 |
ថ្លែងនៅក្នុងសន្និសីទសារព័ត៌មាន នារសៀលថ្ងៃទី ២៤ ខែមេសា បន្ទាប់ពីបានបញ្ចប់ការចរចារក្នុងរយៈពេលមួយសប្តាហ៍ជាមួយចក្រភពអង់គ្លេស ស្តីពីកិច្ចព្រមព្រៀងក្រោយ Brexit នោះ ប្រធានក្រុមអ្នកចរចារបស់ EU លោក Michel Barnier បានឲ្យដឹងថា ភាគីទាំងពីរមិនទទួលបានវឌ្ឍនភាពគួឲ្យកត់សម្គល់ណាមួយឡើយ ។ ទន្ទឹមនឹងនេះ ភាគី EU បានរិះគន់អង់គ្លេសគឺខ្វះការសន្យាក្នុងប្រធានបទដ៏សំខាន់ៗនៃការចរចា។
ជាពិសេស ក្នុងបញ្ហាចក្រភពអង់គ្លេសចាំបាច់ត្រូវពន្យារពេលអន្តរកាល Brexit ដែលគ្រោងនឹងបញ្ចប់នាចុងឆ្នាំនេះ ដើម្បីមានពេលវេលាបន្ថែមទៀតសម្រាប់ការចរចានោះ លោក Michel Barnier បានចាត់ទុកថា៖ ទស្សនៈដែលមានលក្ខណៈចាប់បង្ខំនេះរបស់អង់គ្លេសគឺមិនអាចទទួលយកបានឡើយ។
ជាការឆ្លើយតប នឹងការរិះគន់របស់ភាគី EU ក្នុងសេចក្តីប្រកាស ដែលបាននាំចេញនារសៀលថ្ងៃទី ២៤ ខែមេសារដ្ឋាភិបាលអង់គ្លេសបានឲ្យដឹងថា ភាគីទាំងពីរនឹងមិនអាចចុះសម្រុងគ្នាក្នុងកិច្ចព្រមព្រៀងឡើយ ដរាបណា EU នៅតែដាក់លក្ខខណ្ឌចំពោះអង់គ្លេស ដោយមិនយល់ដឹងថា អង់គ្លេសបានចាកចេញពី EU ហើយ។តាមផែនការជុំរចរចាជាបន្តនឹងប្រព្រឹត្តិទៅនាថ្ងៃទី ១១ ខែឧសភាខាងមុខ៕
