នាយករដ្ឋមន្ត្រីវៀតណាមលោក Pham Minh Chinh បានទទួលជួបលោក Ryan McInerney នាយកប្រតិបត្តិសម្ព័ន្ធក្រុមហ៊ុន Visa។ (រូបថត៖ VOV)
ក្នុងជំនួបជាមួយលោក Ryan McInerney នាយកប្រតិបត្តិសម្ព័ន្ធក្រុមហ៊ុន Visa ដែលជាសម្ព័ន្ធក្រុមហ៊ុនទូទាត់ឌីជីថលឈានមុខគេរបស់សហរដ្ឋអាមេរិក លោកនាយ ករដ្ឋមន្ត្រីបានមានប្រសាសន៍ថា វៀតណាមទើបតែបានសម្ពោធមជ្ឈមណ្ឌលនវានុវត្តន៍ ជាតិ (NIC) ដូច្នេះមានបំណងថា Visa នឹងបង្កើនការជួយគាំទ្រ និងកិច្ចសហប្រតិបត្តិ ការជាមួយវៀតណាម ដើម្បីអភិវឌ្ឍន៍កម្មវិធីសម្រាប់សហគមន៍ចាប់ផ្តើមអាជីវកម្មនិងនវានុវត្តន៍។ លោកនាយករដ្ឋមន្ត្រីក៏បានស្នើឱ្យ Visa សហប្រតិបត្តិការជាមួយធនាគារ រដ្ឋវៀតណាម ដើម្បីកសាងយុទ្ធសាស្ត្រហិរញ្ញវត្ថុគ្រប់ជ្រុងជ្រោយ; អភិវឌ្ឍន៍ប្រព័ន្ធ ហិរញ្ញវត្ថុប្រកបដោយស្ថិរភាព និរន្តរភាព និងសម្បូរបែប។ ជាពិសេស លោកនាយក រដ្ឋមន្ត្រីបានស្នើឲ្យ Visa ដាក់ពង្រាយដំណោះស្រាយបច្ចេកវិទ្យាខ្ពស់ ដើម្បីឲ្យប្រជាជន ក្នុងតំបន់ផ្សេងៗគ្នាអាចទទួលបានសេវាហិរញ្ញវត្ថុ។
លោកនាយករដ្ឋមន្រ្តី Pham Minh Chinh ទទួលជួបលោក Michael Punke អនុប្រធានទទួលបន្ទុកគោល នយោបាយសាធារណៈសកលនៃសម្ព័ន្ធក្រុមហ៊ុន Amazon Web Services (AWS)។ (រូបថត៖ VOV)
នៅក្នុងជំនួបជាមួយលោក Michael Punke អនុប្រធានទទួលបន្ទុកគោល នយោបាយសាធារណៈសកលនៃសម្ព័ន្ធក្រុមហ៊ុន Amazon Web Services (AWS) – ក្រុមហ៊ុនបច្ចេកវិទ្យាឈានមុខគេលើវិស័យគណនាពពក ការផ្សាយឌីជីថល បញ្ញា សិប្បនិម្មិតនិងពាណិជ្ជកម្មអេឡិចត្រូនិកនោះ លោកនាយករដ្ឋមន្រ្តី Pham Minh Chinh បានស្នើឱ្យ Amazon បន្តផ្ដល់ធនធានដើម្បីជួយវៀតណាមធ្វើបរិវត្តកម្មឌីជីថល អនុវត្តន៍បច្ចេកវិទ្យាគណនាពពក និងកសាងដំណោះស្រាយដើម្បីធានាសុវត្ថិភាព តាមអ៊ិនធឺណិត; កសាងកម្មវិធីបណ្តុះបណ្តាល និងផ្ដល់ប្រឹក្សាផ្នែកលក់សម្រាប់ដៃគូ វៀតណាមដែលមានសក្តានុពលនៅលើផ្លាតហ្វម Amazon; ជំរុញសកម្មភាពសហប្រតិ បត្តិការជាមួយមជ្ឈមណ្ឌលនវានុវត្តន៍ជាតិ (NIC) ដើម្បីជំរុញការនាំចេញឆ្លងដែន និង កសាងម៉ាកយីហោវៀតណាមនៅលើផ្សារអេឡិចត្រូនិករបស់ Amazon៕