លោកប្រធានរដ្ឋ Vo Van Thuong សួរសុខទុក្ខអ្នកនេសាទនៅកំពង់ផែ Phu Quy។
(រូបថត៖ VOV)
ក្នុងកម្មវិធីនៃដំណើរទស្សនកិច្ចការងារនៅខេត្ត Binh Thuan នាព្រឹកថ្ងៃទី ១៧ មិថុនា នៅស្រុកកោះ Phu Quy ប្រធានរដ្ឋវៀតណាម លោក Vo Van Thuong និងឧប នាយករដ្ឋមន្ត្រី លោក Tran Hong Ha បានអញ្ជើញមកប្រគល់អំណោយ និងទង់ជាតិ ចំនួន ១.០០០ ទង់ ជូនប្រជានេសាទ លើកទឹកចិត្តប្រជានេសាទឲ្យនឹងនរចិត្តប្រកបរបរ នៅសមុទ្រ។ នៅទីនេះ លោកប្រធានរដ្ឋ Vo Van Thuong បានសង្កត់ធ្ងន់ថា Phu Quy មានទីតាំងដ៏សែនសំខាន់ក្នុងវិស័យការពារជាតិ សន្តិសុខ និងសេដ្ឋកិច្ច; ស្នើរឲ្យ អាជ្ញាធរ កងទ័ព និងប្រជាជននៅលើកោះ កសាងប្រៀបការពារជាតិដោយប្រជាជន ទាំងមូល ដោយផ្សាភ្ជាប់នឹងប្រៀបសន្តិសុខដោយប្រជាជនទាំងមូល និងតំបន់ការពារ ដ៏រឹងមាំ; ដោះស្រាយគ្រប់ស្ថានការណ៍ឱ្យបានទាន់ពេលវេលា និងប្រកបដោយប្រសិទ្ធ ភាព មិនត្រូវអសកម្ម ឬភ្ញាក់ផ្អើលនៅលើកោះ និងនៅសមុទ្រឡើយ។ ទន្ទឹមនឹងនោះ ជំរុញខ្លាំងនូវការឃោសនា ការអប់រំ លើកកំពស់មនសិកាការពារអធិបតេយ្យភាពជាតិ កសាងប្រៀបក្នុងដួងចិត្តប្រជាជនឲ្យបានរឹងមាំ; រឹតបន្តឹងចំណងសាមគ្គីភាពរវាង កងទ័ពនិងប្រជាជន រួមកម្លាំងកាយចិត្តការពារកោះ សមុទ្ររបស់មាតុភូមិយ៉ាងរឹងមាំ។
នាព្រឹកថ្ងៃដដែល ប្រធានរដ្ឋលោក Vo Van Thuong បានអញ្ជើញចូលរួមពិធី គោរពទង់ជាតិ និងដាំដើមឈើនៅបង្គោលទង់ជាតិអធិបតេយ្យភាពមាតុភូមិនៅ លើកោះ Phu Quy៕