នាយករដ្ឋមន្ត្រីវៀតណាមលោក Pham Minh Chinh ទទួលជួបលោក Kudryashov Sergei Ivanovich អគ្គនាយកក្រុមហ៊ុន Zarubezhneft។ (រូបថត៖ VGP)
លោកនាយករដ្ឋមន្ត្រី Pham Minh Chinh បានឲ្យដឹងថា៖ វៀតណាមជានិច្ចកាល គាំទ្រ និងបង្កើតលក្ខខណ្ឌជំរុញកិច្ចសហប្រតិបត្តិការប្រេង ឧស្ម័នរវាងប្រទេសទាំងពីរ ដោយឈរលើគោលការណ៍ “ផលប្រយោជន៍ចុះសម្រុងគ្នា ហានិភ័យចែករំលែកគ្នា”។ លោកនាយករដ្ឋមន្ត្រីបានស្នើឱ្យថ្នាក់ដឹកនាំក្រុមហ៊ុន Zarubezhneft និងសម្ព័ន្ធក្រុមហ៊ុន ប្រេងឧស្ម័នវៀតណាម (PetroVietnam) ពិភាក្សា និងចង្អុលបង្ហាញយ៉ាងច្បាស់នូវ ខ្លឹមសារត្រូវការដោះស្រាយ; ស្នើដំណោះស្រាយដើម្បីឲ្យកិច្ចសហប្រតិបត្តិការប្រេងឧស្ម័នរវាងប្រទេសទាំងពីរបន្តសម្រេចបានលទ្ធផលប្រសើរជាងមុន។
រីឯខ្លួនវិញ លោក Kudryashov Sergei Ivanovich បានឲ្យដឹងថា ក្រោយរយៈ ពេលជាង ៤០ ឆ្នាំ កិច្ចសហប្រតិបត្តិការរវាងក្រុមហ៊ុន Zarubezhneft និងសម្ព័ន្ធ ក្រុមហ៊ុន PetroVietnam សម្រេចបានជោគជ័យជាច្រើន ក្នុងការរុករកភូគព្ភសាស្ត្រ និងការធ្វើអាជីវកម្មប្រេងឧស្ម័ន។ លោក Kudryashov Sergei Ivanovich បានឲ្យដឹងថា ភាគីរុស្ស៊ីមានបំណងចង់បន្តជំរុញកិច្ចសហប្រតិបត្តិការជាមួយវៀតណាមលើគ្រប់វិស័យ ជាពិសេសសេដ្ឋកិច្ច ពាណិជ្ជកម្ម និងការវិនិយោគ រួមទាំងកិច្ចសហប្រតិបត្តិការ ប្រេងឧស្ម័នផងដែរ។ ក្រុមហ៊ុន Zarubezhneft ចង់ពង្រីកកិច្ចសហប្រតិបត្តិការជាមួយ វៀតណាមលើវិស័យផ្សេងទៀត ក្នុងនោះមានការអភិវឌ្ឍវាយោអគ្គីសនីនៅឯនាយ សមុទ្រវៀតណាម៕