 ប្រធានរដ្ឋ លោក Vo Van Thuong អញ្ជើញទទួលជួបអភិបាលខេត្ត Fukuoka និងថ្នាក់ដឹកនាំនៃតំបន់មួយចំនួនក្នុងតំបន់ Kyushu ដូចជាខេត្ត Nagasaki, Miyazaki, Saga និង Kagoshima (រូបថត៖ VOV) |
នៅក្នុងជំនួបនេះ ប្រធានរដ្ឋលោក Vo Van Thuong បានស្នើអភិបាលខេត្ត Fukuoka និងថ្នាក់ដឹកនាំមូលដ្ឋាននៃតំបន់ Kyushu ខិតខំប្រឹងប្រែងដើម្បីសម្រេចបាននូវក្របខ័ណ្ឌទំនាក់ទំនងថ្មី តាមរយៈការជំរុញដៃគូសហប្រតិបត្តិការក្នុងតំបន់រវាងតំបន់ Kyushu និងតំបន់នានារបស់វៀតណាម។ ម្យ៉ាងវិញទៀត ជំរុញការវិនិយោគរបស់សហគ្រាសក្នុងតំបន់ Kyushu ចូលមកវៀតណាម ជាពិសេសក្នុងវិស័យជាប្រៀបខ្លាំងរបស់មូលដ្ឋាន បង្កើនការជ្រើសរើសបុគ្គលិក កម្មសិក្សាការី និងសហការបណ្តុះបណ្តាលប្រភពធនធានមនុស្ស។
 លោកប្រធានរដ្ឋស្នើភាគីជប៉ុនជួយឧបត្ថម្ភ និងបង្កើតលក្ខខណ្ឌសម្រាប់ពលរដ្ឋវៀតណាមនៅជប៉ុន (រូបថត៖ VOV) |
អភិបាលខេត្ត Fukuoka លោក Hattori Seitaro និងថ្នាក់ដឹកនាំមូលដ្ឋានមួយចំនួនក្នុងតំបន់ Kyushu បានអះអាងថា តំបន់ Kyushu មានបំណងចង់ពង្រឹងកិច្ចសហប្រតិបត្តិការជាមួយមូលដ្ឋានវៀតណាម ហើយក៏មានបំណងចង់ទទួលបានកម្មករនិយោជិតប្រកបដោយគុណភាពខ្ពស់បន្ថែមទៀត និងជំនាញការវៀតណាម មកធ្វើការក្នុងខេត្ត។ ចំណែកឯអភិបាលខេត្ត Hattori មានបំណងចង់បន្តកម្មវិធីទស្សនកិច្ចសិក្សារបស់សិស្សានុសិស្សថ្នាក់វិទ្យាល័យមកកាន់វៀតណាម តាមនោះ ជំរុញការយោគយល់គ្នារវាងយុវជនជំនាន់ក្រោយនៃប្រទេសទាំងពីរ។ ហើយអភិបាលខេត្ត Miyazaki, Saga និង Kagoshima ចង់ជំរុញកិច្ចសហប្រតិបត្តិការលើវិស័យធនធានមនុស្ស និងជំរុញការទទួលជនវៀតណាមកាន់តែច្រើនមកធ្វើការ និងសិក្សានៅក្នុងបណ្តាខេត្តផងដែរ៕
