 |
ថ្លែងទៅកាន់មជ្ឈដ្ឋានអ្នកសារព័ត៌មាននៅមន្ទីរបញ្ចកោណ កាលពីថ្ងៃទី ៩ ធ្នូ លោកឧត្តមសេនីយ៍ Christopher Cavoli មេបញ្ជាការកងទ័ពថ្មើរជើងនៃកងទ័ពអាមេរិកប្រចាំទ្វីបអឺរ៉ុប បានឲ្យដឹងថាសហរដ្ឋអាមេរិកគ្រោងនឹងដាក់ពង្រាយទាហានប្រមាណ ២៩.០០០ នាក់ដើម្បីចូលរួមធ្វើសមយុទ្ធរួមជាមួយអង្គការសន្ធិសញ្ញាអាត្លង់ទិកខាងជើង (ណាតូ) នៅខែឧសភា និងមិថុនា ២០២០ ។
កងកម្លាំងអាមេរិកនឹងចាប់ផ្តើមធ្វើដំណើរក្នុងខែកុម្ភៈឆ្នាំ ២០២០ ដោយដឹកជញ្ជូនឧបករណ៍ចំនួន ១៣.០០០ រួមមានរថក្រោះ កាំភ្លើងធំ និងរថយន្តដឹកជញ្ជូនដែលមានចម្ងាយផ្លូវប្រមាណ ៤,០០០ គីឡូម៉ែត្រផងដែរ៕
