លាយជាប្រធានស្នងបន្តលោកស្រី Nancy Pelosi ជាមុខតំណែង ដែលមានអំណាចធំបំផុតទីពីរ នៅក្នុងបញ្ជីឈ្មោះស្នងតំណែងប្រធានាធិបតី។ លើក ចុងក្រោយដែលសភាជាន់ទាបអាមេរិកបានបរាជ័យក្នុងការបោះឆ្នោតជ្រើសតាំង ប្រធាននៅក្នុងការបោះឆ្នោតលើកដំបូងគឺនៅឆ្នាំ ១៩២៣ នៅពេលដែលស្ថាប័ននេះត្រូវ ឆ្លងកាត់ការបោះឆ្នោតចំនួន ៩ ជុំដើម្បីជ្រើសតាំងមេដឹកនាំថ្មី។
ការដែលមិនអាចបោះឆ្នោតបានប្រធានសភាជាន់ទាប ក៏បានបង្ហាញ ឲ្យឃើញការបែកបាក់គ្នានៅក្នុងគណបក្សសាធារណៈរដ្ឋ ព្រមទាំងពន្យាពេលកិច្ចខិតខំ ប្រឹងប្រែងរបស់គណបក្សនេះក្នុងការអនុវត្តយ៉ាងឆាប់រហ័សនូវអាទិភាពនានា រួមទាំង ការស៊ើបអង្កេតទៅលើអាជ្ញាធរនិងក្រុមគ្រួសារប្រធានា ធិបតីលោក Joe Biden ក៏ដូច ជាបញ្ហាសេដ្ឋកិច្ច ឯករាជ្យថាមពល និងសន្តិសុខព្រំដែនផងដែរ៕
