លោកប្រធានរដ្ឋ Vo Van Thuong ទទួលអតីតនាយករដ្ឋមន្ត្រី និងជាអនុប្រធានគណបក្សប្រជាធិបតេយ្យសេរីជប៉ុន (LDP) លោក Aso Taro។ (រូបថត៖ TTXVN)
ក្នុងជំនួបនេះ លោកប្រធានរដ្ឋ Vo Van Thuong បានអះអាងថា ទំនាក់ទំនង វៀតណាម - ជប៉ុនត្រូវបានលើកកំពស់ឡើង “ភាពជាដៃគូយុទ្ធសាស្ត្រគ្រប់ជ្រុងជ្រោយ ដើម្បីសន្តិភាព និងវិបុលភាពនៅអាស៊ី និងពិភពលោក” ហើយកំពុងមានកាលានុវត្ត ភាពដើម្បីអភិវឌ្ឍន៍ថែមទៀតលើគ្រប់វិស័យ ជាពិសេសវិស័យថ្មីៗ ជាមួយនឹងចក្ខុ វិស័យសហប្រតិបត្តិការសម្រាប់រយៈពេល ៥០ ឆ្នាំខាងមុខ។ លោកប្រធានរដ្ឋបានស្នើ ឱ្យអ្នកនយោបាយជប៉ុនយកចិត្តទុកដាក់ និងជំរុញការអនុវត្តជាក់ស្ដែងនូវខ្លឹមសារសហ ប្រតិបត្តិការរវាងប្រទេសទាំងពីរក្នុងក្របខ័ណ្ឌទំនាក់ទំនងថ្មី។ ថ្នាក់ដឹកនាំ និងអ្នកនយោបាយជប៉ុនទាំងអស់បានបញ្ជាក់នូវការគាំទ្ររដ្ឋាភិបាល ជប៉ុនក្នុងការចាត់ទុកវៀតណាមជាអាទិភាពក្នុងគោលនយោបាយកិច្ចការបរទេសរបស់ខ្លួន។ អនុប្រធានគណបក្ស LDP លោក Aso Taro បានសន្យាជំរុញកិច្ចសហប្រតិបត្តិ ការវៀតណាម-ជប៉ុនលើវិស័យសេដ្ឋកិច្ច ការផ្លាស់ប្តូរប្រជាជនជាមួយប្រជាជន។ លោកក៏បានសង្កត់ធ្ងន់ថា វៀតណាមជាទីផ្សារពេញនិយមសម្រាប់វិនិយោគិនជប៉ុន ក្នុងដំណើរការផ្លាស់ទីខ្សែសង្វាក់ផ្គត់ផ្គង់ ដោយមានធនធានមនុស្សដ៏ទាក់ទាញ និង ទីផ្សារសក្តានុពល។
ប្រធានគណៈបក្ស Komeito លោក Yamaguchi Natsuo បានអះអាងថា គណៈ បក្ស Komeito នឹងពង្រឹងកិច្ចសហប្រតិបត្តិការជាមួយវៀតណាម ជាពិសេសលើវិស័យ ហេដ្ឋារចនាសម្ព័ន្ធគុណភាពខ្ពស់ សុខាភិបាល ពលកម្ម និងអប់រំ។ នេះគឺជាវិស័យ ដែលគណៈបក្ស Komeito មានសមាជិកកាន់តំណែងជារដ្ឋមន្ត្រីនិងថ្នាក់ដឹកនាំក្រសួង ក្នុងគណៈរដ្ឋមន្ត្រីជប៉ុន។
ប្រធានគណៈបក្សកុម្មុយនិស្តជប៉ុន លោក Shii បានវាយតំលៃខ្ពស់ចំពោះ សមិទ្ធិផលនៃបុព្វហេតុផ្លាស់ប្ដូរថ្មីរបស់វៀតណាម; មានបំណងជំរុញការផ្លាស់ប្តូររវាង បក្សកុម្មុយនិស្តនៃប្រទេសទាំងពីរ; ស្នើឲ្យវៀតណាមបន្តគាំទ្រការមិនរីកសាយភាយ អាវុធនុយក្លេអ៊ែរ៕