អាមេរិកនិង​អង់គ្លេសអំពាវនាវឱ្យបញ្ឈប់​អំពើហិង្សាក្នុងប្រទេសស៊ូដង់ជាបន្ទាន់​

ថ្លែងជាមួយរដ្ឋមន្ត្រីការបរទេសអង់គ្លេស លោក James Cleverly នៅខាងក្រៅកិច្ចប្រជុំរដ្ឋមន្ត្រីការបរទេសនៃក្រុមប្រទេសឧស្សាហកម្មឈានមុខគេនៅលើពិភពលោក (G7) នៅទីក្រុង Karuizawa ប្រទេសជប៉ុន រដ្ឋមន្ត្រីការបរទេសអាមេរិក លោក Antony Blinken បានសង្កត់ធ្ងន់ពីការព្រួយបារម្ភយ៉ាងខ្លាំងចំពោះការប៉ះទង្គិចគ្នា ការគំរាមកំហែងដល់ជនស៊ីវិល ប្រទេសស៊ូដង់និងរហូតដល់តំបន់អាហ្រ្វិកខាងជើងទាំងមូលទៀតផង។ យោងតាមលោក Antony Blinken សហរដ្ឋអាមេរិកនិងចក្រភពអង់គ្លេសបានឯកភាពថា ភាគីជម្លោះក្នុងប្រទេសស៊ូដង់ចាំបាច់ត្រូវបញ្ឈប់ការបាញ់ប្រហារគ្នាជាបន្ទាន់ ហើយវិលត្រឡប់ទៅការចរចាវិញ៕