នៅព្រឹកថ្ងៃទី ៨ ខែមិថុនា នៅទីក្រុងហាណូយ លោកនាយករដ្ឋមន្ត្រី ឡេ មិញហ៊ឹង បានធ្វើជាអធិបតីក្នុងពិធីបដិសណ្ឋារកិច្ចជាផ្លូវការ ចំពោះនាយករដ្ឋមន្ត្រីនៃព្រះរាជាណាចក្រកម្ពុជា សម្តេចមហាបវរធិបតី ហ៊ុន ម៉ាណែត។
នាយករដ្ឋមន្ត្រីវៀតណាម លោក ឡេ មិញហ៊ឹង បានស្វាគមន៍នាយករដ្ឋមន្ត្រីកម្ពុជាដោយផ្ទាល់នៅមុខទ្វាររថយន្ត។ បន្ទាប់ពីទទួលបានបាច់ផ្កាពីកុមារនៅទីក្រុងហាណូយ លោកនាយករដ្ឋមន្ត្រី ហ៊ុន ម៉ាណែត និងលោកនាយករដ្ឋមន្ត្រី ឡេ មិញហ៊ឹង បានដើរលើកំរាលព្រំក្រហមទៅកាន់វេទិកាកិត្តិយស។ នៅក្រោមទង់ជាតិនៃប្រទេសទាំងពីរ បទភ្លេងជាតិកម្ពុជា និងបទភ្លេងជាតិវៀតណាមបានបន្លឺឡើងយ៉ាងឱឡារិក ហើយនាយករដ្ឋមន្ត្រីទាំងពីរ និងគណៈប្រតិភូនៃប្រទេសទាំងពីរបានធ្វើពិធីគោរពទង់ជាតិ។ បន្ទាប់មក នាយករដ្ឋមន្ត្រីវៀតណាម លោក ឡេ មិញហ៊ឹង និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញដឹកនាំកិច្ចពិភាក្សាទ្វេភាគី៕
