នាយករដ្ឋមន្ត្រីសិង្ហបុរីបញ្ចប់ដំណើរទស្សនកិច្ចជាផ្លូវការនៅវៀតណាមដោយជោគជ័យ

នាល្ងាចថ្ងៃទី ២៩ សីហា នាយករដ្ឋមន្ត្រីសិង្ហបុរី លោក Lee Hsien Loong និង លោកជំទាវ រួមជាមួយគណៈប្រតិភូសិង្ហបុរីបានចាកចេញពីទីក្រុងហាណូយ បញ្ចប់ ដោយជោគជ័យនូវដំណើរទស្សនកិច្ចផ្លូវការនៅវៀតណាមចាប់ពីថ្ងៃទី ២៧ ដល់ថ្ងៃទី ២៩ ខែសីហា តបតាមការអញ្ជើញរបស់នាយករដ្ឋមន្ត្រីវៀតណាមលោក Pham Minh Chinh។

នាយករដ្ឋមន្ត្រីសិង្ហបុរី លោក Lee Hsien Loong និងនាយករដ្ឋមន្ត្រីវៀតណាម លោក Pham Minh Chinh។ (រូបថត៖ VGP)

ក្នុងដំណើរទស្សនកិច្ចផ្លូវការនៅវៀតណាម លោកនាយករដ្ឋមន្ត្រី Lee Hsien Loong បានអញ្ជើញជួបសន្ទនាជាមួយអគ្គលេខាបក្ស លោក Nguyen Phu Trong ប្រធានរដ្ឋ លោក Vo Van Thuong; អញ្ជើញចូលរួមពិធីទទួលបដិសណ្ឋារកិច្ច និង ជំនួបពិភាក្សាការងារ ធ្វើជាសក្ខីភាពក្នុងពិធីចុះហត្ថលេខាលើឯកសារសហប្រតិបត្តិការ រវាងប្រទេសទាំងពីរ ចូលរួមពិធីជប់លៀងជាផ្លូវការជាមួយនាយករដ្ឋមន្ត្រី លោក Pham Minh Chinh; ជួបសន្ទនាជាមួយប្រធានរដ្ឋសភា លោក Vuong Dinh Hue។ ក្នុងបណ្ដាជំនួបនិងកិច្ចពិភាក្សា លោកនាយករដ្ឋមន្ត្រី Lee Hsien Loong បានសង្កត់ធ្ងន់ ថា ក្រោយរយៈពេល ៥០ ឆ្នាំនៃការបង្កើតទំនាក់ទំនងការទូត (១៩៧៣ - ២០២៣) និង ១០ ឆ្នាំនៃការបង្កើតភាពជាដៃគូយុទ្ធសាស្ត្រ ទំនាក់ទំនងរវាងប្រទេសទាំងពីរបាន អភិវឌ្ឍន៍យ៉ាងខ្លាំងក្លា ស៊ីជម្រៅ និងពង្រីកទៅវិស័យថ្មីជាច្រើន។ សិង្ហបុរីយកចិត្តទុក ដាក់យ៉ាងខ្លាំងដល់ការបន្តពង្រឹងទំនាក់ទំនងជាមួយវៀតណាម។

ថ្នាក់ដឹកនាំវៀតណាមនិងនាយករដ្ឋមន្ត្រីសិង្ហបុរី លោក Lee Hsien Loong បានឯកភាពបន្តជំរុញកិច្ចសហប្រតិបត្តិការក្នុងវិស័យប្រពៃណី ក៏ដូចជាវិស័យថ្មីៗ រួមមាន នវានុវត្តន៍ ថាមពលស្អាត ការផ្លាស់ប្ដូរថាមពលដោយសមធម៌ ការផ្លាស់ប្តូរ ឌីជីថល ការផ្លាស់ប្តូរទេពកោសល្យនវានុវត្តន៍។ ក្នុងឱកាសនេះ ប្រទេសទាំងពីរបានចុះ ហត្ថលេខាលើឯកសារកិច្ចសហប្រតិបត្តិការចំនួន៧។

ក្នុងក្របខ័ណ្ឌនៃដំណើរទស្សនកិច្ចនេះ នាយករដ្ឋមន្ត្រីវៀតណាមលោក Pham Minh Chinh និងនាយករដ្ឋមន្ត្រីសិង្ហបុរីលោក Lee Hsien Loong បានចូលរួមសន្និសីទ ជំរុញការដាក់ពង្រាយគម្រោងសហប្រតិបត្តិការវិនិយោគវៀតណាម-សិង្ហបុរី; ជួប ប្រាស្រ័យជាមួយនិស្សិតឆ្នើមៗនៃសាកលវិទ្យាល័យជាតិហាណូយ; ជួបសន្ទនាជាមួយ តំណាងថ្នាក់ដឹកនាំវ័យក្មេងគំរូរបស់វៀតណាមនិងសិង្ហបុរី៕