 |
ក្រៅពីនេះ អត្ថបទនេះក៏ដកស្រង់ប្រភព ព័ត៌មានមួយពី ក្រុមហ៊ុនសារព័ត៌មានកូរ៉េខាងត្បូងឲ្យបានដឹងថា អង្គភាពកម្លាំង ពិសេសមួយរបស់អាមេរិកដែលបោះទ័ពនៅជប៉ុន កំពុងធ្វើសមយុទ្ធមួយនៅលើ លំហរអាកាស សំដៅ «ឈ្លានពានទីក្រុងព្យុងយ៉ាង» ។ អត្ថបទនេះក៏បានសង្កត់ ធ្ងន់ទៀតថា ប្រទេសកូរ៉េ ខាងជើងមិនទ្រាំបាននឹងគោលនយោបាយ «មុខពីរ» របស់អាមេរិកខណៈដែល វ៉ាស៊ីនតោនកំពុងមមាញឹកនឹងការធ្វើសមយុទ្ធសម្ងាត់ ផងហើយ អនុវត្តកិច្ចសន្ទនាដោយក្តីរីករាយនោះផងដែរ។
ប្រតិកម្មនឹងព័ត៌មានខាងលើនេះ អ្នកនាំពាក្យរបស់ស្ថានទូតអាមេរិកប្រចាំនៅ ទីក្រុងសេអ៊ូលបានឲ្យដឹងថា លោកមិនទាន់ដឹងច្បាស់អំពីព័ត៌មានអំពីការធ្វើ សមយុទ្ធណាមួយដែលកាសែត Rodong Sinmun បានផ្សព្វផ្សាយនោះឡើយ ហើយអ្នកនាំពាក្យកងទ័ពអាមេរិកប្រចាំនៅកូរ៉េខាងត្បូងមិនទាន់បញ្ចេញអត្ថាធិប្បាយអំពីព័ត៌មាននេះផងដែរ៕
