ព្រឹត្តិការណ៍នេះ ត្រូវបានរៀបចំឡើងដើម្បីរំលឹកខួបលើកទី ៥ នៃបណ្តាញសកលសម្រាប់ការបង្រៀនភាសា និងវប្បធម៌វៀតណាម។ វេទិកានេះត្រូវបានធ្វើឡើងក្នុងទម្រង់នៃការចូលរួមដោយផ្ទាល់ និងតាមអ៊ីនធឺណិតពីប្រទេសវៀតណាម និងប្រទេសជាច្រើនជុំវិញពិភពលោក។
ថ្លែងនៅក្នុងវេទិកានេះ លោក ឌិញ ង៉ុកឌឹក នាយកមជ្ឈមណ្ឌលវប្បធម៌វៀតណាមនៅប្រទេសបារាំង បានសង្កត់ធ្ងន់ថា ភាសា និងវប្បធម៌វៀតណាម គឺជាទ្រព្យសម្បត្តិខាងស្មារតីដ៏មានតម្លៃរបស់ប្រទេសជាតិ។ យោងតាមលោក ភាសាកំណើតមិនត្រឹមតែជាមធ្យោបាយទំនាក់ទំនងប៉ុណ្ណោះទេ ប៉ុន្តែក៏ជាខ្សែអំបោះ តភ្ជាប់សហគមន៍ជនវៀតណាមនៅបរទេស ជាមួយមាតុភូមិ គ្រួសារ និងឫសគល់របស់ពួកគេផងដែរ។ លោកបានចាត់ទុកថា ចាំបាច់ត្រូវបន្តផ្លាស់ប្តូរថ្មីវិធីសាស្រ្តបង្រៀន និងបង្កើនសកម្មភាពវប្បធម៌ ដើម្បីជួយយុវជនជំនាន់ក្រោយដែលកើតមកនិងធំដឹងក្តីនៅបរទេស បង្កើនជំនាញភាសាវៀតណាម និងយល់កាន់តែច្បាស់អំពីអត្តសញ្ញាណជាតិរបស់ខ្លួន។
ក្រោយរយៈពេល ៥ ឆ្នាំ បណ្តាញសកលសម្រាប់ការបង្រៀនភាសា និងវប្បធម៌វៀតណាម កំពុងបន្តបញ្ជាក់ពីតួនាទីជាស្ពានតភ្ជាប់ រួមចំណែកដល់ការផ្សព្វផ្សាយភាសាវៀតណាម និងវប្បធម៌វៀតណាមដល់មិត្តភក្តិអន្តរជាតិ៕
