នាយករដ្ឋមន្ត្រីវៀតណាមលោក Pham Minh Chinh ជួបសន្ទនាជាមួយអគ្គលេខាធិការអង្គការសហប្រជាជាតិលោក Antonio Guterres។ (រូបថត៖ VNA)
ក្នុងជំនួបនេះ លោកនាយករដ្ឋមន្ត្រីបានឲ្យដឹងថា វៀតណាមកំពុងសម្រប សម្រួលយ៉ាងសកម្មជាមួយអង្គការនានាក្នុងប្រព័ន្ធអង្គការសហប្រជាជាតិ ដើម្បី អនុវត្តន៍សកម្មភាពសហប្រតិបត្តិការជាច្រើន ជាពិសេសលើការធានាសន្តិសុខអន្តរ ជាតិ ការចូលរួមបេសកកម្មរក្សាសន្តិភាពរបស់អង្គការសហប្រជាជាតិនៅចំណុចក្ដៅ គគុកជាច្រើន ការអនុវត្តគោលដៅអភិវឌ្ឍន៍ប្រកបដោយចីរភាព ការផ្លាស់ប្ដូរថាមពល ដោយសមធម៌ ការអនុវត្តសមធម៌សង្គម ដោយមិនទុកចោលនរណាម្នាក់នៅពីក្រោយ ឡើយ។ ក្នុងនាមជាប្រទេសមួយក្នុងចំណោមប្រទេសដែលរងផលប៉ះពាល់យ៉ាងធ្ងន់ធ្ងរ បំផុតដោយបម្រែបម្រួលអាកាសធាតុ លោកនាយករដ្ឋមន្ត្រីបានអះអាងថា វៀតណាម សន្យាធ្វើសកម្មភាពយ៉ាងខ្លាំងក្លាឆ្ពោះទៅរកការផ្លាស់ប្តូរបៃតង ការផ្លាស់ប្តូរថាមពល ជំរុញសមធម៌ និងយុត្តិធម៌ ហើយទន្ទឹមនឹងនោះ ប្រទេសកំពុងអភិវឌ្ឍន៍នានាចាំបាច់ ត្រូវទទួលបានការជួយឧបត្ថម្ភជាអាទិភាពខាងដើមទុន បច្ចេកវិទ្យា ការបណ្តុះបណ្តាល និងការគ្រប់គ្រង។
រីឯខ្លួនវិញ អគ្គលេខាធិការអង្គការសហប្រជាជាតិ លោក Antonio Guterres បាន ថ្លែងអំណរគុណចំពោះកិច្ចសហប្រតិបត្តិការ និងការគាំទ្រដ៏ធំធេងរបស់វៀតណាម ចំពោះអង្គការសហប្រជាជាតិលើគ្រប់វិស័យសកម្មភាពអាទិភាព ជាពិសេសការរក្សា សន្តិភាព និងសន្តិសុខអន្តរជាតិ ការប្រែប្រួលអាកាសធាតុ ការអភិវឌ្ឍប្រកបដោយចីរ ភាព ការធានាសិទ្ធិមនុស្ស ... ជាពិសេសការសន្យាយ៉ាងមុតមាំក្នុងការអនុវត្ត SDGs សកម្មភាពអាកាសធាតុ និងការផ្លាស់ប្តូរថាមពលប្រកបដោយសមធម៌។ លើសពីនេះ លោកអគ្គលេខាធិការ Guterres បានចែករំលែកយ៉ាងពេញលេញនូវទស្សនៈរបស់វៀត ណាមអំពីការជំរុញពហុភាគីនិយម ជំរុញការអភិវឌ្ឍប្រកបដោយចីរភាព និងការកែ ទម្រង់ស្ថាប័នហិរញ្ញវត្ថុអន្តរជាតិ ដើម្បីជួយឧបត្ថម្ភបណ្ដាប្រទេសកំពុងអភិវឌ្ឍន៍៕