នាយករដ្ឋមន្ត្រីវៀតណាមជួបជាមួយស្ថាបនិកនិងជាប្រធាន WEF នាយករដ្ឋមន្ត្រី កូរ៉េខាងត្បូង ប្រធានាធិបតីអ៊ុយក្រែន និងនាយករដ្ឋមន្ត្រីបែលហ្សិក

នាយករដ្ឋមន្ត្រីវៀតណាមលោក Pham Minh Chinh បានជួបសន្ទនាជាមួយស្ថាបនិក និងជាប្រធាន WEF លោក Klaus Schwabs។ (រូបថត៖ VNA)

រីករាយស្វាគមន៍លោកនាយករដ្ឋមន្ត្រី Pham Minh Chinh មកចូលរួមសន្និសីទ WEF Davos ជាលើកដំបូង សាស្ត្រាចារ្យ Klaus Schwab ស្ថាបនិក និងជាប្រធាន WEF បានចាត់ទុកថា ការចូលរួម និងសារប្រកបដោយចក្ខុវិស័យយុទ្ធសាស្ត្ររបស់ លោកនាយករដ្ឋមន្រ្តី Pham Minh Chinh បាននាំមកនូវដំណោះស្រាយសំខាន់ៗដើម្បី ជួយឆ្លើយតបទៅនឹងបញ្ហាប្រឈមសកល។ លោកប្រធាន WEF បានវាយតំលៃខ្ពស់ ចំពោះវៀតណាម ក្នុងនាមជាខឿនសេដ្ឋកិច្ចមួយដែលកំពុងអនុវត្តន៍កំណែទម្រង់ យ៉ាងខ្លាំងក្លា ដោយផ្តោតលើឧស្សាហកម្មបច្ចេកវិទ្យាខ្ពស់ និងការអភិវឌ្ឍបៃតង ... ព្រមទាំងជឿជាក់ថា វៀតណាមនឹងក្លាយទៅជាប្រទេសមួយក្នុងចំណោមប្រទេសមាន សេដ្ឋកិច្ចធំបំផុតទាំង ២០ នាពេលឆាប់ៗនេះ។

លោកនាយករដ្ឋមន្ត្រី Pham Minh Chinh ជួបនាយករដ្ឋមន្ត្រីកូរ៉េខាងត្បូង លោក Han Duck-soo។ (រូបថត៖ VNA)

ក្នុងជំនួបជាមួយនាយករដ្ឋមន្ត្រីកូរ៉េខាងត្បូង លោក Han Duck-soo ភាគីទាំងពីរ បានវាយតំលៃខ្ពស់ចំពោះកិច្ចសហប្រតិបត្តិការដ៏ជិតស្និទ្ធរវាងរដ្ឋាភិបាលទាំងពីរក្នុង ការអនុវត្តប្រកបដោយប្រសិទ្ធភាពនូវទំនាក់ទំនងភាពជាដៃគូយុទ្ធសាស្ត្រគ្រប់ជ្រុង ជ្រោយវៀតណាម-កូរ៉េខាងត្បូង។ លោកនាយករដ្ឋមន្ត្រី Pham Minh Chinh បានស្នើឱ្យ កូរ៉េខាងត្បូងបន្តបង្កើតលក្ខខណ្ឌអំណោយផលបន្ថែមទៀតសម្រាប់ទំនិញមុខព្រួញរបស់វៀតណាម; កសាងយ៉ាងសកម្មនូវមជ្ឈមណ្ឌលស្រាវជ្រាវនិងអភិវឌ្ឍន៍ (R&D) ហើយជួយឧបត្ថម្ភវៀតណាមក្នុងការអភិវឌ្ឍឧស្សាហកម្មកម្សាន្ត វប្បធម៌ និងម៉ូដផងដែរ។

នៅក្នុងជំនួបជាមួយប្រធានាធិបតីអ៊ុយក្រែន លោក Volodymyr Zelensky មេដឹកនាំទាំងពីរបានសង្កត់ធ្ងន់លើការគោរពទំនាក់ទំនងមិត្តភាពប្រពៃណី ភាពជាដៃគូ និងកិច្ចសហប្រតិបត្តិការគ្រប់ជ្រុងជ្រោយរវាងវៀតណាមនិងអ៊ុយក្រែន។ នៅចំពោះមុខ ស្ថានភាពបច្ចុប្បន្ន ភាគីទាំងពីរបានឯកភាពលើការស្វែងរកវិធានការដើម្បីស្តារឡើង វិញនូវការផ្លាស់ប្តូរពាណិជ្ជកម្មលើផលិតផលដែលភាគីទាំងពីរមានប្រៀបខ្លាំង។ លោក នាយករដ្ឋមន្ត្រីបានអះអាងនូវគោលជំហរដ៏ឥតងាករេរបស់វៀតណាមថា ជម្លោះទាំង អស់គួរតែត្រូវបានដោះស្រាយដោយសន្តិវិធី ស្របតាមគោលការណ៍ជាមូលដ្ឋាននៃ ច្បាប់អន្តរជាតិ និងធម្មនុញ្ញអង្គការសហប្រជាជាតិ។

ក្នុងជំនួបជាមួយនាយករដ្ឋមន្ត្រីបែលហ្ស៊ិក លោក Alexander De Croo នាយករដ្ឋមន្ត្រីទាំង ពីរបានលើកទឹកចិត្តស្ថាប័ន និងអង្គភាពអាជីវកម្មនៃប្រទេសទាំងពីរបន្តអនុវត្តន៍យ៉ាងពេញ លេញ និងប្រកបដោយប្រសិទ្ធភាពនូវកិច្ចព្រមព្រៀងពាណិជ្ជកម្មសេរីវៀតណាម-សហភាព អឺរ៉ុប (EVFTA)។ លោកនាយករដ្ឋមន្ត្រី Pham Minh Chinh បានស្នើឲ្យ បែលហ្សិកឆាប់សម្រេចដំណើរការផ្តល់សច្ចាប័នលើកិច្ចព្រមព្រៀងការពារ ការវិនិយោគវៀតណាម-សហភាពអឺរ៉ុប (EVIPA); ពង្រឹងកិច្ចសហប្រតិបត្តិការលើ វិស័យបរិវត្តកម្មឌីជីថល ថាមពលកកើតឡើងវិញ និងជួយឧបត្ថម្ភវៀតណាមក្នុងការ អភិវឌ្ឍគំរូសេដ្ឋកិច្ចកសិកម្មវិលជុំ និងកសិកម្មឆ្លាតវៃ៕