នៅព្រឹកថ្ងៃទី៣០ ខែកញ្ញា តាមសំណើររបស់លោក Ted Osius ប្រធាននិងជា អគ្គនាយកក្រុមប្រឹក្សាធុរកិច្ចអាមេរិក-អាស៊ាន ប្រធានរដ្ឋសភាវៀតណាមលោក Vuong Dinh Hue បានអញ្ជើញធ្វើជាអធិបតីនៅជំនួបធ្វើការដោយផ្ទាល់គួបផ្សំនឹងការចូលរួម តាមប្រព័ន្ធវីដេអ៊ូជាមួយក្រុមធុរជនជាន់ខ្ពស់នៃក្រុមប្រឹក្សាធុរកិច្ចអាមេរិក-អាស៊ាន។
ជំនួបធ្វើការគឺសំដៅបង្ហាញការប្ដេជ្ញាចិត្តនៃវិស័យសេដ្ឋកិច្ចឯកជនអាមេរិកក្នុងតួនាទីជាដៃគូនិងប្រភពធនធានគួរឲ្យជឿទុកចិត្ត ក្នុងការជំរុញគោលដៅអាទិភាពនានា ជាពិសេសគឺការផ្លាស់ប្ដូរឌីជីថលនិងការអភិវឌ្ឍប្រកបដោយចីរភាពរបស់វៀតណាម។
 លោកប្រធានរដ្ឋសភា Vuong Dinh Hue ថ្លែងនៅជំនួបធ្វើការ។ (រូបថត៖ quochoi.vn) |
ចែករំលែកជាមួយការលំបាករបស់សហគ្រាសអាមេរិកនិងដៃគូនានាដែលកំពុងធ្វើផលិតកម្មនៅវៀតណាម នៅចំពោះមុខការវិវឌ្ឍដ៏ស្មុគស្មាញនៃរលកជម្ងឺរាតត្បាត កូវីដ ១៩ លើកទី៤នោះ លោកប្រធានរដ្ឋសភា Vuong Dinh Hue ជឿជាក់ថា នេះ ត្រឹមតែជាការលំបាកបណ្ដោះអាសន្នក្នុងរយៈពេលខ្លីខាងមុខ ដោយសារតែវៀតណាម មានមូលដ្ឋានគ្រឹះដ៏ល្អប្រសើរដើម្បីជួយភាគីនានាបន្តសហប្រតិបត្តិការឆ្ពោះទៅរក កំណើនប្រកបដោយចីរភាព ដើម្បីវិបុលភាពរួមនៃប្រទេសទាំងពីរក៏ដូចជាសហគមន៍ ធុរកិច្ចនិងប្រជាជននៃប្រទេសទាំងពីរផងដែរ។ លោកប្រធានរដ្ឋសភាបានអះអាងថា វៀតណាមជានិច្ចកាលគោរពទំនាក់ទំនងជាមួយអាមេរិកហើយមានបំណងចង់ អភិវឌ្ឍន៍ទំនាក់ទំនងភាពជាដៃគូគ្រប់ជ្រុងជ្រោយទ្វេភាគីដោយឈរលើផលប្រយោជន៍ទៅវិញទៅមក នាំមកនូវផ្លែផ្កាជាក់ស្ដែងសម្រាប់ប្រទេសទាំងពីរ សហគមន៍ធុរកិច្ច និងប្រជាជននៃប្រទេសទាំងពីរ។
 លោក Ted Osius ប្រធាននិងជាអគ្គនាយកក្រុមប្រឹក្សាធុរកិច្ចអាមេរិក-អាស៊ាន ថ្លែងតាមប្រព័ន្ធវីដេអូ។ |
