សេណារីយ៉ូនៃការប្រកួតទាំងពីរគឺដូចគ្នា ដោយគូប្រកួតរវាង អាល្លឺម៉ង់-ប៉ារ៉ាហ្កាយ និង ហូឡង់-ម៉ារ៉ុក សុទ្ធតែស្មើគ្នា ១-១ និងត្រូវឈានចូលវគ្គទាត់បាល់កាត់សេចក្តី។ នៅក្នុងការទាត់បាល់ដ៏ប្រថុយប្រថាននោះ អាល្លឺម៉ង់ និងហូឡង់ សុទ្ធតែទទួលបរាជ័យ ខណៈដែលអ្នកចាំទី Orlando Gill (ប៉ារ៉ាហ្កាយ) និង Bounou (ម៉ារ៉ុក) បានបង្ហាញខ្លួនយ៉ាងល្អឥតខ្ចោះ ដើម្បីនាំក្រុមរបស់ពួកគេឡើងទៅកាន់វគ្គ ១/៨។
នៅក្នុងវគ្គ ១/៨ ក្រុមម៉ារ៉ុកនឹងជួបជាមួយក្រុមកាណាដា ខណៈដែលក្រុមប៉ារ៉ាហ្គាយនឹងជួបជាមួយអ្នកឈ្នះក្នុងការប្រកួតរវាងបារាំង និងស៊ុយអែត។
នៅក្នុងការប្រកួតនៅទីក្រុងហ៊ូស្តុន (សហរដ្ឋអាមេរិក) ក្រុមប្រេស៊ីលបានជួបការលំបាក់ក្នុងរយៈពេល ៩០ នាទី ចំពោះមុខក្រុមជប៉ុន មុនពេលយកឈ្នះក្នុងលទ្ធផល ២-១។ គ្រាប់បាល់បញ្ចូលទីទាំងពីរគ្រាប់របស់ Casemiro និង Gabriel Martinelli បានជួយក្រុមបាល់ទាត់របស់គ្រូបង្វឹក Carlo Ancelotti ទទួលបានសំបុត្រឡើងទៅវគ្គ ១/៨ ដើម្បីជួបជាមួយអ្នកឈ្នះក្នុងការប្រកួតរវាង កូតឌីវ័រ និងន័រវែស៕
