 |
ប្រធានគណៈកម្មាធិការកិច្ចការបរទេសអាស៊ី-ប៉ាស៊ីហ្វិកនិងអាហ្វ្រីក នៃព្រឹទ្ធសភាម៉ិកស៊ិក លោកស្រី Cora Cecilia Pinedo Alonso បានលើកឡើងការអះអាងដូចពោលខាងលើនេះ នៅក្នុងជំនួបពិភាក្សាជាមួយឯកអគ្គរដ្ឋទូតវៀតណាមប្រចាំនៅម៉ិកស៊ិក លោក Nguyen Hoai Duong នាថ្ងៃទី២៣ ខែតុលា។
ក្នុងជំនួប លោកស្រី Cora Cecilia Pinedo Alonso បានសង្កត់ធ្ងន់ថា ឆ្លងកាត់រយៈពេល៤០ឆ្នាំនៃការបង្កើតទំនាក់ទំនងការទូតវៀតណាមនិងម៉ិកស៊ិក ប្រទេសទាំងពីរបានរួមសហការគ្នាយ៉ាងស៊ីជម្រៅនិងទូលាយលើវិស័យនយោបាយ វប្បធម៌ និងសេដ្ឋ កិច្ច។ រីឯខ្លួនវិញ លោក Nguyen Hoai Duong បានអះអាងថា ទំនាក់ទំនងនៃប្រទេសទាំងពីរកំពុងអភិវឌ្ឍន៍យ៉ាងខ្លាំងក្លាលើគ្រប់វិស័យ ក្នុងនោះមានកិច្ចសហប្រតិបត្តិការអន្តរសភាផងដែរ។
លោក Nguyen Hoai Duong បានវាយតម្លៃខ្ពស់ចំពោះការជួយឧបត្ថម្ភនិងសហការរបស់រដ្ឋសភាពីរជាន់របស់ម៉ិកស៊ិកក្នុងការរៀបចំសកម្មភាពវប្បធម៌ សំដៅផ្សព្វផ្សាយរូបភាពទឹកដីនិងមនុស្សវៀតណាម តាមរយៈនោះបានបង្កើនការយល់ដឹងគ្នាទៅវិញ ទៅមករវាងប្រទេសទាំងពីរផងដែរ៕
