កាសែត Japan Times នៅថ្ងៃទី២៨ វិច្ឆិកា បានរាយការណ៍អំពីដំណើរទស្សនកិច្ចរបស់ប្រធានរដ្ឋវៀតណាម លោក Vo Van Thuong (រូបថតអេក្រង់)។ (ប្រភព៖ baotintuc.vn)
Japan Times បានធ្វើអត្ថាធិប្បាយថា ជប៉ុន និងវៀតណាមមានទំនាក់ទំនង សេដ្ឋកិច្ចជិតស្និទ្ធតាំងពីយូរយារណាស់មកហើយ។ ប្រទេសជប៉ុនគឺជាម្ចាស់ជំនួយ អភិវឌ្ឍន៍ផ្លូវការ (ODA) ដ៏ធំបំផុតរបស់វៀតណាម ដែលជួយវៀតណាមក្លាយជាមជ្ឈ មណ្ឌលផលិតកម្មក្នុងតំបន់ និងជាប្រទេសមួយក្នុងចំណោមប្រទេសដែលមាន សេដ្ឋកិច្ចរីកចម្រើនលឿនបំផុតនៅអាស៊ី។ Japan Times ក៏បានសង្កត់ធ្ងន់លើសកម្ម ភាពផ្លាស់ប្តូរប្រជាជននិងប្រជាជនផងដែរ។ បច្ចុប្បន្ននេះ សហគមន៍
ជនវៀតណាមជា សហគមន៍ជនបរទេសធំទីពីរនៅប្រទេសជប៉ុន ដោយមានប្រជាជនចំនួន ៥២ ម៉ឺននាក់ ហើយដើរតួនាទីយ៉ាងសំខាន់ក្នុងកម្មវិធីកម្មសិក្សាបច្ចេកទេសរបស់ជប៉ុន។ ក្នុងពេលជាមួយគ្នានោះ កាសែត Japan News កាលពីថ្ងៃទី ២៨ វិច្ឆិកា បានធ្វើ អត្ថាធិប្បាយថា ប្រទេសជាច្រើនកំពុងខិតជិតវៀតណាម ដែលជាប្រទេសកំពុង អនុវត្តន៍ “ការទូតពហុទិស” ហើយជប៉ុនក៏ចង់តាមទាន់និន្នាការនេះដែរ។
កាសែត Mainichi កាសែត Yomiuri និងទីភ្នាក់ងារសារព័ត៌មាន Jiji នាថ្ងៃទី ២៨ ខែវិច្ឆិកា បានរាយការណ៍អំពីជំនួបរបស់លោកប្រធានរដ្ឋ Vo Van Thuong និងលោក ជំទាវជាមួយព្រះចៅអធិរាជ Naruhito និងអគ្គមហេសីជប៉ុន។ កាសែត និងទីភ្នាក់ងារ សារព័ត៌មានទាំងនេះ បានដកស្រង់ព្រះបន្ទូលព្រះចៅអធិរាជ Naruhito ដោយសម្តែងក្តី សង្ឃឹមថា ទំនាក់ទំនងប្រវត្តិសាស្ត្រដ៏យូរលង់រវាងជប៉ុន និងវៀតណាមនឹងអភិវឌ្ឍន៍ បន្ថែមទៀត តាមរយៈដំណើរទស្សនកិច្ចរបស់លោកប្រធានរដ្ឋ Vo Van Thuong៕