លោកឯកអគ្គរដ្ឋទូត Dang Hoang Giang ប្រធានបេសកកម្មអចិន្ត្រៃយ៍វៀតណាមនៅអង្គការសហប្រជាជាតិអញ្ជើញឯកអគ្គរដ្ឋទូត និងភារធារីនានាទទួលទានអាហារប្រពៃណី និងពិសេសរបស់ជនជាតិវៀតណាម។ (រូបថត៖ VNA)
អញ្ជើញថ្លែងមតិនៅព្រឹត្តិការណ៍នេះ លោកឯកអគ្គរដ្ឋទូត Dang Hoang Giang ប្រធានបេសកកម្មអចិន្ត្រៃយ៍វៀតណាមនៅអង្គការសហប្រជាជាតិ បានសង្កត់ធ្ងន់ លើអត្ថន័យសំខាន់នៃបុណ្យចូលឆ្នាំថ្មីសម្រាប់ប្រជាជនវៀតណាម និងប្រជាជាតិអាស៊ី ជាច្រើន។ សម្រាប់ប្រជាជនវៀតណាម បុណ្យតេតប្រពៃណី គឺជាឱកាសមួយដើម្បី ជួបជុំ ចែករំលែកគ្នា រឹតបន្តឹងទំនាក់ទំនងគ្រួសារ និងសហគមន៍។ មនុស្សគ្រប់គ្នា ក្រឡេកមើលឡើងវិញនូវឆ្នាំកន្លងទៅ ផ្ញើរសេចក្ដីជូនពរ ការដឹងគុណ និងក្តីសង្ឃឹម សម្រាប់ឆ្នាំថ្មីដោយសេចក្ដីសុខ និងវិបុលភាព។
ឈរលើស្មារតីនោះ លោកឯកអគ្គរដ្ឋទូតបានសម្តែងនូវគោលបំណងថា ឈាន ចូលឆ្នាំថ្មី ឆ្នាំរោង ឆស័ក ២០២៤ ប្រទេសសមាជិកអង្គការសហប្រជាជាតិ ជាពិសេស គណៈកម្មាធិការនៃសមាគមប្រជាជាតិអាស៊ីអាគ្នេយ៍ (អាស៊ាន) ប្រចាំនៅទីក្រុង ញូវយ៉ក បន្តពង្រឹងកិច្ចសហប្រតិបត្តិការ សាមគ្គីភាពនិង ខិតខំប្រឹងប្រែងស្វែងរក ដំណោះស្រាយចំពោះបញ្ហាប្រឈមជាសកល រួមចំណែកក្នុងការកសាងពិភពលោក សន្តិភាព ស្ថិរភាព និងការអភិវឌ្ឍប្រកបដោយចីរភាព។
ក្នុងឱកាសនេះ លោកឯកអគ្គរដ្ឋទូត Dang Hoang Giang បានអញ្ជើញឯកអគ្គ រដ្ឋទូត និងភារធារីនានាទទួលទានអាហារប្រពៃណី និងពិសេសរបស់ជនជាតិ វៀតណាម៕