 |
លោកស្រីប្រធានរដ្ឋស្ដីទីមានគោលបំណងថា នាពេលខាងមុខ ភាគីទាំងពីរបន្ត រក្សាការជួបប្រាស្រ័យជាន់ខ្ពស់រវាងប្រទេសទាំងពីរ ជំរុញកិច្ចសហប្រតិបត្តិការ រវាងក្រសួង ស្ថាប័ននានានៃភាគីទាំងពីរ ពង្រីកការជួបប្រាស្រ័យខាងវប្បធម៌ អប់រំ ទេសចរណ៍ យកចិត្តទុកដាក់ ជួយឧបត្ថម្ភ ការពារនិងបង្កលក្ខណៈងាយ ស្រួលសម្រាប់ប្រជាពលរដ្ឋនៃប្រទេសទាំងពីរ។ ទន្ទឹមនឹងនោះ ភាគីទាំងពីរចាំ បាច់ត្រូវខិតខំប្រឹងប្រែងអនុវត្តន៍ប្រកបដោយជោគជ័យនូវគោលដៅបង្កើនទំហំ ពាណិជ្ជកម្មទ្វេភាគីឡើងដល់ទៅ១០០ពាន់លានដុល្លាអាមេរិកនាឆ្នាំ២០២០ ផងដែរ។
ចំណែកឯនាយករដ្ឋមន្រ្តីកូរ៉េខាងត្បូងលោក Lee Nak-yeon បានផ្ញើរជូន ប្រជាជនវៀតណាមនិងក្រុមគ្រួសាររបស់ប្រធានរដ្ឋលោក Tran Dai Quang នូវ ការចូលរួមរំលែកទុក្ខដ៏ជ្រាលជ្រៅបំផុតចំពោះមរណភាពគួរឲ្យភ្ញាក់ផ្អើលរបស់លោកប្រធានរដ្ឋវៀតណាម។ លោកនាយករដ្ឋមន្រ្តីបានឲ្យដឹងថា កូរ៉េខាងត្បូង មានគោលបំណងចង់ជួយឧបត្ថម្ភនិងសហប្រតិបតិ្តការជាមួយវៀតណាមក្នុង វិស័យវិទ្យាសាស្ត្របច្ចេកវិទ្យា ហេដ្ឋារចនាសម្ព័ន្ធ ទីក្រុងឆ្លាតវៃ ថាមពលស្អាត បណ្ដុះបណ្ដាលធនធានមនុស្ស រដ្ឋបាលសាធារណៈនិងកសាងរដ្ឋាភិបាល អេឡិចត្រូនិក ព្រោះថាវិស័យទាំងនេះគឺជាប្រៀបខ្លាំងរបស់កូរ៉េខាងត្បូង៕
