លោកស្រីឯកអគ្គរដ្ឋទូត Nguyen Phuong Nga ប្រធានសម្ព័ន្ធអង្គការមិត្តភាពវៀតណាម។ (រូបថត៖ VNA)
លោកស្រីឯកអគ្គរដ្ឋទូត Nguyen Phuong Nga បានសង្កត់ធ្ងន់ថា កិច្ចការ បរទេសប្រជាជននិយាយរួម និងសកម្មភាពរបស់សម្ព័ន្ធអង្គការ មិត្តភាពនិយាយដោយឡែក មានបេសកកម្មដ៏ខ្ពង់ខ្ពស់នោះគឺពូនជ្រុំឲ្យសន្តិភាពនិង ចំណងមិត្តភាព។ ក្នុង ដំណាក់កាលដ៏លំបាកបំផុតដោយសារតែជំងឺរាតត្បាត ការ តភ្ជាប់ជាមួយមិត្តភក្តិអន្តរជាតិនៅតែត្រូវបានអនុវត្តន៍ជាមួយនឹងសកម្មភាពរាប់រយ ដែលត្រូវបានរៀបចំឡើងតាមរយៈសិក្ខាសាលា កិច្ចពិភាក្សា និងសកម្មភាពនានាក្នុង ឱកាសទិវាបុណ្យសំខាន់ៗដូចជាការរំលឹកខួបអនុស្សាវរីយ៍ទំនាក់ទំនងមិត្តភាពរវាង វៀតណាមនិងប្រទេសមិត្ត។ ក្រៅពីសកម្មភាពទ្វេភាគីជាមួយបណ្ដាប្រទេស កិច្ចការ បរទេសប្រជាជនក៏ខិតខំប្រឹងប្រែងចូលរួមយ៉ាងសកម្ម បង្ហាញតួនាទី ឋានៈរបស់វៀត ណាមនៅវេទិការប្រជាជនពហុភាគីផងដែរ។ តាមរយៈយន្តការ និងវេទិកាទាំងនេះ បន្តលើកកំពស់រូបភាពវៀតណាមជាមួយពិភពលោកដើម្បីឲ្យមិត្តភក្តិអន្តរជាតិអាចយល់ដឹងកាន់តែច្បាស់អំពីគោលមាគ៌ា និងគោលនយោបាយកិច្ចការបរទេសនិងក្នុងស្រុករបស់វៀតណាម រួមចំណែកក្នុងការដោះស្រាយបញ្ហារួមដែលសហគមន៍អន្តរជាតិកំពុងប្រឈមមុខ។
លោកស្រីឯកអគ្គរដ្ឋទូត Nguyen Phuong Nga បានសង្កត់ធ្ងន់ថា ការដាក់ ពង្រាយអនុវត្តន៍កិច្ចការបរទេសប្រជាជនក្នុងស្ថានភាពថ្មីទាមទារឲ្យមានការត្រិះរះថ្មី។ ចាំបាច់ត្រូវទទួលស្គាល់ថា កិច្ចការបរទេសរវាងប្រជាជននិង ប្រជាជន មានភារកិច្ចកសាងមូលដ្ឋានសង្គមដ៏វិជ្ជមាន និងអំណោយផលសម្រាប់ការ អនុវត្តន៍ទំនាក់ទំនងកិច្ចការបរទេសរបស់ប្រទេសជាតិ។ កិច្ចការបរទេសប្រជាជន ត្រូវតែឈានមុខគេក្នុងការបង្កើតសមានចិត្ត លើកកំពស់ការយល់ដឹង កសាង ពូនជ្រុំ មនោសញ្ចេតនារបស់មិត្តភក្តិអន្តរជាតិជាមួយវៀតណាម ដើម្បីមានការយល់ដឹងយ៉ាង ជ្រាលជ្រៅអំពីគោលជំហរ គោលមាគ៌ាកិច្ចការបរទេស របស់បក្ស និងរដ្ឋ មិនត្រឹមតែ ចំពោះមិត្តភក្តិអន្តរជាតិប៉ុណ្ណោះទេ ថែមទាំងចំពោះប្រជាជនក្នុងប្រទេសផងដែរ៕