មនុស្សស្លាប់កើនដល់៩៥នាក់ក្នុងករណីបំផ្ទុះគ្រាប់បែកកក្រើកទីក្រុងកាប៊ុល

ក្រុមប្រឹក្សាសន្តិសុខអង្គការសហប្រជាជាតិ បានថ្កោលទោសយ៉ាងខ្លាំង ការវាយប្រហារភេរវកម្ម នាថ្ងៃទី២៧មករានៅទីក្រុងកាប៊ុល របស់អាហ្វហ្គានីស្ថាន បណ្ដាលអោយមនុស្សជាង៩៥នាក់ត្រូវស្លាប់ និងមនុស្សជិត១៦០នាក់រងរបួស។

ក្នុងពេលជាមួយគ្នានោះ ថ្លែងមតិនៅទីក្រុង Addis Ababa របស់ Ethiopia អគ្គលេខាធិការអង្គកា សហប្រជាជាតិ លោក Antonio Guterres បានសម្ដែងនូវចំណងសាមគ្គីភាព ចំពោះរដ្ឋាភិបាល និងប្រជាជនអាហ្វហ្គានីស្ថាន។ទន្ទឹមនឹងនោះ លោកក៏បានអះអាងថា៖ការវាយប្រហារភេរវកម្មនេះជាអំពើរំលោភសិទ្ធិមនុស្សនិងច្បាប់មនុស្សធម៌អន្តរជាតិយ៉ាងខ្លាំងក្លា៕